الغوث يا قوم العربية منشعة زيت ولسة معدتش ال 3k

**iz3aaaaaag** · 14-08-2011 04:35 AM

اولا كل سنة وأنتم طيبين ورمضان كريم ,,,

ثانيا بقى نيجي ل موضوعنا النهاردة ببطل العربية سمعت صوت تكتكة جي من جوه الكبوت ودي مش أول مرة آخد بالي من الموضوع ده :( بس هو طلع كده على طول علشان أنا ركزت مع الصوت ده طلع بيفضل شغال ل فترة بعد أما ببطل العربية ,,, المهم فتحت الكبوت بصراحة ماخدتش بالي الصوت ده جي منين بس لقيت الماتور منشع زيت على الغطى بتاع الزيت لدرجة إن في زيت طايل البجوهاية اللي جنب الغطى ومن تحت زي مايكون التراب لازق على الماتور وعامل طينة من تنشعيت الزيت ,,,, هل ده بقى طبيعي سواء الصوت ولا الزيت اللي منشع ده ؟؟؟؟؟

والسلام ختام ,,,,

**iz3aaaaaag** · 14-08-2011 04:52 AM

ألف شكر يا رجالة طمنتوني الله يطمن قلبكم ,,, :):)

**MOUSTAFA_SAAD** · 14-08-2011 09:28 AM

الصوت ده طبيعى وجاى من فرن الشكمان وبيفضل فى العربيات الجديده فتره كبيره وعندى فى اللوجان لغاية دلوقتى ب9 شهور استخدام
اما الزيت ده مش طبيعى وتقريبا جوان غطاء وش االتاكيهات لانى سمعت عن عربيه جديده فيها نفس المشكله وحله بسيط ماتقلقشى غيره فى التوكيل بسهوله

**essa** · 14-08-2011 09:44 AM

المشاركة الأصلية كتبت بواسطة iz3aaaaaag

اولا كل سنة وأنتم طيبين ورمضان كريم ,,,
وانت طيب ياباشا وربنا يعود عليك وعلى كل المسلمين بالخير
ثانيا بقى نيجي ل موضوعنا النهاردة ببطل العربية سمعت صوت تكتكة جي من جوه الكبوت ودي مش أول مرة آخد بالي من الموضوع ده :( بس هو طلع كده على طول علشان أنا ركزت مع الصوت ده طلع بيفضل شغال ل فترة بعد أما ببطل العربية ,, المهم فتحت الكبوت بصراحة ماخدتش بالي الصوت ده جي منين

الصوت ده ياباشا صوت الفرن اللى موصل لعلبه الشكمان وده عادي جدا ماتقلقش منه نهائى لانه عندنا كلنا مش عندنك لوحدك وفى اى عربيه مش النيسان بس

بس لقيت الماتور منشع زيت على الغطى بتاع الزيت لدرجة إن في زيت طايل البجوهاية اللي جنب الغطى ومن تحت زي مايكون التراب لازق على الماتور وعامل طينة من تنشعيت الزيت ,,,, هل ده بقى طبيعي سواء الصوت ولا الزيت اللي منشع ده ؟؟؟؟؟
روح السبع فى اى وقت بس تكون حاجز قبلها وشوف المشكه دي هناك وهما اكيد هـ يحلوها تماما وماتقلقش انت لسه فى الضمان واى حاجه تلاحظها فى العربيه قولهم عليها وهما هـ يعملوها
و هـ يعملوها صح كمان لانهم هناك معاملتهم كويسه جداا
والسلام ختام,,,,
ربنا يطرحلك فيها البركه ويديك خيرها ويكفيك شرها