ايه رأيكم في التريوس من جوا

**م. تيمور** · 14-05-2008 01:02 AM

احكيلك تجربتي على السريع
كان عندي سيفيك الجديده وهيا عربيه حلوه بكل المقاييس وبعتهاعشان التيريوس ومش مالي عيني أي عربيه سيدان لأن مصر مالهاش الا الجيب خصوصا لو انت عايش في القاهره مش في الشيخ زايد او القطاميه مثلا يعني بتتعرض لمشاوير وسط البلد وشوارع مصر المبهدله يبقى ما ينفعاكش الا الجيب
تعرف انها احسن من الشيروكي من وجهة نظري لعدة اسباب من ضمنها حجمها الكومباكت وموتروها المناسب اما حتت الشكل الداخلي فزي ما قلتلك وقال اخواننا انت ممكن تعمل جواها اللي يخلليها احلى من أي سيداااان وممكن تعمل بقى لو معاك فلوس فرش جلد طبيعي كاااامل شامل الكراسي والابواب والسقف والارضية وحتبقى 100%
ما انصحكش باي سيدان انا كان قدامي والله الفيكترا الجديده والكورولا والباسات وصممت على تيريوس عشان عاليه ومريحه في المطبات ودي تفرق معايا اوي ( اصل السيفيك قطمت وسطي من اكلها للمطباااات )
واستخير ربنا لسه قدااامك اسبوعين .. والاحسن لو تجرب تستلفها من واحد صاحبك او حتى تأجرها وتعيش التجربة على الواااقع
الله يوفقك وايانا ,,

**boty50** · 14-05-2008 10:57 AM

عزيزي ابو عبدالله

القطعة موجودة في امازون انجلترا
http://www.amazon.co.uk/exec/obidos/ASIN/B000UTMOF0

ثمنها حوالي 16 باوند 200 جنية مع الشحن
ودي صورتها

واعتقد بتركب علي معظم تليفونات السوني وكمان الووكمان
http://www.sonyericsson.com/cws/corp...eatures/mmr-60

**Dr.A.Nabil** · 14-05-2008 12:19 PM

انا سمعت ان الديفيندرات اللي بتتركب دي مخالفه للقانون وممكن بسببها تتسحب الرخصه
صحيح الكلام ده؟

**م. تيمور** · 14-05-2008 01:14 PM

المشاركة الأصلية كتبت بواسطة ahmodium

انا سمعت ان الديفيندرات اللي بتتركب دي مخالفه للقانون وممكن بسببها تتسحب الرخصه
صحيح الكلام ده؟

الكلام ده للسيدااان فقط .. زي الماتريكس مثلا والافانزا
لكن للجيوووب ومنها التيريوس فهي مسموح لها بتركيب ديفندرات ..
والله اعلم ..

**Dr.A.Nabil** · 14-05-2008 05:10 PM

طيب
بالنسبه للجنوط
حد عنده فكره اسعارها عامله ازاي؟؟

لان الموديل اللي هو دفع ثنائي بينزل من غير جنوط

حد يعرف نوع معين او حاجه كويسه ورخيصه؟

**علاء فتح الله** · 14-05-2008 11:28 PM

ياجماعه فيه سؤال سألته كذا مرة بخصوص التريوس 7 راكب في كذا موضوع ومش لاقي رد

بيقولوا الـ 7 راكب موجودة في المعارض بس مش في التوكيل وتمنها 145 ألف .. هل لو اشتريتها من المعرض بيكون عليها ضمان برضه ولا إيه نظامها؟

ياريت حد يجاوبني

وجزاكم الله خيراً

__________

**أبو عبدالله** · 15-05-2008 01:04 AM

يا استاذ علاء
اللي جاي من الخارج مش هيبقى لها ضمان
ولكن هناك شئ لا اعرف الوكيل عنا بيعمل فيه ايه
ان لو العربيه جايه من السعوديه بيبقى بضمان عبداللطيف الجميل هناك لأنه هو وكيلها في السعودية
فمش عارف هنا بيعملوا فيها ايه
أظن انهم ممكن يصينوها لأنه هو نفسه الضامن هنا او هناك

**علاء فتح الله** · 15-05-2008 02:16 AM

الله ينور عليك يابو عبد الله

نفس التفكير اللي كنت بافكره بالظبط!!

أنا أصلاً في السعودية وكنت ناوي أشتري من هنا وانزلها مصر بس لما لقيت السعر حيكون زي بعضه قلت اجيب من مصر أريح ، بس موضوع الضمان ده هو اللي حيفرق معايا .

بس طالما مفيش ضمان يبقى أسال هنا في عبد اللطيف جميل هل الضمان ممتد كمان لمصر ولا لأ

جزاكم الله خيراً
^^^^^^^^^^^^^^^^

**El Prince** · 15-05-2008 05:58 PM

المشاركة الأصلية كتبت بواسطة ahmodium

طيب
بالنسبه للجنوط
حد عنده فكره اسعارها عامله ازاي؟؟

لان الموديل اللي هو دفع ثنائي بينزل من غير جنوط

حد يعرف نوع معين او حاجه كويسه ورخيصه؟

أحب أضيف تساؤل فى نفس موضوع الجنوط:
هل لازم تغير اطارات التيريوس ؟ ال 2wd
يعنى هل الجنوط أفضل من الاطارات الاصليه للسيارة ؟ اعتقد ان صانعى السيارة متأكدين من جودة و تناسب و ثبات الاطارات العادية ليها ؟!!
و هل لما تغيرها فى التوكيل و انت بتستلم العربية بيوفر معاك فلوس لو استلمتها بالاطارات اللى جاية معاها و بعدين تغير بعد كده بمده ؟
أصل الموضوع ده محيرنى و باشوف ناس ماشية بيها من غير تغير جنوط فحبيت اسأل مالكيها...