الموضوع: ورشة فولكس

السلام عليكم
من اسبوع وانا ماشي بالعربيه لاقيت لمبه حمرا بالطابلوه نورت لم اكن اعلم ماهي تلك المبه ولاني كنت ازف عريس لم استطع ان اقف لاعرف مانوع الخطاء ومشيت عليها حوالي 3 كيلو او 4 حتي اوصلت العريس ووقفت للاطلاع علي نوع اللمبه ومن الكاتلوج عرفت انها لمبه مياه التبريد فتحت الكابوت لاقيت الاربه الغطا يعتبر مفتوح ومافيش اي ميه في الماتور ولا الريداتير وووقفت حوالي ساعه ابحث عن ماء احمر ولم اجد نصحني احد الاصدقاء ان اضع بها ماء عادي جبت جركن ووضعته ومليت الاربه مع العلم ان قبل ان اقف بحوال 1ك لمبه الماتور الepc نورت وعداد الحراره لم يتخطي ال90 وانا بحط الماء بالماتور شغلت وبدات احط الماء بس حسيت ان الماتور لازال ساخنا وبدأ يطلع بخار من فتحه الربه( حسيت في الوقت ده اني استعجلت في وضع الماء ) مع العلم ان كان عدي حوالي ساعه ونص من تبطيل السياره وبدأت ابطل واشغل واضع الماء حتي امتلئت الاربه روحت بعد كده لبتاع ريداتير لتغير الماء بأحمر فعمل حاجه غريبه فك الخرطوم الي فوق في الريداتير لتصفيه الماء وانا كنت قريت علي الموقع ان المفروض يتفك من اسفل الريداتير وحط خرطوم ميه في الاربه شويه وقام مركب الخرطوم تاني ووضع جركن الميه الحمرا وقالي خلاص كده سألته انته مش هتاخد هوا او تنظف الدوره قالي كله تمام ومتسمعش لكلام النت مشيت من عنده تقريبا 5 ك ولقيت اللمبه قادت الي هي بتاع التبريد وعداد الحراره رفع رايح علي 120و زياده ركنت وقعدت اخد الهوا ادور احط ميه وابطل وهكذا حتي امتلئت الاربه ونزلت الحراره الحمد لله ومشيت علي كده كل ما الميه تنقص ازودها شويه لحد ماسبتت الحمد لله .
المشكله : هي ان لمبه الepc بتنور عندما يكون هناك حمل علي السياره بمعني لما اكون مثلا علي الطريق وبعدي سياره وازود بنزين لتخطي السياره اللمبه تنور . اركن وبطل وامشي تاني اللمبه تطفي .
الrpm ساعات لما ازود بنزين بيعلا وكأنك بتزود بنزين ووانته رجلك علي الدبرياش داو انا ماش طبعا ( السياره اتوماتيك)
ملحوظه طول مانا ماشي عادي ولا اقرص علي العربيه لاتضيء ولا تظهر اي مشاكل والعربيه تمام لا تظهر المشكله الا عندما اقرص فجأه عليها

لمبه الepc من فتره كبيره كانت نورت وبعد زيارات للميكانيكي والتوكيل لم يحلو المشكله ولم تحل الا لما شيلت كابلات البطاريه الكلام ده من اكتر من 7 شهور واكتر وكتبت علي الورشه هنا المشكله دي بس كانت اللمبه بتنور اول ما مشي بالعربيه من غير ضغط او اي شيء ومكنش فيه اي مشاكل غير ان اللمبه منوره وبعد ماشيلت كابلات البطاريه مظهرتش خالص الا لما حصل موضوع الميه ده طول اكتر من 7 شهور
ارجو ان تسامحوني للاطاله وان اجد الحل معكم واشارككم للاستفاده ايضا

هو معدش حد بيدخل الورشه ولا ايه ؟

شكرا للرد
انا النهارده روحت الحرفيين عند سيد جولف الي في شارع مرسيدس كشف عليها وقالي انه حساس الكامه وغيره استيراد وجربت العربيه اللمبه ماقديتش وانا ماشي قادت رجعت تاني وخليته شال الحساس وركب بتاعي تاني وحاسبته ومشيت بعد مافك سلك البطاريه ووصله تاني اللمبه ماقديتش حوالي 110 ك والعربيه زي الفل اول ماوصلت البلد اللمبه قامت قايده وال rpm عمال يعلي ويوطي لوحده ابطل واشغل نفس المشكله ركنت وغطيت العربيه وسيبتها!!!!!!!!!!!!!!!!!!

يا بشمهندس تيتو أنا ماليش خبره بالعربيات أنا بودي العربيه للميكانيكي وهو بيقولي فيها كذا بس حكايه الاكواد انا معرفش عنها حاجه .
النهارده الصبح نزلت ادور العربيه ال rpm بيعلي ويوطي لوحده الماتور صوته عالي وفيه رجه والشكمان بينفخ نفخ مقطع . ياريت تفيدني دا من ايه وهل ممكن اسافر بيها للتوكيل ولا دا غلط .
منتظر ردك لاني حجزت في التوكيل والمفروض الميعاد بكره ان شاء الله