إستبن التيدا 2011

**ahmed_shimi** · 27-08-2011 06:35 PM

السلام عليكم,

و انا مسافر الى مدينة العريش فى مأمورية عمل لاحظت فجأه محاولة انحراف السياره الى اليمين استمرت حوالى خمس دقائق و بعدها رجه فى الدريكسيون , توقفت على جانب الطريق و بالفعل كان الكوتش على الأرض , قمت بتركيب الإستبن و ده كان اول استخدام للإستبن , لما وصلت العريش ذهبت لبتاع الكوتش عشان اصلحها و كانت المفجأه ان الكاوتش باظ , و لظروف السفر كنت مضطر اشترى كاوتش جديد و ماكنش عنده غير كومهو , المهم اشتريته و قلت اخليه استبن و أخلى الإستبن الأصلى مكان العجله البايظه.

سؤالى هو الإستبن زى العجل الأصلى بتاع العربيه ولا هو مصمم للتركيب مؤقتا فى حالات الطوارىء؟

**Ahmed.TV** · 27-08-2011 09:16 PM

حضرتك الاستبن عادى زيه زى الكاوتش اللى راكب فى العربية
وعشان تتاكد اقراء البيانات اللى على الكاوتش الاستبن حتلاقيه مكتوب عليه بريدج ستون 15-185-65

**ahmed_shimi** · 01-09-2011 02:34 PM

هو فعلا نفس المقاس بس مكتوب فى الكتالوج ان الاستبن مصمم لاحالات الطوارىء فقط عشان كده انا قلقان

**M.Alaa92** · 01-09-2011 10:51 PM

حالات الطوارئ دى معناها ان ميكونش معاك عجلة تانية استبن ف الشنطة و ده مش ف حالتك و الحمد لله
الاستبن اللى مينفعش يتمشى بية كتير اللى هو اقصى سرعة لية 80 كم هو بيبقى اصغر من باقى العجل

**EhabVet** · 02-09-2011 12:58 AM

المقصود والله أعلم بإن الاستبن للطوارئ فقط عشان الجنط مختلف مش عشان الكاوتش
لأن في التيدا 2009 عندي الجنط بتاع الاستبن عادي مش اسبور زي الاربعة التانيين