الموضوع: استفسار بخصوص سيارات الحوادث

والله انت كلك زوق
وانا قولت لاستاذ اشرف ان مينفعش يحط ايده تحت ضرس صنيعى لازم الصنايعى هو اللى عايز فلوس وعارف انه لو معملش مش هياخد انما لو شريك يبئا هيحصل سرقة وهيشتغل بمزاجه وياعالم الفلوس مسيرها ايه وكل شويه تروحله وايه الاخبار طيب وبعدين وشغلانه ودول بحورهم غويطة وسككهم كتير مش هنسلك معاهم.
والاستاذ اشرف كان بيسأل لو خد قرض وابتدى فى الموضوع ده فقولته بلااااااااااااااااااااااا اااش
لقدر الله لو عملت كده والعربية اتسرقت بعيد عن السامعين بس كله وارد. يبئا انت خسرت كل شئ وهتدفع زى البشا قسط قرض اكنه قسط عربيةوانت لا معاك عربيةولا استفدت شئ
نحاول نبعد عن الموضوع ده لانى فكرت فى الحوار ده واعدت ادورها فى دماغى لقيت فلوس القرض مبتعمرش

اخوكم/
عمرو ادم

انا هقولكم تفكيرنى هدانى لايه فى كتير مننا وانا واحد منهم الظروف مش مساعداه انه يعمل مشروع كبير وكمان ملطشة معايا فى موضوع الشغل مع انى مؤهل عالى ونظم ومعلومات بس اهو نصيب. فبعد افكر وادعبس ازاى ابتدى ولو حتى براس مال صغير واكبره واهو بردوا ميكنش بعيد عن هوايتى وهى السيارات
ظهرلى موضوع عربيات الجيش والشرطة اللى بتتكهن وروحت وسألت لقيتو موضوع كويس وممكن تجيب عربية لادا من هناك تعمل حوالى 12 او 13 موديلات التسعينات انا هاخد كوبى من المشاركة فى الموضوع بتاع العربيات وانسخه هنا فى المشاكة باللون الاخضر/

امبارح روحت انا وصديق ليا وكالة البلح وقولت اسأل بنفسى ملقتش حاجه بس عرفت وانا هناك ان فى منطقة اسمها باحثة البادية هى اللى فيها التجار دول . مكدبتش خبر ركبت من على الشارع ادام الكورنيش ليها هى حوالى 10 دقايق من هناك بالميكروباص . هو شارع كبير جدا جدا جدا اغلبه تجار قطع غيار نقل مرسيدس واسكانيا والحاجات الضخمة ديه.المهم سألنا على التجار دول ووصلنا للحاج ربيع اللى شغال فى مخلفات جيش وهو احد اكبر التجار فى الموضوع ده.
روحنا واعدنا معاه وقولنا نشوف الدنيا فيها ايه. الحاج ربيع ده بيجيول عربيات الادا والنيفا وال28 والميكروبصات بتاعت الشرطة والنقل بتوع الامن المركزى وكده وغيرهم وبيقولى النيفا بتعمل 8 او10 حسب الحالة وال28 شرحه اما الادا موديل التسعينات انضف واحده تعمل كبيرها 15 والميكروبصات التويتا 25 الف طبعا اكيد محتاجين شويه شغل . ولو عايز بصمة عربية نيفا ل4000 جنيه والادا 5000 تاخدها وتروح تركبها فى عربية تانيه تجبها من عزبة شلبى او بورسعيد
ورق العربيات بئا بياخد شهر لحد ميجى ويخلص وطبعا كله مظبوط لانه شغل جيش وشرطة والعربية بتترخص باسمك يعنى انت اول مالك ليها فى المرور وعلى متظبط عربيتك بيكون ورقها جه وكله تمام .
وبيقولى فى عربيات بتبئا لقط ومتتسبش .طبعا الاسعار اللى بيتلكم فيها عاية شوية بس بيقولى لما تيجوا تشترو متقلقش هنظبط كل حاجه(شغل تجار يعنى).
وجايله شغل كبير اوى بعد العيد من ضمنها عربيات اللى اتكسرت واللى اتحرقت وديه بيبعوها ورق بس
والعربيات اللى اتكهنت وطبعا بعد الثورة عربيات كتير راحت خصوصا عربيات الامن المركزى والشرطة.
والموضع الاصلى فى الرابط دهhttp://www.nilemotors.net/Nile/236978-1000-2.html

يعنى ديه كانت فكرتى كبداية ايه رايكم انى اقدر اقف على رجلى واحده واحده صحيح هو مكسبه مش كبير اوى
بس انا شيفه انه مش هيعزعلنى اوى لو حصل حاجه لقدر الله بمعنى لو متباعتش اهاتلى عربية خدمانى لحد مربنا يفرجها ويجلها عدلها . اتباعت يبئا خير وبركة اشوف غيرها لحد معرف اجيب حاجة زى بتوع الحوادث دول واهو الموضوع القديم ده هيعرفك على الصنايعية الكويسين ومين اشطرهم ومين ارخصهم.
ولا انتو ايه رايكم وادينا بنتناقش