مقارنة الى حد ماصعبة عليا شوية .. بحاول اختار ما بين الميجان (الفئة الأولى) .. والابيزا ستيشن الجديدة .. وانا رحت للاتنين دول بسبب انى عاوز اركب اوروبى هاتشباك (مزاجى كدة .. انتو مالكو ) .. و فى نفس الوقت تكون واسعة و عائلية (تعجيز اهو ).. ومش عارف اخد قرار نهائى فيها ..

ابيزا ستيشن الجديدة:


السعر: 130000
المميزات: مثبت سرعة - فتيس DSG سبع سرعات - المرايات بتتقفل كهربائى - الشنطة أوسع - الشكل احلى (هى اذواق طبعا)
العيوب: الصالون ضيق شوية و خصوصا الكنبة اللى ورا - الموتور tsi يعنى لازم بنزين اوكتان 95 (وده عيب انا شايفه قاتل بالمناسبة .. يعنى ايه عربية ب 130000 يتحطلها بنزين اللتر ب3 جنيه!! والله اعلم هيزيد ولا لأ) - التابلوه شكله فقير شوية

الميجان الفئة الأولى:


السعر 135000 ..
المميزات: مقصورة واسعة (اوسع من الابيزا بكتير) .. الاوكتان بنزين 92 عادى - مسند يد امامى - التابلوه شكله احسن كتير
العيوب: الاوبشنز اقل من الابيزا (الا لو رحت للفئة التانية ودى سعرها 145000) - الفتيس اقل فى الجودة بمراحل

مش مهم عندى اوى سعر اعادة البيع .. لان ان شاء الله دى عربية المستقبل ..

افيدونى افادكم الله .. وياريت لو حد عنده الميجان ينصحنى يبقى كتر خيره ..