ايجار قديم ولا تمليك

**mr_safwt** · 28-08-2011 08:17 PM

السلام عليكم
انا محتار فى حاجة يا جماعة المبلغ اللى معاى ما يجيبش شقة تمليك فى مكان راقى
بس ممكن يجيب شقة ايجار قديم فى مكان كويس جدا
انا محتار مش عارف اعمل اية
الناس كلها بتقول الا يجار القديم بترمى فلوسك
مع انى شايفة زى التمليك

**محمد محمد** · 28-08-2011 08:23 PM

المشاركة الأصلية كتبت بواسطة mr_safwt

السلام عليكم
انا محتار فى حاجة يا جماعة المبلغ اللى معاى ما يجيبش شقة تممليك فى مكان راقى
بس ممكن يجيب شقة ايجار قديم فى مكان كويس جدا
انا محتار مش عارف اعمل اية
الناس كلها بتقول الا يجار القديم بترمى فلوسك
مع انى شايفة زى التمليك

بس لا بتعرف تبيعه ولا الورثة بيستفادوا بيه.

**Ghosts** · 28-08-2011 08:30 PM

المشاركة الأصلية كتبت بواسطة محمد محمد

بس لا بتعرف تبيعه ولا الورثة بيستفادوا بيه.

كلام سليم ....
الشقة التمليك أحسن مليون مرة طبعآ ....
حتى لو أشتريتها فى مدينة سكنية بعيدة شوية بس فى الأخر هتبقى ملكك وملك ولادك من بعد عمر طويل ....

**أحمد كمال** · 28-08-2011 08:33 PM

بالاضافة الى ان الايجار القديم يورث مرة واحدة بس يعني لو لا قدر الله حضرتك توفيت و تم التوريث للزوجة و بعدها بفترة توفت يبقى خلاص باي باي الاولاد مالهمش حاجة

**M.Alaa92** · 28-08-2011 10:34 PM

و الله التمليك افضل
بس فى نقطة عاوز اصححها
ان لو مثلا انا مشترى شقة ايجار قديم و مت و بعدين زوجتى ورثتها و زوجتى ماتت يبقى فى حلين 1- انها تضيع عليك
2- ان لو عندك ابن و متجوزش او بنتك عايشة معاك يبقى من حقها الشقة بالقانون

**AirForces** · 28-08-2011 10:45 PM

طب ما تحاول تشوف حاجة تقسيط افضل

**azmeralda** · 28-08-2011 10:53 PM

انا معلوماتى ان فعلا الولاد بيورثوا مش عارفة ايه حكاية الزوجة دى ما هى لو حامل وولدت فيها خلاص وهيفضلوا عايشين فيها وممكن يتجوزوا فيها بعد كده وبعدين المبلغ اكيد لا يقارن بالتمليك؟

**heshamzaky** · 28-08-2011 10:57 PM

المشاركة الأصلية كتبت بواسطة أحمد كمال

بالاضافة الى ان الايجار القديم يورث مرة واحدة بس يعني لو لا قدر الله حضرتك توفيت و تم التوريث للزوجة و بعدها بفترة توفت يبقى خلاص باي باي الاولاد مالهمش حاجة

بص يا باشا لو الراجل توفى و بعد كدة زوجتة توفت لو عندهم مثلا 4 أولاد لغاية أخر واحد فيهم يعيش من حقة الشقة بس لا تورث الى الاحفاد (( يعنى حفيد المؤجر الاصلى )))

**heshamzaky** · 28-08-2011 11:04 PM

بالنسبة لسؤال صاحب الموضوع بص أنت حا تبقى فى حيرة جامدة طبعا
بس لو عملك العقد لمدة 59 سنة يبقى مفيش مشكلة
التمليك طبعا أفضل بس لو الامكانية المادية لا تسمح لا أنصحك أبدا بالسكن فى منطقة مش حلوة صدقنى حا تقرف من العيشة و السكن و السكان الى معاك الطبع بيغلب التطبع
و على فكرة انت مثلا لو دفعت مثلا 60 الف جنية لصاحب العمارة الايجار الى حا تدفعة نسبيا مش حا يكون قليل تأكد من مبلغ الايجار الشهرى و أذا عرفت تتفاوض معة ان جزء من الملغ الى أنت دفعتة يدخل لمدة كام سنة كجزء من الايجار
يعنى مثلا لو الايجار الشهرى 300 جنية مثلا يبقة لمدة 5 سنوات تدفع 150 جنية ةو ال 150 الباقين كأنة أخدهم منك مقدما من ضمن ال 60 الف الى أنت دفعتهم حاول معاة و جرب