حكمت المحكمة على أبو غالى / سوبارو إمبريزا 2008

**old_cars_lover** · 04-09-2011 12:07 AM

من ضمن الحاجات الكتير اللى فهمتها فى مشوارى ده أن سوق السيارات وتوكيلاتها وقطع غيارها فى مصر هى مافيا على أعلى مستوى

**shrifelmasry** · 07-09-2011 11:46 PM

أولاً : طبعاً انا بحي فيك صبرك و تحملك للموقف ككل و الاصرار امام كل حاجة ممكن تهز من عزيمتك
ثانياً : و انا قاعد أقرأ فى الموضوع ... جت لى فكرة قلت اعرضها عليك .

بالنسبة للشركة الام : فى الدول الاوربية يوجد ما يسمى بشركات المحاماة ( بمعنى مجموعه من المحامين لكافة القضايا ) و لها مواقع على الانترنت ، لية ما تبعت للشركات دى تعرض عليهم القضية و انك عايز ترفع قضية تعويض على الشركة الام مطالباً بالتعويض لما نتج من تصرفات وكيلها بمصر و عيوب السيارة الفنية و الخاصة بالتجميع ، على ان تتحمل شركة المحاماة كافة التكاليف مقابل نسبة من التعويض يتفق علية ( و طبعاً الكل عارف التعويضات فى الدول المحترمة بتبقى مبالغ فلكية )

طيب مزايا الاقتراح دة من وجهه نظري :
1 - أدخال الشركة الام ارض الملاعب لانها معتمدة على ان الوكيل المصري هو اللى هيخلص كل حاجة ، و هتلاقي نفسها و سمعتها هتتضرر ( شركات المحاماة بيبقى لها رجالها فى الاعلام و الصحف ) ، يا ها تحاول تحل الموضوع يا هتضغط على الوكيل ( و دة نوع من الانتقام من اخلاق الوكيل العليا ) .
2 - لو قدرت تاخد موفقة من شركة محاماة خصوصا ً انك معاك أحكام و تقرير فنية على الوكيل ، أنت مادياً مش هتتكلف حاجة ، و كمان مش محتاج تسافر اصلا ً للمحاكمة .
3 - أنت ها تخسر حاجة ، معاك الوقت و التجربة ، و يمكن تصيب .

أخيراً دعواتى لك بالتوفيق و صلاح الحال .

**adry_adry** · 19-09-2011 04:16 PM

بجد انا احييك اولا و قبل اي حاجه انا قريت الموضوع كله دلوئتي القديم و الجديد و بجد انت شخص نادر في الزمان ده ثانيا بدعيلك من قلبي ربنا يكرمك وتاخد حقك ان شاء الله

**DReaMaKeR** · 24-09-2011 02:33 AM

هو ده الصح
محدش يسيب حقه

تسلم ايدك يا باشا

**szaalouk** · 02-10-2011 11:07 AM

ربنا يصبرك معاهم يا باشا و انشاء الله تنول اللي في بالك
ما ضاع حق وراءه مطالب
انت راجل محترم و تستاهل كل خير و هما ربنا ينتقم منهم بحق طول المده اللي مستهبلين فيها دي .

**TOOLA** · 29-11-2012 11:14 AM

اولا ربنا يعينك على ما ابتلاك, ثانيا انا كنت لسه هقولك على موضوع الشركة الأم ده, و اعتقد فيهناس هنا كتير حسين مأساتك, بس لأن منتدى السوبارو مش رائج فأنا ليا اقتراحات أخرى.

1- على المسئول عن منتدى سوبارو نشر الموضوع على مستوى اعلى فى المنتدى ليتمكن بقية أعضاء المنتدى من معرفة الموضوع و مشاركته.
2- و ده الأهم فى رأيى عمل صفحة على ال Facebook بمشكلتك كاملة, و تبعت لينا اللينك و نشارك كلنا فيها و نشيرها لأصدقائنا ,ونبدأ حملة تشويه لأبو غالى على ال Facebook, و طبعا يساعدنا فى كده صفحى نايل موتورز على ال Facebook.

و أخيرا ندور على لينك زى ده http://www.facebook.com/IMPREZA.STI
و تنشر الموضوع بال English. ال facebook بأه من اكتر وسائل الضغط دلوقتى, و اهى كلها محاولات و هنشاركك فيها.