اولا احنا فى مصر فا فاكس تخصص دى
و محل بيفهم و الكلام دا

اكتر حد يفيدك فل الموضوع دا هو انتا

دور الاول فل النت و شوف الدنيا فيها ايه
و يا سلام لو تركب انت بنفسك هتلاقى فيديوهات كتير عن التركيب فل النت مش لازم للصنى بس كلو قريب من بعضو
Search for example : how to wire car amplifier ?
Speaker installation in a car ?
Door panel removal of nissan sunny
?
هى العربيه اسمها
Nissan neo 1.6 or N16 or pulsar or sunny
يوتيوب جوجل اى حاجه او بالعربى حتا

بالنسبه للنصايح


انت عايز صوت سرروند ونضيف و وووو (مش بيز وخلاص )

هبدأ معاك واحده واحده

اعرف مقاس سماعات الابواب كام (هى نوعها جولدى اللى فل الصنى بس مش عارف مقاسها بالظبط واى ان كانت سماعات وحشه اوى )

اولا و قبل الكلام عن السروند دا الى هوا خمسه وصب او سبعه وصب
كل الاغانى اغلبها ستريو يعنى اتين شانل يمين وشمال بس و 320 كيلوبيت مثلا

عشان تجيب اغنيه خمسه شانل صعب اوى
ممكن لو هتشغل افلام اتش دى سروند اوديو
اللى بتبقى فى حدود 6 جيجا او اكتر
غير كده كل الاغانى ستريو فمش هتستفيد من كامل السيستم يعنى هتجيب سرروند تسمع عليه ستريو( هيكون فيه فرق كبير بردو بس انت كده مشغلتش الصوت بكامل قوته و جودته يعنى السمعتين اللى قدام وورا هيشغلو نفس الصوت )

بالاضافه هتحتاج كاسيت يكون فيه موضوع السروند يعنى خرج لخمس سماعات او سبعه ( الاربعه اللى قدام و ورا و واحده قدام فل النص غير خرج الصب ) ( و اكيد دا اغلى و دا هيدخلك فى مواااال كبير اوى و تخريم و تكسير و ليله مكلفه عشان توزيع الصوت و عايز مهندس و ليله مش جايبه همها هتلاقى نفسك بتشترى بطاريه جديده و حاجات تانيه استيراد مش موجوده فى مصر )
بس حاجه بروفشنال لو فى دماغك تعمل كده

فا فاكس جدا
لانو لا اغانى
ولا كاسيت
ولا توزيع
ولا فلوس

يا اما انت بتتكلم فى مبلغ كبير 7000 جنيه ولا حاجه مينيمم (و تجيب حاجه وارد من برا ( وبردو مش هتلاقى الاغانى ال 5 شانل الى هتديك جوده الصوت كامله ) )


فهنخلينا فل الستريو حاجه زى اللوز لو هتركب صح (الناس بتقول سرووند عليه عشان اربع سماعات مش هنختلف )

اولا عايز كاسيت نضيف يعنى بايونير فيه يو اس بى
اى نوع موديل مش هنختلف (بس بايونير)
( لو فيه تلاته ار سى ايه يبقى زى الفل ولو 4 فولت يبقى تمام اوى )

تانى حاجه ابعد عن البيضاوى تماما
ادام مش عايز وش و زن
(انا عندى بيضاوى بس اصلا
بس الفكره انك هتركب ارخص ساوند سيسيتم واعلى صوت بالسماعات البيضاوى عشان كده انا مركبها بس اقل توزيع ( حتا لو 4 واي لان الصوت خارج من حتا واحده )
بس فعلا لو انت بتركز فل الصوت مش هتعجبك لانو الصوت هيكون من على بورده ورا فمفيش توزيع و مهما كانت جوده التركيب و السماعات هيكون فيها وش و زن (بس خفيف طبعا)
(بس احلى بيز و هاى رينج) سكسكه و تخبيط وجامد جدا على فكره برده
بس كل واحد و دماغو

فهتخليك فسماعات الابواب اللى متوزعه اصلا بطريقه صحيحه
هتجيب اربعه دائرى حسب مقاس العربيه
لو مقاسها 16.5 بوصه يبقا احسن كلام هتجيب سماعات سونى 320 وات او 280 تقريبا دائرى كومبوننت فى حدود ال 300 جنيه السماعتين (نفس سعر البيضاوى ال 400 وات تقريبا)
السماعه عباره عن تويتر و وفر يا هتركبهم فى بعض ( ودا فاكس )
يا هتركب التويتر فوق جنب المرايه من جوا او فل الباب فوق ( كده كده هتخرملها بوصه فل الباب لان التويتر عشان يديك احسن صوت لازم يكون قريب من الاذن )
و الوفر فى مكان السماعه الفابريكه و جنبهم الكروس افور جوا الباب
و توصل السماعات دى على جى ام اربعه شانل لاحسن اداء

يبقى انت كده ركبت احسن صوت ممكن فى حدود الاسعار المعقوله
هيديك صوت جامد جدا

لو هتركب فلاتر او بيز بلوكر هتحتاج صب او بازوكا ( يعنى لو ركبت فلتر يمنع البيزر عن سماعات الباب هيديك اداء احسن بس هتتكلف كمان (يعنى هتفصل البيز عن الابواب و البازوكا تتعامل ) )

كده ناقص الصب ووفرر
يعنى زى ما انت عارف

تويتر هاى راينج
ووفر ميد راينج
صب ووفر لوو رانيج (بيييز)

هتجيب بازوكا انا عن نفسى مبحبش الصبات
واى نوع زى ما انت عايز

بس مش اقل من 1200 وات و مش اقل من 12 بوصه عشان تبقى عملت الواجب( و متجبش حاجه مش اد كده صوتها مش فارق) اى نوع بردو و خليك فل المشهور
و طبعا جى ام للبازوكا اتنين شانل و توصل بريدجد

جى ام كينود سونى اى حاجه مش هتفرق كتير
2 شانل للبازوكا و اربعه شانل للسماعات

نروح لاهم حاجه
تجيب اسلاك تكون نضيفه جدا من راديو شاك مثلا
بالذات ال ار سى ايه
و تاخد بالك ان الارسى ايه يعدى من ناحيه اليمين فل العربيه و البور من الناحيه الشمال (تحت العتب )

الكلام دا هيكلفك مثلا 1200 مثلا سماعات و جى ام و 1400 بازوكا و جى ام ( مع العلم ممكن الصوت يستكنيصك خالص من غير بازوكا )
و كاسيت 800 (ممكن اقل طبعا )
و 300 وصلات ( 3 ارسى ايه (عشان كده بقولك كاسيت فيه تلاته ) لو اتنين مفيش مشاكل بس 3 احسن ) و اتنين بور و كلبسات و فيوزات )
يعنى 3600 جنيه يعملو احلى شغل بأنضف خامات و صوت عالمى


اما لو عايز تعمل زى كل الناس (زىي انا كده)
اربع سماعات بيضاوى ارزعهم فى بورده ورا و اخرم فل الصاج (عادى جدا على فكره )و جى ام مع الليله دى
هيبقى
600 اربع سماعات 600 جى ام و 100 اسلاك 70 بورده 1400 جنيه مثلا
غير الكاسيت والصب(مش هيبقى ضرورى لو ركبت دائرى)

مل الاخر توزيع صوت و جوده ممتازه يبقى دائرى فل الباب ( بس الصوت مش عالى بدرجه البيضاوى )

خبط ورزع ورا فل الشنطه يبقى بيضاوى ( كل الناس عامله كده )

و معرفش افيدك فمين بيركب كويس بس احسن حاجه تجرب تركب انت و تعمل الشغل
والله سهل جدا بس و يسهوله تتعلمه و
حاول تحافظ و متعافرش فل الحاجه و تكسرها

و كده هتشغل 2 جى ام على البطاريه (لو هتركب بازوكا ) فمتشغلش الكاسيت وهى مطفيه كتير

بس فيه نقطه
الاسعار دى تقريبيه بحته ( انا مش متابع اوى فل الاسعار )
الاسعار هتكون مختلفه شويه او شويتين
يعنى بدل 600 ممكن 550 او 700 و هكذا
انا قايلها بس عشان تبقى عارف حدودك و مقارنه بردو

و نفس الكلام فل الوتات تقريبيه
لانو فاكس
و ركز فل ار ام اس بتاع السماعه سيبك من البيك اللى هوا ال 300او ال 400 وات


و بس يا سيدى
دا رائيي و تحت امرك فى اى حاجه