الموضوع: عامل في عربيتي ....... , يا تري انت كمان عامل في عربيتك ايـه .... ؟؟؟

المشاركة الأصلية كتبت بواسطة maruti

1 مركب كسوة جلد على الكراسي
2 مغير اللمض ومركب كتاوت
3 مركب كلاكس ال gti وكتاوت
4 مغير الدركسيون ومركب واحد اسبور وزور ( الدركسيون دلوقتي قشر وبقا شكلو عرااا )
5 مفصل 3 ستائر كبس للبابين والشنطة
6 كاسيت و 4 سمعات و جي ام ماشاء الله
7 قلبت اخويا في rbm وركبتو عندي
8 وجبت جوزين شبورة صغيرين وحفرت في الاكصدام جمب النمر وركبته

9 حكايتي مع الجنوط يس طويلة شوية

اعت احوش احوش احوش علشان اجيب جنط وكوتش
المهم اول ما المبلغ جهز روحت جبت الجنط وجيت اشتري الكاوتش سمعت انواع كتير وكان احسن حاجة البيرلي زوت شوية وجبتو
واقف عند بتاع الكوتش ومزاجي عالي اوي وفرحان ابص الاقي واحد صاحب اخويا داخل عليا وبقولي
ايوا بقا يا عم الجنوط والكاوتشات الجديدة الي بتركب !!!!!
وقالي انا هاخد بقا جنوط وكوتش العربية القديم انتا مش هتعمل بية حاجة
المهم كلو ركب ورصصت وظبت هوا وكلو تماااام
وخرجت اجرب بقا يدوب خرجت على الطريق الرئيسي وماشي على 40 تقريبا لقيت حفرة صغيرة معرفتش افاديها وهوووووووووووووب العجلتين الشمال نزلو في الحفرة وبعد كدا وانا ماشي لقيط العربية بتتنطط جامد و سامع صوت غريب ركنت ونزلت اشوف في اية
كانت المفاجئة قلبييييييييييييييييي يا ناس هموت
فردتين الكاوتش اتقطعو والجنتين اتطبقو فضلت واقف مكاني مسبهل بتاع ربع ساعة كدا علشان افوق من الي انا شايف دا وبعدين رحت فاكك ومركب الجنط القديم تاني ورحت لبتاع الكاوتش تاني استعدل الجنط وطاخ طيخ وانا قلبي بيتقطع مع كل خبطا وركب بالونة داخلية للكوتش زي بتاعة زمان وركبت البايظين ورا ومشيت كل ما عدي 60 العربية ترقص
تاني يوم روحت شلتهم وركبت القديم تاني واعت 3 ايام مش بنام وبعتهم في الاخر بربع تمنهم !!!!!!!!!11

ربنا يعوضك في الجنوط
معلش كان عندي سؤال بما ان الماروتي عندي رجعت بالسلامه بعد الحادثه
وقررت اعمل اي تجديد فيها
السماعات حطيتهم فين هل خرمت الرف الي ورا ولا عملت رف عموله ولا اي النظام والجي ام برضو والتكلفه تقريبا وشكرا

المشاركة الأصلية كتبت بواسطة mohamedhagrass

ربنا يعوضك في الجنوط
معلش كان عندي سؤال بما ان الماروتي عندي رجعت بالسلامه بعد الحادثه
وقررت اعمل اي تجديد فيها
السماعات حطيتهم فين هل خرمت الرف الي ورا ولا عملت رف عموله ولا اي النظام والجي ام برضو والتكلفه تقريبا وشكرا

الله يخليك ياباشا
كنت خارم في الرف الي ورا سمعتين ولا مزوت 4 عملت رف عمولة خشب ومكسي بموكيت
الجي ام حطو في الشنطة مش مسبتو في حاجة
التكلفة تقريبا 120 او 150 جنية مش فاكر بلظبط
وتحت امرك في اي سوئال