الموضوع: استفسارات بخصوص الكريستاله

المشاركة الأصلية كتبت بواسطة ser3a

باشا
انا مسقط الموتور 1500 بس الكامتين
موتور ممتاز ما شاء الله
قطع غياره لا غبار عليها موجوده جديده و مستعمل محتش باي فرق
المايفك عايز معامله خاصه و حاجاته غاليه اوي
خليك في ال 1500 كامه او اتنين

انا كمان مسقط نفس المكنة 1500 كامتين هوة موتور ممتاز فعلا بس مش اعلى كتيير من 1300 لان موتور الكريستالة الاصلى طبعا كان عندى كويس جدا بس مشكلته كانت فى سرعة التجميع المهم انا كنت بسالك ليك المايفك عايز معاملة خاصة تحياتى وكل سنة وانتم طيبين

المشاركة الأصلية كتبت بواسطة amraction

السلام عليكم

ازيكم يا لانسراويه.. انا اخوكم عمرو من قسم الاوبل هنا..

عندى بس شويه استفسارات بخصوص اللانسر كريستاله 99-2000

انا بفكر اجيب كريستاله كعربيه تانيه ف البيت.. بس مش حابب فكره انها 1300 سى سى .. وانا بقلب ف كونتاكت كارز لقيت عربيات منها 1500... هل ده موتورها ولا متسقط ؟؟

ولو موتورها فعلا مش متسقط.. هل قطع غياره منتشره زى ال 1300 واسعارها كويسه ؟ وبالنسبه لاداءه عامل ايه ؟؟

ولو هجيب ال 1300 واسقطلها الموتور المايفك اللى بسمع عنه .. ايه حواره؟ اداءه \ مواصفاته ؟؟ بكام ويتجاب منين ؟وايه المطلوب لما اسقطه - تغيير عفشه يعنى وفرامل وضفيره وكده ؟؟ وهل له قطع غيار متوافره؟ واعمله صيانه واتابعه عند مين ؟؟؟

ارجو منكم الرد عليا ف اقرب فرصه بالتفاصيل ومتشكر مقدما

وعليكم السلام ورحمة الله وبركاته
اهلا بيك فى قسم الانسر ولينا الشرف انضمام عضو جديد وبصراحة تفكيير ممتاز بالنسبة للكريستالة بقى دى غير كل العربيات اللى موجودة فى نفس فئتها بس بشرط انها تكون حاجة نظيفة وحالتها حلوة و العربية دى اصلا برة اسمها ميراج اللى هية 1500 وشكلها قريب جدا منها بس اختلافات بسيطة فى الشنطة والاكسدامات وكذلك من الامام انما العفشة واحدة وطبعا الميراج بتنزل جنوطها مقاس 14 سواء اسبور او عادى وفيها اير باج عدد 2 دى اللى بتنزل اساسا 1500 وبالنسبة للتسقيط لك حرية الاختيار العربية الوحيدة التى تقبل القسمة على مواتير عدة منها المايفك وال2000 سى سى وال 2400 وانا شفت المكنة ال2000 دى 6 سلندر موتور جبار وكان راكب على كولت حاجة فوق الوهم بكتير المهم يعنى لو عايز تعرف ايه المواتير وقدرتها بالظبط على الطبيعة انزل عن اى حد بتاع لانسر وهما كتيير جدا ويستحسن انك تلف وتسال كتير مش من اول واحد تبنى رايك هتلاقى كل اللى انت عايزه وبالنسبة للانسر فى الاغلب لما بتاخد موتور من اول المايفك وانت طالع لازم تاخد عفشته بحاجته والباقى طبعا بيجى بفتيسه بالكنترول وممكن بالعدادات والتانك على حسب الاتفاق مع الراجل بس الحاجات دى اساسية يعنى لو اتنازلت عن حاجة هاتبقى بثمنها وبالتوفيق ان شاء الله