الموضوع: نقص المية الخضرا فى القربة!!

المشاركة الأصلية كتبت بواسطة MMamdouh

اطيب اذا كان الموضوع كدة يبقى لازم شوية حاجات تتوضح الاول و انت حتعرف انهى منتج افضل لوحدك.....

1- نسبة التركيز تعكس نسبة الاثيلين جلايكول فى الميه و بالتالى التركيز لا يعكس الجودة

2- التركيز يعكس مدى مقاومة الميه للتجمد و بالتالى التركيز الاعلى يقاوم التجمد اكثر نظرا لزيادة نسبة الاثيلين جلايكول

3- افضل سائل يمكن استعماله كا مبرد هى المياه العذبة فا هى تستوعب كم حرارى اكبر من اى سائل اخر عشان ترتفع درجة حرارتها درجة واحدة (مش فاكر القياس الفزيائى للموضوع دة اسمة ايه للاسف)

تفتكر بعد ذكر النقاط دى حنحتاج نسبة تركيز كام فى مصر؟؟؟؟

MMamdouh

يعنى معنى كده ان ممكن نحط مياه العاديه او معدنيه ومفيش اى مشاكل منها الى انا كنت فهمه ان المياه الخضراء مضاف عليها مواد غير الاثيلين جلايكول بتخليها مقومتها للغليان اكتر من المياه العاديه سواء المعدنيه اوبتاعة الحنفيه

المشاركة الأصلية كتبت بواسطة MMamdouh

لا طبعا مينفعش

الميه المعدنية فيها املاح و حتترسب على كل اجزاء دورة التبريد... و ميه الحنفية فيها املاح و فيها رواسب و شوائب كمان

محدش جاب سيرة مقاومة الغليان خالص... الاثلين جلايكول بيقاوم التجمد... مقاومة الغليان بتيجى من الضغط داخل دورة التبريد مش من الاضافات اللى فى الميه

MMamdouh

يعنى فكره المياه الخضراء عباره عن انها مياه خاليه من الاملاح والشوائب وديه متوفره فى اى نوع من المياه الخضراء بالاضافه الى موضوع الاثيلين جلايكول وده بيتوقف على حسب درجة البروده لكل بلد يعنى فى مصر مش محتاجنها خالص يكفى مياه خاليه من الاملاح والشوائب بدون الاثيلين جلايكول لان عمر مادرجة البروده عندنا بتبقى اقل من 5 درجات فى عز الشتاء

المشاركة الأصلية كتبت بواسطة MMamdouh

ميه الحنفية مش حتبان لما تتسرب... الميه الخضراء بتسيب زى املاح كدة مكان التسريب و بتبين مكان التسريب بسهولة

الكويل لو مخروم حيسرب ميه تبريد و حتنزل من فايظ التكييف و لو كنت حاطت ميه خضراء كنت شميت ريحتها من فتحات التكييف

استعمل radiator seal من on the run و شوف لو التسريب منع

MMamdouh

انا بصراحة كنت مشغول جداً الفترة اللى فاتت وكنت بزود الميه كل فترة وبس ، إلى ان اجد حل .. وفيه واحد كان قاللى اغير الغطاء لكن أنا مشيت بطرف اصابعى حول الغطاء والعربية سخنة يعنى بعد مشوار بها لكن لم اشعر بأى بخار أو تسريب مياه .. المهم الأسبوع اللى فات كنت فى كارفور المعادى ولقيت علبة مكتوب عليها radiator weld فقلت أكيد هى هى radiator seal اللى قال عنها أ/ ممدوح ، شفت بسرعة التعليمات اللى مكتوبة عليها وكان مكتوب انه لازم استخدم مزيل الصدأ radiator Flush فاشتريت من نفس النوع (بالمناسبة كان فيه نوع فى علبة خضراء ، ونوع أخر فى علبة سوداء نفس الكلام المكتوب على كل منهم هو فى الأخر فقلت اكيد مافيش فرق واخذت الخضراء) وبعدين لقيت علبة كمان اسمها Block Weld تقريبا (اصل بصراحة من ساعة ما جبتهم وهم فى شنطة العربية) وعرفت بعد كده ان دى لدورة التبريد داخل الموتور .. مش مهم كنت اشتريتها وبس .. ، إلى الآن لم استخدمهم لأنى مشغول حتى نهاية الأسبوع .. بس ناوى إن شاء الله يوم الجمعة ابتدي بمزيل الصدأ .. لأن مكتوب عليه تعلميات كتيرة مش فاكرها بالضبط لكن ملخصها انه بفضى الردرياتور .. وبعدين اضيف نصفه مياه (بالمناسبة أنا عاوز أعرف هو اد إيه نصفه كام لتر يعنى ..؟) وبعدين أضيف مزيل الصدأ واكمل الباقى ميه وبعدين اشعل العربية حوالى 10 دقائق وبعدين أفضى الرادرياتور تانى واملاه تانى ميه .. (حكاية كبيرة) وامشى بالعربية يومين أو ثلاثة وبعدين أغير الميه تانى ..
ده كله بالنسبة لمزيل الصدأ .. لما ربنا يسهل واعمل الخطوة دى هابقى اشوف السائل التانى بتاع اللحام .. لو فيه أى إرشادات أو ملحوظات بالنسبة للموضوع ده من حضراتكم أرجو افادتى .. بصراحة أول مرة أفضى الرادرياتور أنا كنت بشوف الميكانيكى بيعملها كتير أمامى وبعيدن يحط ميه ويسحب الهواء .. بس أول مرة اعملها بنفسى .