نفس الساؤال اللي كنت هاسأله :rolleyes:
عرض للطباعة
يمكن الموضوع فعلا يا علي محتاج شوية صبر على ما تيجي السيريون.
السلام عليكم ورحمة الله وبركاته
معلش يا استاذ علي انا مشفتش الموضوع الا لما بعت لي على الخاص علشان ادخل اصل انا فعلا بادخل ثلاث منتديات فقط لا غير الميتسوبيشي طبعا والعام والاجتماعي
انا قريت المناقشة من أولها واحب أوضح لحضرتك بعض النقط اللي حبيت تسألني فيها :
- بخصوص قطع الغيار ففي اوائل 2007 مع بداية وصول العربيات تم عمل طلبية كبيرة بحري لقطع الغيار من أوروبا ودي بتكون طلبية ضرورية لأي موديل جديد يتم انزاله وبعدين تلاها طلبيات طيارة محدودة لبعض النواقص وحاليا فعلا زي ما بعض الأخوة قالوا ان قطع غيار المحرك بتيجي مع قطع غيار محرك اللانسر من دبي جبل علي (مخزن قطع غيار ميتسوبيشي للشرق الأوسط قادما من اليابان) وقطع غيار البودي بتيجي من اوروبا
وتم عمل طلبية بحري جديدة لقطع الغيار من اوروبا في اسكندرية دلوقتي ده بخلاف طلبيات الطيارة الصغيرة يعني قطع الغيار لازم تتوفر اول بأول لأي عربية ودي مسئولية اي وكيل
- بخصوص نزولها تاني فده يتوقف على ادارة التسويق واعتقد هي منتظرة انتهاء دفعة 2007 لأن الدفعات الجديدة هتفرق كتير في السعر
- بخصوص 2 ايرباج فده كان في اول دفعة فقط من الكولت والباقي ايرباج واحدة اما 2 ايرباج فالمتوفر منه الآن عربيات قليلة ومفيش منه لون احمر انما لو نويت ممكن نشوف الألوان المتاحة ايه
- طبعا العيب الأساسي للعربية هو سعر اعادة البيع وان كان فيه ناس بتحب تركب عربية مش منتشرة
- طبعا الأستاذ أحمد OldVic هو اللي لسه شاري العربية من شهرين كده وهو كان عايش في انجلترا وواضح انه عارف العربية وحاببها من هناك وممكن تكلمه تستفسر منه على اي حاجه بخصوصها
وتحت امرك في اي تساؤل آخر
طب و رانج اسعار قطع الغيار ممكن ناخد عنه فكره
ده اللي كنت لسة هاطلبه من حضرتك :)
وشكراً للمعلومات اللي قدمتها يا باشمهندس طارق
وياريت كمان حضرتك تفيدنا بالألوان المتوافرة وثانياً بإن كان فيه رؤية في التوكيل بخصوص توفير قطع الغيار مستقبلاً في الأسواق بحيث انها متكونش مقتصرة على التوكيل
سيات لافر
ياريت توضح لنا اكتر انت قصدك ايه ربما تنورنا بشئ غايب عن ذهننا
أبو عبد الله ومعاذ وفهد و OWS212 وأبو سيف ونايل ستورم وعلا
جزاكم الله خيراً على مساهمتكم
والله نعم الاخوة الواحد مش عارف من غيركم كان هايعمل ايه؟
الواحد بس بيحاول يستوضح كل الأمور عشان مع الاستخارة ربنا ييسر له بالقرار الصح ان شاء الله
واستهلاك البنزين كمان يا باشمهندس طارق لو تنورنا بيه يبقى كتتر خيرك
أهلا بكم جميعا، أعتذر عن عدم رؤيتى للموضوع قبل ذلك. عموما، سأقوم بعمل رد مفصل (مدعوما ببعض الصور اذا تمكنت من وضعها هنا) من واقع تجربتى الشخصية (الايجابية جدا) و ذلك عند عودتى مساء اليوم.
بخصوص اسعار قطع الغيار (شامل ض.م)
فلتر زيت : 55 ج - اللانسر : 50 ج
تيل فرامل أمامي : 655 ج - اللانسر : 385 ج
تيل فرامل خلفي : 300 ج - اللانسر :
فانوس امامي : 1150 ج - اللانسر : 990 ج
فانوس خلفي : 645 ج - اللانسر : 750 ج
يعني بشكل عام لو العربية متأمن عليها فالتأمين شال قصة البودي والحوادث لا قدر الله
أما الصيانة والمحرك هو محرك اللانسر EX وبالتالي نفس تكلفة اللانسر وبالمناسبة اسعار الصيانة في جدول المصنعيات العربية الكولت زي اللانسر
- بخصوص الألوان المتوفرة : فضي - اسود - احمر - رصاصي - كحلي (ده لواحد ايرباج)
اما اتنين ايرباج (فضي - رصاصي - كحلي)
- أما استهلاك البنزين فمقدرتش أوصل له
انا بشكر كل اللى خد بالة من كلمة فى كلامى و اهتم انة يسأل
انا قولت ان
السيريون تكسب للآسف
عشان مفروض فى مقارنة ذى دى الكولت تكسب من كل الجهات ... لكن للآسف الكولت كالعادة
جاءت كلها بحسابات غلط (تصميماً و سعراً و اداءاً و عيوباً ..... و بالتأكيد انعدام سعر إعادة بيع )
حتى قطع الغيار المذكورة بتبين اد اية عربية هاتش باك مفروض تكون متناسبة مع اللانسر الموديل الرئيسى الناجح فى ميتسوبيشى .. جاءت و كأنها عربية سيدان اكبر من اللانسر
وشكل هنا مختلف عن برة ... يعنى من كلة !
للاسف كنا متوقعين من الكولت افضل من دة بكتير و تتنافس وتتحط فى مقارنة مع الفورد فوكاس هاتش باك ..مش مع السيريون !