الموضوع: حسبى الله ونعم الوكيل (ايه رأيكم فى كده)

المشاركة الأصلية كتبت بواسطة gsxr600

قدر الله ما شاء فعل

ربنا يعوض عليك انت تحمد ربنا انها جت على قد كده

والله انا بقول الحمد لله على كل شىء بس الضيقة ربنا ما يوريك

المشاركة الأصلية كتبت بواسطة alfath8

ربنا يعوضك خير فعلا معتش فى امان خالص

معاك حق والله

المشاركة الأصلية كتبت بواسطة honda4ever

ربنا يعوض عليك
ده الواحد زعل من السرقة والحراممية
أنا مفيش من شهرين تلاتة اتسرقت الخوذة وكان محروق دمي فما بالك انت
الله يكون في عونك
واسأل ناس في المنطقة عندكم واعمل زي نشرة بمواصفات الموتوسيكل وكمان لو فيه علامات مميزة وابقى تابع مع القسم يمكن يظهر
فيه ناس اتسرق منهم 400 عادة ولقاها فين؟ في الشروق!!! بعد ما حد معرفة قاله إنه شافها وراح واتجمرك 2000 جنيه ورجع ال 400

هو اتسرق ازاي؟ مكانشي فيه قفل متجلفن ولا نسوجر ولا إيه؟

والله كان الانذار موجود والمسوجر بتاع الجدون وكل شىء ولكن ساعة القدر

المشاركة الأصلية كتبت بواسطة Shady_mas2000

قدر الله وما شاء فعل الحمد لله انها صينى
لان لو كانت ريسينج كنت انا اللى هروح فيها؟!
انك تفاضل بين موتوسيكل وموتوسيكل يبقى
اكيد يابانى افضل اما لو بتفاضل بين عربيه وموتوسيكل
دى بتاعتك انتا شوف انتا محتاج مين اكتر مع اعتبارات
شخصيه وعائليه ممكن العربيه تبقى افيد لك
وده اللى ابتديت افكر فيه دلوقتى..

والله ده كان ب حوالى 6500 جنية وكان racing style بس طبعا مش زى اليابانى ولا الايطالى

انا بتكلم على موضوع الامان مع العلم ان انا بحب الموتوسيكلات جدا مش موضوع مواصلات

وكاعتبارات عائلية الحمد لله والدتى معاها verna ولكن ايام ما البايك موجود نادر ما كنت اركبها ومكنش فى اعتراض منها او من والدى

اما من ناحية المفاضلة انا فاضلت مش كقوة او كمود انا بتكلم على انى اخاف يتسرق تانى منى بايك فمش عارف

ومحتار جدا

(وربنا يكرمنى اجيب الاتنين)

المشاركة الأصلية كتبت بواسطة yascro

قدر الله وما شاء فعل اللهم رد اليه ضالته

امين
يا دياب صح؟

معلش اعتبرنى اخوك الصغير فحقولك دياب

المشاركة الأصلية كتبت بواسطة nktis

ربنا لطف والحمد لله انها بتيجي في الحديد...
وللاسف الظاهر ان موضوع السرقات في الموتسيكلات بقي منتشر بشكل وبائي وانا كل فتره قصيره اعرف ان فلان اتسرق منه الموتسيكل بتاعه...اينعم بيبقي صيني بس الحاجه بتصعب ...
ربنا يرد ليك ضالتك ....

فعلا والحمد لله على كل شىء

المشاركة الأصلية كتبت بواسطة Elaven

الحمد لله علي كل شئ
اكيد ربنا بيختبرك وبيمتحنك هتقول اللحمدللة علي كل شئ
ربنا اكيد محوشلك حاجة احسن

وفي مقولة بتقول ( لعلة خير )

قصة الجملة

ان كان في امير بيحب يخرج للصيد وبياحد الوزير بتاعة معاة
الوزير رجل صالح ومتدين وبيربط الاشياء كلها ب الله ودايما يقول لعله خير

وفي يوم خرجو للصيد
وحصل موقف ان الامير فقد عقلة صباعة في عملية صيد
الوزير قال لل امير لعلة خير يا مولاي
الامير زعل جدا اذاي تقول علي حاجة ذي كدة لعلة خير هو انت فرحان فيا ورجع المدينة وامر بحبس الوزير في السجن الوزير قال بردو لعله خير
بعد فترة خرج الامير لرحلة صيد بمفردة بدون الوزير لأنة في السجن
جائت قافلة تعبد الاصنام اخطتفو الامير ليقدموه قربان للألهه وعند فحص الهدية (الامير ) وجدوة معيوب مقطوع عقلة من صباعة فتركوه يرحل للبحث عن قربان جديد

الامير رجع البلدة واخرج الوزير وحكالة الموقف وقالة لولا العقلة المقطوعة ل قتلونى

قالة انا قولت لعله خير يا مولاي الله انقذك وانت لا تعلم
ولعله خير انك ادخلتني السجن لأني اذا كنت معك لكانو اخذوني بدالك وقتلوني


ف لعله خير لسرقة الموتوسيكل

الله يفتح عليك

مردتوش على استشارتى يا جماعة بخصوص 2wheels or 4wheels اللى فى اول الموضوع

وشكرا بحرارة لكل اللى شاركوا فى الموضوع