العربيه مبقلهاش يومين ولمبة المحرك منوره اصفر

**romioromio** · 15-08-2011 07:04 PM

يا جماعه انا لسه جايب عربيه ليجانزا من يومين

لمبة المحرك منوره لونها اصفر علي طول حتي وانا ماشي ومكتوب عليها check

هو ده ايه يا رجاله اللمبه رقم 34 هي اللي منوره

ايه ده يا شباب

انا كمان ساعات بسمع صوت حكه او صفاره اول ما بتحرك بالعربيه ساعات تروح لما بسرع

كمان اخر شئ انا وانا ماشي عالتاني بيكون سحب العربيه جامد جدا الصراحه
هل لازم امشي عالتالت ولا ممكن امشي عالتاني علي طول جوه البلد
رمضان كريم الله يكرمكم جاوبوني

**romioromio** · 16-08-2011 02:15 AM

للرفع_______________________

**mostafa mahmod** · 16-08-2011 02:23 AM

روح اى حد عنده اسكانر و هيكشفلك عليها بالكمبيوتر و يقولك العطل فين و دى ب 30 جنيه
اما المشكله التانيه فمش عارف و الله و نستنى حد يفيدك و يفيدنا معاك

**elewey** · 16-08-2011 03:58 AM

لمبه التشيك زى ما الزميل قال روح مركز يحطلك العربيه على السكانر عشان تعرف اللمبه منورة ليه اما السؤال التانى دة بقى انا مش فاهم يعنى انتا لما بتجيب التالت السحب بيقل يعنى و لا قصدك ايه

**romioromio** · 16-08-2011 06:33 AM

لا انا قصدي لما اكون عالتاني العربيه بتبقي سريعه قوي وسحبها جامد
فهل لازم اجيب التالت ولا كفايه التاني .زالتاني بيوصل معايا 60 علي فكره

**graffittiii** · 16-08-2011 07:13 AM

مهو يافندم التاني بيوصل ف كل العربيات ل 60 ... ولو قرصت عليه هيجيب كتير ...
لما تحس أن صوت الموتور هيبدأ يعلي أدي الغيار اللي بعده ...
دايما الغيار الأعلي بيريح العربية بس مش تنقله قبل معادة ...

أغلب المشي وسط البلد بيكون علي التاني عشان الزحمة مش بتلحق ...:b4_048:
لو الطريق مرتاح قدامك أنقل التالت علي 50 يكون أفضل وأريح للموتور ...

لو أنت مسافر مثلا التالت بيجيب لغاية 120 لكن الأفضل لو هتمشي فترة طويلة علي 100 تكون علي الرابع مش علي التالت ...
يارب تكون فهمت قصدي وماكونش لخبطتك ...

**pro_samir** · 16-08-2011 07:36 AM

لازم تفحص العربيه كلها علشان تشوف فيها ايه وتسرفسها سيور وزيوت وفلاتر واكشف علي تيل الفرامل علشان الصفاره دي

**SAMEH_FOUAD** · 17-08-2011 04:50 AM

هو دة كدة معناة انك عندك فية مشكلة فى sensore ودة بيكون برقم كود 34 وغالبا دة بيكون mass air flow بردة جهاز كشف الاعطال هيبين كل حاجة مظبوط بس تعمل حسابك ان اللمبة مش هتطفى غير مع تنظيف او تغير الحساس حسب ال errors موجود فى حساس قابل للتنظيف ولا بيتغير

مشكلتك التانية انك بتحس ان الغيار التانى اقوى من اى غيار فدة طبيعى بس غلط انك تمشى علية لانك بكدة هتسخن المحرك وهتخلى الماتور يتعب بسرعة , كل غيار ولية سرعتة واوعى تسقط نقلة من غير مادوس فرامل او على الاقل تهدى بالعربية بما يتناسب مع السرعة اللى انت ماشى عليها