السلام عليكم ورحمة الله وبركاته
ازيكوا يا شباب ، كل سنة وانتوا طيبين دايما ويارب تكونوا بخير وصحة وعافية
نيجى للمهم بقى ... الحقيقة بقالى كام يوم كدا كل لما اجى ادوس فرامل بسمع ( تسسسسسس) عارفين الصوت ده ؟؟
المهم هوا انا شارى العربية ماشية 47000 والتيل ماتغيرش قبل كدا ولا هوا ولا الكاوتش ..تفتكروا ممكن يكون التيل والطنابير عاوزين يتغيروا ولا ايه ؟؟؟
ياريت كمان اعرف تكلفة التيل والطنابير كام بالظبط .
الحاجة التانية... بحس بزى نتشة خفيفة كدا فى الفتيس الاوتوماتيك .. مع ان الراجل اللى اشتريت منه العربية حلفلى وحلفنى ماغيرش زيت الفتيس لانه لسة مغيره .. وقالى ماتغيرهوش قبل 40 الف كيلو
انا مش عارف الصراحة هل فيه حاجة ، ولا ديه حاجة طبيعية لانها خفيفة قوى فانا مش فاهم خصوصا ان ديه اول مرة اجيب اوتوماتيك فمعنديش خبرة فى قصة نقلات الفتيس الاوتوماتيك ديه

شكرا جزيلا يا رجااالة

سلام عليكم