ورشة فولكس

**eng_mhosam** · 19-05-2012 11:20 PM

حد اتعامل مع مركز اسمه cabrowny فى المعادى

**lamis73** · 21-05-2012 08:02 AM

أنا كنت عايزة أعرف مكان حد متخصص في الفولكيس و يكون في المعادي أو منطقة قريبة منها بس يكون ممتاز و عنده ضمير عشان أنا رحت التوكيل و فحصوها و غيروا حجات و طبعاً خدوا مبلغ و قدره و العربية زي ما هي ،فأنا كنت عايزة أعرف مكان في المعادي أو قريب منها لبيع قطع الغيار بأسعار أفضل من التوكيل و كمان متخصص في التصليح و يكون كويس،يا ريت لو حد يعرف يا جماعة يبعتلي العنوان بسرعة لحسن العربية أمس عملت فيه فصل مش تمام و أنا في تقاطع و إلي عرفته إنها محتاجة تغير طقم الدبرياج ،فإلي يقدر يفدني يبعتلي عنوان المتخصص في الفولكيس
مع جزيل الشكر

**محمد نصرت** · 21-05-2012 04:29 PM

السلام عليكم ورحمة الله وبركاتة

أولا شكراعلى الموضوع الهايل ده ... بجد كنت محتاج موضوع كدة ... لان هنا على الاقل محدش مستفاد حاجه ألى بيقول معلومة بيقولها بجد وبضمير ...

انا كنت ركب فيات 127 والحمد لله غيرتها وجبت Golf Mk 1 موديل 1979 معدلة كلها جولف21 1982 وعليها مكانة 1600 سى سى ... بقالها معاى حوالى شهرا بس فى شوية مشاكل اتمنا انكم تساعدونى فيها ...

أولا : العفشة بتاعتها باظيط .. محتاجه بيض مقص وجلب مقص وحشو علية تركسبون والعربية محتاجة توطه شوية
( دلوقتى فى ناس بتنصحنى انى أجيب العشفة أستيراد ... وفى ناس بتقولى لا غير كلو وهات جديد وكمان مساعدين )

ثانيا : فى خرطوم هواة بيركب من الماتو للكاربيرتر الخرطوم ده لما بيركب مش بيخلى للماكنة صوت خالص بس فى نفس الوقت بيطلع دخنة سودة من الشكمان ... فدة معناه انها الكاربيرتر فى مشكلة لان العربية كمان بتاكل بنزين

ثالثا : الفتيس عند تحس انو مايل عليه يعنى مايل ناحية اليمين .. واحيانا الغير الاول بيعكس ويجب لواره ( مارش ديل ) ... دة غير انو 4 غيار بس ... :( , فهل أغيرو واجيب واحد خمسة غيار وهل ده بيفرق فى سرعة العربية

رابعا : احيانا ألقى سحب العربية ماشاء الله وبتجرى جدا ... وأحيانا أحس انى راكب توك توك :)

خامسا : فى شداد بيركب من القوله للقولة فى الحوض شفتو فى عربية عند الميكانيكى .. هل دة مفيد لعربيتى ولو مفيد أجيبو منين ...

أرجو ألافادة ... جزاءكم الله كل خير ....

**lamis73** · 21-05-2012 09:30 PM

ممكن يا جماعة تسعدوني و لو حد يعرف أي معلومات عن ميكانيكي في المعادي أسمه محمد مرسي في شارع 9 (يعني كويس و لا لأ ؟؟؟؟و لو كمان تعرفوا محل بيع قطع غيار للبولو بس مش حرامي و قطع غياره أصلية
و ألف شكر.....

**ashrafa1** · 24-05-2012 09:13 PM

فولكس باراتى 2006 فيه صوت غريب فى العجل وبعد شويه الصوت بيروح وبيجي ومن يومين لقيت الصوت بقى أشد أعتقد أن ده بلى العجل بسي خايف لحد لما أروح الصيانة يحصل حاجة هو أه مخاطر الموضوع ده وممكن أشم ريجة شياط وأنا ماشي لو ده حصل أعمل آه

**mohamed_nawar** · 30-05-2012 11:08 PM

المشاركة الأصلية كتبت بواسطة lamis73

ممكن يا جماعة تسعدوني و لو حد يعرف أي معلومات عن ميكانيكي في المعادي أسمه محمد مرسي في شارع 9 (يعني كويس و لا لأ ؟؟؟؟و لو كمان تعرفوا محل بيع قطع غيار للبولو بس مش حرامي و قطع غياره أصلية
و ألف شكر.....

فى واحد فى فيصل انا بتعامل معاه اسعاره ممتازه
لو عايزاه هاجيبلك رقمه
وفى واحد بتاع استراد فى شارع الليبيني على الدائري

**mohamed_nawar** · 30-05-2012 11:10 PM

انا اشتريت فلتر بنزين لبولو 98 ومش عارف اغيره
معنى اصح مش لاقيه فين مكانه
لو حد يقدر يفيدني بالصور او لينك فيديو
وشكرا

**tarekjwal** · 31-05-2012 06:10 PM

الأخوة الأفاضل تحذير هام لكل من اراد ان يشتري قطعة غيار من الحرفيين لأنني رأيت مالا يخطر علي بال اي زبون
اولا- شفت واحد بيشتري قطعة الغيارر خلع من واحد كان عامل حادثة بعربيتة واخد قطعة الغيار دي وحط عليها علامة بتاعة المحل بتاعة وعلقها عندة علي انها استيراد يعني؟؟؟؟
ثانيا -شفت نفس صاحب المحل هو هو برضة واحد رجعلة طرمبة باور جولف 3 وقالة دي مش شغالة خالص ومابتقلبش نهائي قام قالة بعد خناقة كبيرة ان مالهاش مرتجع وممكن يكون السكاترا بتاعتك هي اللي بوظتها علشان كدة انا مش هارجعها ........؟؟؟؟؟؟؟
ثالثا-لو في قطعة غيار الزبون رجعها وقاللة دي مش شغالة مش بيرميها او يركنها دة بيعلقها تاني ويبيعها لأقرب زبون تاني يجيلة ....!!! يمكن تشتغل معاة ؟؟؟؟؟؟؟ وهلم جرة
-----------------------------------------------------------------------------
انا شفت الكلام دة يا جماعة فعلا واقسم بالله في احد محلات الحرفيين وفي شارع يوسف صبري ابو طالب اللي هو شارع المرسيدس وانا كنت مش عايز اقول علي اسم المحل اللي شفت فية الكلام دة بس صديق ليا قالي حذر الناس منهم علشان ربنا يكرمك وما تشلش ذنب ناس تاني ممكن تقع في نفس الغلط
المحل اسمة(فتحي عدس) وصاحب المحل اسمة عمرو واللي شغال عندة بينصب علي الناس اسمة محمود الباقوري
ودة عينة بس واكتر من 80 % بيعملوا زية
وعلشان تاخد حذرك منهم قوللة فكلي القطعة دي من موتور وخلية يفكهولك قدام عينك
شكرا
طارق اسيوط

000000000000

**Mahmoudyoussif** · 03-06-2012 04:55 PM

دلوقتي انا نويت والنيه لله اني بد ما اعمر موتور العربيه اني اجيبلها بلوكه بوش

سالت لقيت تلات انواع موجودين 1300 و دا الستاندارد بتاعها ب 1650

و 1400 اللي هوا 8 صباب ب 1650

و 1600 بس عايز اعرف هل ال 1600 انجيكشن ولا لا

وتاني سؤال دلوقتي ال 1400 انجيكشن هل هينفع يشتغل على الكاربيراتير بتاعي ولا لازم اجيب ادوات تغذيه

و يا ترا 1600 دا كاربيراتير ولا انجيكشن يعني لو جبته اغيرله الكاربيرتير ل 1600

عايز اعرف ايه الافضل من فضلكوا و الاضمن

**titos_81** · 03-06-2012 08:04 PM

المشاركة الأصلية كتبت بواسطة mohamed_nawar

فى واحد فى فيصل انا بتعامل معاه اسعاره ممتازه
لو عايزاه هاجيبلك رقمه
وفى واحد بتاع استراد فى شارع الليبيني على الدائري

الفلتر حتلاقيه تحت تنك البنزين بين العجلتين اللى ورا و خلى بالك من اتجاهه اللى على السهم و لما تييجى تفكه اتك على السقاطه اللى فى القفيز بمقك و اسحبه لبره حيطلع معاك و بالتوفيق

اسف انا كان قصدى ارد على الاستاذ اللى كان بيسال على الفلتر