السلام عليكم ورحمة الله وبركاته
انا رجعت تاني :)
إحساس فظيع بالذنب بيتملكني :)
كإنني ولعت الدنيا وطلعت أجري
بس معلش يا إخوة الواحد ملهوش غيركم يستشيره
من قبل ما أعمل الموضوع وانا صليت ولسة باصلي استخارة في الموضوع
وكنت فعلاً ميال جداً للكولت على حساب السيريون بس يمكن نقطة واحدة أو نقطتين هما اللي خلوني أعيد نظر في الموضوع وهما سعر قطع الغيار وعدم وضوح سياسة توكيل ميتسوبيشي بخصوص العربية في المستقبل
انا فعلاً مقتنع ان لو قطع الغيار غالية أكيد هاتبقى معمرة
بس في نفس الوقت لما تبقى غالية زيادة عن اللزوم باشوف انها هاتبقى اعلى من امكانياتي خصوصاً وإني ان شاء الله العربية اللي ربنا هايوفقني وهاشتريها مش ناوي أأمن عليها
وبالتالي أي كسر فانوس ولا خربوش صغير هايدفعني دم قلبي يعني مفيش شركة تأمين هاتدفع بدالي
انا عاوز أشكر م. طارق والأخ أولد فيك جداً على مساعدتهم والوقت اللي قضوه في المشاركة في الموضوع
بجد بدون مشاركاتكم كانت الصورة هاتبقى غامضة خالص بالنسبة لي
وكمان عاوز أشكر عمرو سيات لافر سلفرلان 99 و Ows212 ونايل ستورم وكل الشباب هنا على مشاركاتهم في الموضوع ولو بنصيحة من حرفين
وشكر خاص جداً ودعاء بالتوفيق لأبي عبد الله على دعمه غير المحدود ليا اللي مش ممكن ألاقي كلمات توفيه حقه
جزاكم الله جميعاً خير الجزاء ونخدمكم في مقارنة ان شاء الله :)