عملاء بروتون يتقدمون بشكوى ضد "عز العرب

**M.Alaa92** · 23-08-2011 12:11 PM

عاش يا رجااااااااالة و شكل العربية الجاية بروتون ان شاء الله

**MMMERO** · 23-08-2011 04:36 PM

اية الحلاوة دى عاش الرجالة

**M.Mostafa80** · 24-08-2011 02:26 AM

اهم حاجه دعمو شكواكم بفواتير الصيانه والقطع اللى مش متوفره وياسلام لو تكون كام عربيه بالفاعل محجوزين فى التوكيل عشان قطعه غيار مش موجوده او غاليه على العميل

**Eng.Sameh** · 24-08-2011 02:41 AM

برافو عليكم ... وانا من خلال تعاملاتي مسبقا مع توكيل عز العرب حصلت على مستندات تؤيد الموقف جدا ومش بس كده لأ دي هتغرم التوكيل كتييييييييييييييييييير قوي ... انتظروا المفاجأة ، بس يا ريت لو حد يعرف مين متزعم هذا العمل للتواصل معه فورا ، يمكن دي تكون اول خطوة كعبرة لوقف جشع التوكيلات

**eng.m7md.ali** · 24-08-2011 03:38 AM

المشاركة الأصلية كتبت بواسطة Eng.Sameh

برافو عليكم ... وانا من خلال تعاملاتي مسبقا مع توكيل عز العرب حصلت على مستندات تؤيد الموقف جدا ومش بس كده لأ دي هتغرم التوكيل كتييييييييييييييييييير قوي ... انتظروا المفاجأة ، بس يا ريت لو حد يعرف مين متزعم هذا العمل للتواصل معه فورا ، يمكن دي تكون اول خطوة كعبرة لوقف جشع التوكيلات

ده لينك المجموعة
Log In | Facebook
والمسئول هو احمد الشاعر ياريت حضرتك تتواصل معاه

**ahmad alshaaer** · 24-08-2011 07:09 AM

باشمهندس سامح انا مع حضرتك هنا وهناك على الجروب واتمنى بالفعل ان حضرتك تدر تساعدنا لانه كلنا هدفنا عموما تغيير سياسة توكيلات السيارات في مصر
واحنا بداناها من توكيل عز العرب حيث انه وكيل سياراتنا فقط وده هو وصف الجروب اللي تم انشاءه من شهر 2 الماضي والحمد لله احنا اصبح عددنا فوق ال 550 مالك ومحب وعاشق لسيارات بروتون
وبالفعل التوكيل عقد معانا اجتماعين بعد الشكوى للشركه الام وكان اخرهم شهر 6 الماضي ولكن بوعود واهيه ومبررات غير حقيقيه واخر المتمه بعتولنا على الجروب خطاب رسمي كله تهكم وسخريه واتهامنا بتشويه صورة السياره !
بالذمه مين اللي بيشوه صورة السياره وسمعتها بافعاله اللي اشترها وبيملولها تقارير ممتازه وحقيقيه ولا اللي مبهدلها بعدم توفر قطع الغيار واحجز القطعه وتجيلك والطلبيه كمان شهر ونص والمصنعيه 130 جنيه الساعه وغيره وغيره

فعلا الموضوع محزن والله ولو سكتنا مايبقاش فينا خير لانه احنا اللي بنعمل في نفسنا كده

انا اسف طولت عليكم ولكن بجد انا محتاج اننا نبقى ايد واحده ونتعاون ونتشارك امام اي خطا عموما

تقبلوا تحياتي ومستني حضرتك استاذ سامح على الجروب تكلمني او تراسلني

وشكرا مسبقا لحضرتك وللجميع