رينو ميجان iii هاتشباك .. ولا سيات ابيزا ستيشن

**rafeee2** · 09-09-2011 09:04 AM

معقول محدش راح يتفرج على العربية ديه يا جماعة
عايزين صور عالطبيعة و مواصفات مظبوطة

**rafeee2** · 09-09-2011 09:05 AM

http://www.nilemotors.net/Nile/3873783997-post22.html

**Dawns_Mist** · 09-09-2011 05:10 PM

الميجان الجديدة بجد عربية ممتازة جدا ، و خسارة إنك مش عارف تجيب الفل أبوشنز منها لإن الفل منها روعة بجد ... إذا كانت الميجان 2006 أنا كنت على الـ 170 على الكيرفات البسيطة على الطريق السريعة زي الدولي الساحلي مثلا بكون حاطط في بطني بطيخة صيفي ، و سحبها معايا كان عال العال بصراحه عمرها ما قصرت رقبتي يعني .. يبقى أكيد الجديده كمان هتكون أحسن كمان ، و اللي قريته من الاختبارات بتاعتها و كده إنها فعلا ممتازة .. الإيبيزا ممتازه جدا جدا برضه .. فعلا هتكون مشكلتك بس في قطع الغيار أغلى شوية من الرينو و كمان موضوع البنزين اللي مازالنا قلقانين منه ده .. ده غير إن الرينو من جوه أجمل من الإيبيزا.

**Salsaa** · 11-09-2011 03:05 PM

فعلا انا سألت فى توكيل سيات .. بينصحوا بنزين 95 لأول 1000 كم .. وبعد كدة 92 عادى .. وممكن كمان 95 كل 10000 كم (يعنى كل صيانة) ..

بصراحة انا بعد التدقيق و التمحيص قررت أجيب ميجان III .. بسبب وسع الصالون الداخلى و شكل التابلوه .. وطبعا هضطر اجيب الفئة التانية لان الفرق فى الاوبشنز مش قليل ( جنوط - تكييف تاتش - سمارت كارد - مثبت و محدد سرعة - مرايات ضم ) .. بس ده مايمنعش ان الابيزا عربية هايلة برضه .. وشكرا لكل الناس اللى ردت و ساهمت فى الموضوع .. ممكن ابقى أديكوا لفة بالعربية ( ده بعينكوا طبعا )

**bukla** · 11-09-2011 03:37 PM

المشاركة الأصلية كتبت بواسطة salsaa

فعلا انا سألت فى توكيل سيات .. بينصحوا بنزين 95 لأول 1000 كم .. وبعد كدة 92 عادى .. وممكن كمان 95 كل 10000 كم (يعنى كل صيانة) ..

بصراحة انا بعد التدقيق و التمحيص قررت أجيب ميجان iii .. بسبب وسع الصالون الداخلى و شكل التابلوه .. وطبعا هضطر اجيب الفئة التانية لان الفرق فى الاوبشنز مش قليل ( جنوط - تكييف تاتش - سمارت كارد - مثبت و محدد سرعة - مرايات ضم ) .. بس ده مايمنعش ان الابيزا عربية هايلة برضه .. وشكرا لكل الناس اللى ردت و ساهمت فى الموضوع .. ممكن ابقى أديكوا لفة بالعربية ( ده بعينكوا طبعا

)

مبروك مقدما
و ربنا يجعلها اختيار موفق ان شاء الله