كاوتش العربيه و صلاحيته ؟؟

**love7amada** · 23-08-2011 04:54 PM

بصيت ع تاريخ الانتاج لقيته شهر 8 عام 2006
الكاوتش كله تمام هوا بقي ناشف ع كلام الراجل و فيه فرده منهم ورهاني و هيا بتلف ع الجهاز ان فيها عوجه بسيطه بس هوا الاول كانت بترج و كده ع الهادي حتي و بعد الترصيص الموضوع فرق كتير و الدنيا بقت حلوه
انا عندي الاستبن لسه منزلش ع الارض

**love7amada** · 23-08-2011 04:55 PM

المهم هوا كدا بقاله راكب 5 سنين و عامل 23 الف كيلو فانا ان شاء الله هقعده سنه كمان و اغيره ع ال 40 الف مع متابعه حاله الكاوتش كل كام شهر و ربنا الستار

**love7amada** · 23-08-2011 05:02 PM

المشاركة الأصلية كتبت بواسطة mohssenrashed

بص ياباشا انا الموضوع ده انا اتكلمت مع ناس كتير في المنتدى عنه عشان انا زيك عربيتي تيريوس 2007 و الكاوتش انتاج 2/2007 و ماشي دلوقتي 27 الف كيلو.

انا عندي الكاوتش نشف و صوته بقى عالي و اعتقد ان انت تغير احسن. بالنسبه ليا لقيت الفرده في بريدجستون ب 750 جنيه عشان كده انا مأجل الموضوع.

يا نهار اسود 750 مره واحده ده انا ابيعها احسن
احنا عندنا الفرده ال 12 ب 200 جنيه تقريبا يعني فرده عندك ب 4 عندي

المشاركة الأصلية كتبت بواسطة hm414

انا عربيتي 2007
لسا بالفبريكا
ماشي 33 ألف
الكاوتش عمرا 5 سنوات او 50 ألف كيلو
تاريخ الانتاج عندي 5\2007

فاتأكد يا اسلام لان معتقدش ان الكاوتش عندك فيه مشكله لان انا وانت نفس ظروف العربية بالظبط

سلامي

يعني انت هتغيره يا حازم شهر 5 الجاي لو 5 سنين
و انا لو همشي ع التاريخ يبقي انا مفروض اغيره الشهر ده
حيره و الله

المشاركة الأصلية كتبت بواسطة lord.adel

ياحازم بااااشاا كل عربيه وليه ظروفه
طريقه سواقتك ومعامتلك للعربي غير وغير اسلام كل واحد له معامله
وطريقه ممكن نتفق فى فى سنه الصنع مثلا لاكن ظروف الاستخدام لا نتفق فيها
والموضوع ع حسب وهيحس بيه اسلام بردو شوف امشي سلانسيه هادئ جدا فى حتى مستويه
وشوف عربيه ثبتها ولا بتتعرج منك زي مشيه البطه او زجزجاك يبقى كدة كاتوش عندك اتعوج ماكنش يبقى دنيا سليمه مناحيه العوج فى كاتوش انت بقا حاسس بحاجه فى فردة معينه غيرها وشوف بردو اكشف عليها كويس روح لغطاطي وخلي حد من مشرفين بيصلك عليها مش عمال والله مستعان

انا بالنسبالي بمشي كتير ع 120 و بسافر ف السنه 7 مرات و طبعا ساعات بكون ماشي ساعه و نص مثلا ع 120 لو مكنش اكتر ف مقلق يعني النهارده واخد الدائري علي 120 بعد الترصيص بقي
لكن بالنسبه للنقشه
هيا تمام
لاني لا بفرمل فجاءه و لا بخمس
فروح لغطاطي يبصلي ان شاء الله

**Amr Axel** · 23-08-2011 05:38 PM

واضح ان العجلة اللي فيها اللوحة خلفية لو الاستبن تمام نزله لأن وجود عجلة فيها مشكلة هيأثر ع العفشة اللي عندها لو فضلت ماشي عليها
و كده العجل هيبتدي يسلم نمر واحدة ورا التانية عشان صلاحيته خلاص
فالأفضل انك تبتدي تستعد للشرا في خلال الشهرين دول اولا عشان الصلاحية ثانيا عشان سواقتك
و لو هتغير و مش هتقدر تجيب الــ4 دلوقتي جيب 2 حطهم قدام و استنضف اتنين و رحلهم ورا
و لو اللي مش هتستخدمهم حالتهم كويسة ممكن تبيعهم للراجل

**dr.hazem** · 23-08-2011 05:48 PM

المشاركة الأصلية كتبت بواسطة love7amada

يا نهار اسود 750 مره واحده ده انا ابيعها احسن
احنا عندنا الفرده ال 12 ب 200 جنيه تقريبا يعني فرده عندك ب 4 عندي

يعني انت هتغيره يا حازم شهر 5 الجاي لو 5 سنين
و انا لو همشي ع التاريخ يبقي انا مفروض اغيره الشهر ده
حيره و الله

انا مش هلحق لشهر 5
انا يوميا بعمل عالاقل 130 كيلو ولك ان تتخيل ان من وقت التكييف مثلا ما ركب انا عامل 10 آلاف كيلو (يعني من اخر شهر 4 لحد دلوقتي 10 آلاف كيلو
وبالتالي انا هغيرهم على 40 ألف واكون جمعت بين حل المشكلتين
بس عموما الكاوتش لازال ممتاز
وللعم انا يوميا على الدائري وعلى سرعة لاتقل عن 80 والحمد لله ربنا الستار

للعلم فقط على الراديو العقيد ايمن الضبع كان نوه ان صلاحية الكاوتش 6 سنين او 80 ألف كيلو
طبعا هي ارقام مبالغه شويه فيها لكن اكيد مش اقل من 5 سنين....سلامي