الموضوع: استفسار بخصوص سيارات الحوادث

نسيت اقول لصاحب الموضوع بما انه اسكندرانى

ادام قسم الرمل وقسم المنتزه بتبقى واقفه العربيات اللى عامله حوادث


حتلاقى ملزوق عليها ورق او مكتوب بقلم دوكو نشترى هذه السياره ورقم تلفون

التجار بيعملو كده فأنت ممكن تاخد رقم التلفونات دى وتكلمهم وهما حيفصلو العربيه وتشوف حتجيب كام

المشاركة الأصلية كتبت بواسطة misoalex

يا جماعه انا شايف اسعار مش صح فى الموضوع

عربيه ايه اللى عامله حادثه وحتاخدها ب 15 الف وتصرف عليها 3 ولا 5 الاف وتبيعها ب 27 ولا 30

لسه جارى عامل حادثه بعربيه فيرنا ومرضاش يبيعها وقال حصلحها

صارف عليها اكتر من 16 الف ولسه مخلصتش لحد دلوقتى

اللى فى السوق عارف الكلام ده

يا جماعه اللى بيشترى عربيه عامله حادثه بياخدها عشان ليها ورق بسسسسسسس وبيشترى عربيه مسروقه او متهربه من ليبيا وبيحط عليها البصمه وخلاص

مش شرط اللى يا يجيب سيارات حوادث يكون معاه عربية مسروقة او متهربة علشان يجبلها ورق
. فى واحد بيجبها ويشدها لنفسه وفى واحد بيشد ويبيع والحوار ده منتشر جدا جدا جدا
وفى واحد صاحبى وذكرت ده قبل كده كان شارى هيونداى اكسيل 97 ب15 الف وصرف عليها 6 الاف واتباعت ب28 تقريبا وده كان ادامى . انما عربيات الحوادث الموديلات الحديثة غالية يعنى الفيرنا ممكن تشتيرها بحاجة وثلاثين وديه انا سألت عليها كانت مويل 2008 اتوماتيك كان بيقولى اول كلام ب39 . وكانت محتاجة سقف وباب السواق يعنى بتختلف من عربية لعربية ومن موديل لموديل

المشاركة الأصلية كتبت بواسطة ashraf_ibrahim

انا عندي سؤال بالنسبة للوطات الجيش يا شباب !
هل بيكون مكتوب في الورق بتاعها لوط لا يرخص؟!
لأني شفت لوطات وزارة الكهربا مكتوب في ورقها لوطات لا ترخص ودي طبعا متخليهاش تترخص خالص ويبقا انت بتشتري عربية بدون اي ورق وملهاش لزمة طبعا !

عربيات الجيش والشرطة لما بتتكهن بتتباع وتترخص للى شارى من غير اى مشاكل وتعتبر المالك الاول فى المرور لانها مترخصتش قبل كده مدنى.

اعرف سمكري و مبتاع حوادث شغالين ف الموضوع ده
لحد دلوقتي عملوا ماروتي و فان و دلوقتي شغالين ف اسبيرانزا 620 و العربيات كانت معجونه
الفان قص ربع امامي و ركب غيره و ف الماروتي نص امامي و سقف بالقوايم و التابلوه و اهوه شغال ف الاسبيرانزا
للعلم انا كنت سالته ع الماروتي عامله كام كيلو عشان كانت باكياسها طلعت كانت عامله 50 كيلو بس و موديل السنه و اتباعت خلاص

المشاركة الأصلية كتبت بواسطة love7amada

اعرف سمكري و مبتاع حوادث شغالين ف الموضوع ده
لحد دلوقتي عملوا ماروتي و فان و دلوقتي شغالين ف اسبيرانزا 620 و العربيات كانت معجونه
الفان قص ربع امامي و ركب غيره و ف الماروتي نص امامي و سقف بالقوايم و التابلوه و اهوه شغال ف الاسبيرانزا
للعلم انا كنت سالته ع الماروتي عامله كام كيلو عشان كانت باكياسها طلعت كانت عامله 50 كيلو بس و موديل السنه و اتباعت خلاص

هو ده الكلام. ولو مكنش الموضوع مجزى مكنوش اشتغلوا فى كذا عربية.