مصر اسكندرية الصحراوي والبلطجية وانعدام الامن !

**medo_msmsa** · 01-09-2011 08:48 PM

هههههههه للاسف يا جماعة احنا كده بنموت في الاشاعات
قبل ما انزل اجازة 29/6 كنت بدخل على المنتدى واقرأ وبصراحة اتعقدت وكنت حاسس ان هتقابلي مشاكل كتير
لكن لما نزلت وسافرت على معظم الطرق بالليل والنهار صراحة زي الاول وافضل كمان لان قطاع الطرق الأصليين (كماين الشرطة) بقوا بيحترموا الناس جدا
انا سافرت شرم واسكندرية مرتين ومرة مارينا عن طريق العلمين كل ده ما بين الصبح بدري وبالليل متاخر ورغم كده ولا في اي مشكلة ابدا بالعكس طريق مصر اسكندرية بقى روعة

**hko** · 01-09-2011 08:53 PM

المشاركة الأصلية كتبت بواسطة lost2008

عشان تطمن اقف عند بوابة التذاكر و انت خارج من اسكندرية و امشى مجموعة مع عربيات تانية و حتلاقى تجاوب كبير و ناس كتير بتعمل كدة على طرق السفر دلوقتى بيمشو مجموعة كبيرة فلو فيه قطاع طرق مش حيحاول يوقف مجموعة دول بيصتادو الى ماشى لوحده بس, و توكل على الله و جمد قلبك و توصل بالسلامة

+111111
وربنا يسترها

**شاهين - بنز** · 01-09-2011 09:13 PM

أنا برضو خدت إسكندرية رايح جاي من شهرين والمرتين كانوا طلعت فيهم قبل الفجر وكان عادي جدا
ليه بقى أنا مش بخاف من الحوارات دي !! لإن حتى لو في بلطجية نسبة العربيات إللي حيصطادوها 1% أو حتى 1 في الألف فأكيد أنا مش منحوس أوي للدراجادي عشان أبقى من ضمن ال 1%

**Ahmod** · 01-09-2011 10:28 PM

اشكركم جميعا على الردود والله الواحد فعلا مابقاش عارف يصدق ايه ويكدب ايه

لكن اللى خلاني صدقت كلام الناس اللى اتكلمت على قصه قطاع الطرق والبلطجية انعدام الامن في الطريق فقلت وارد يكون اي حاجة حصلت

الحمد لله النهارده رجعت والطريق مافيهوش اي مشاكل ولكن برضوا مافيش اي عسكري يوحد ربنا

ولا فيه كماين ولا عساكر ولا اي نوع من انواع الامن

واكيد في ظل غياب الامن وارد اي حاجة تحصل

فربنا يسترها معانا كلنا ان شاء الله

**SYD** · 01-09-2011 10:50 PM

اولا حمدلله علي السلامة يا احمد افندي

بس انا متأكد اني سمعتها في التليفزيون والكلام خرم طبلة ودني ان الشرطة كثفت قواتها لتأمين الطرق السريعة وطريق مصر - اسكندرية الصحراوي تحديدا

ولا حتي التليفزيون بيزاولنا ؟؟؟؟؟

الله المستعان
،
،

**Ahmod** · 01-09-2011 11:18 PM

المشاركة الأصلية كتبت بواسطة SYD

اولا حمدلله علي السلامة يا احمد افندي

بس انا متأكد اني سمعتها في التليفزيون والكلام خرم طبلة ودني ان الشرطة كثفت قواتها لتأمين الطرق السريعة وطريق مصر - اسكندرية الصحراوي تحديدا

ولا حتي التليفزيون بيزاولنا ؟؟؟؟؟

الله المستعان
،
،

الله يسلمك

هي كلمة التلفزيون بيزاولنا دي قليلة شوية

الطريق بالكامل من البوابة للتانية وانا رايح وانا راجع مافيهوش ولا عسكري واحد ! ! ولا كمين ! ولا شرطة ولا اي حاجة خالص

طبعا الطريق غير انه بقى مافيش ولا كمين يوحد ربنا ولا عسكري ولا رادار

يبقى عادي لما تكون ماشي 130 وتلاقي عربية نص نقل مخصوص بيقلب نور وبيعديك كان نفسي اعرف هو ماشي على كام !

ربنا يسترها معانا

**Ahmod** · 01-09-2011 11:21 PM

المشاركة الأصلية كتبت بواسطة M.Alaa92

اللى شوفتو بعينى وانا لسة راجع من الماستر ان مفيش عساكر ولا لجان زى زمااان
بس
عربيات ملاكى عادية و بتبقى شرطة زى ncis و الحتت الاجنبى دى

لان كان فى عربية من غير نمر لانوس معدية طيارة و كانت عربية اوكتافيا سودة مفيمة لقيت السارينة و الفنار الازرق اترزع ع السقف

( قولت ياض الله يخرب بيت ام الافلام الاجنبى اللى بتتفرج عليها اهو جالك لحسة ف مخك م اللى بتشوفو

ف الافلام :) ) و لكن صدقت اما لقيت الاوكتافيا قافلة ع الانوس و منزلينو و مثبتينو بالسلاح و لاول مرة اشوف

اللبس الابيض بتاع الشرطة من زمااااااااان

يعنى هم رجعو بس مستخبين :)

طيب يعني بالله عليك ده كلام !

تفتكر انا لما الاقي عربية ملاكي عادية بتجري ورايا هفكر في انها شرطة ؟ ؟

اول حاجة هعملها لو كنت انا طاير هفكره عايز يشد

ولو لقيته بيقفل عليا هقول بلطجي وعايز يوقفني وممكن اخبط في اي حاجة او يحصلي اي حاجة عشان اتفاداه وماقفش خاصا في الظروف اللى احنا فيها دي

مش فاهم بصراحة ايه التفكير بتاعهم ده

-

-

-

الموضوع: مصر اسكندرية الصحراوي والبلطجية وانعدام الامن !

LinkBack

أدوات الموضوع

عرض

-

المواضيع المتشابهه

رادارات اسكندرية الصحراوي

رادارات طريق مصر اسكندرية الصحراوي

طريق مصر اسكندرية الصحراوي

ايه اخبار طريق مصر اسكندرية الصحراوي

طريق القاهرة اسكندرية الصحراوي

الكلمات الدلالية لهذا الموضوع

المفضلات

المفضلات

ضوابط المشاركة