زيت الفتيس الاوتوماتك للفانتازيا

**roffa1** · 02-09-2011 02:27 PM

ان شاء الله ناوى أجيب فانتازيا 2012 أول فئه أوتوماتك بس بعد استطلاعى لموقعكم المحترم جدا و بعد دراسه -الى حد ما مش قليله- قدرت أفهم أنه يوجد مشكله حقيقيه فى الفتيس الاوتوماتك و الزيت بتاعه اللى هو مبالغ جدا فى تمنه......ليه تغيير الزيت ب700 ج ايه نوعه الزيت ده ..... دا أغلى نوع زيت فتيس أوتوماتك فى السوق اللى هو موبيل ب45 ج للتر يعنى تاخد 4 لتر ب180 ج و اللى هيغيره ياخد باقى ال200 ج مع البقاشيش كمان - وايه هى الصعوبه اللى فى تغيير الزيت الاوتوماتك دى طبه تحت الفتيس زى طبة زيت الموتور بتفكها وتنزل الزيت و تحط مكانه ال4 لتر الجداد
ليه لازم يكون نوع الزيت فولكس. اللى أفهمه أن الزيت ده ليه مواصفات . ولو لقيت نفس المواصفات بسعر أرخص يبقى أنا المستفيد لآنى -فى الحاله دى - هغير الزيت عل فترات متقاربه -30000كم مثلا-
محتاج نصيحتكم و ردودكم حتى تعم الفائدة

**medo_200x** · 03-09-2011 06:54 AM

والله يا باشا كلامك منطقي مانا فعلا ممكن استخدم زيت فتيس موبيل 4 لتر يعملوا حوالي 180 واغير كل 30 الف كلم بدل 700ج كل 60000 واصلا مع ظروف الجو عندنا والطرق اللي زي الفل علبة التروس بتغير نقلات كتير جدا والفتيس بيبوظ بسرعه فالافضل ان الزيت يتغير على مدي قصير
فياريت حد فعلا من الناس اللي بتفهم في الموضوع ده تقدر تفيدنا

**K9KI** · 04-09-2011 04:18 AM

انتظرو تعديل بيناتى وستكون السياره الجديده فيات 128لان انا مش هحط زيت فتيس ب700ج ليه بيطلع ميه ونور

**matrix7570** · 06-09-2011 06:02 PM

معلومة من توكيل سكودا في قطر
لما سألت على ميعاد تغيير زيت الفتيس قالولي ان زيت الفتيس ما بيتغيرش و أن عمره من عمر الجير و غير مندرج تحت جدول الصيانة بس لو حبيت أغيره طبعا ما فيش مشاكل وكله بحسابه
و الله أعلم

**Astra200** · 09-09-2011 11:19 PM

المشاركة الأصلية كتبت بواسطة roffa1

ان شاء الله ناوى أجيب فانتازيا 2012 أول فئه أوتوماتك بس بعد استطلاعى لموقعكم المحترم جدا و بعد دراسه -الى حد ما مش قليله- قدرت أفهم أنه يوجد مشكله حقيقيه فى الفتيس الاوتوماتك و الزيت بتاعه اللى هو مبالغ جدا فى تمنه......ليه تغيير الزيت ب700 ج ايه نوعه الزيت ده ..... دا أغلى نوع زيت فتيس أوتوماتك فى السوق اللى هو موبيل ب45 ج للتر يعنى تاخد 4 لتر ب180 ج و اللى هيغيره ياخد باقى ال200 ج مع البقاشيش كمان - وايه هى الصعوبه اللى فى تغيير الزيت الاوتوماتك دى طبه تحت الفتيس زى طبة زيت الموتور بتفكها وتنزل الزيت و تحط مكانه ال4 لتر الجداد
ليه لازم يكون نوع الزيت فولكس. اللى أفهمه أن الزيت ده ليه مواصفات . ولو لقيت نفس المواصفات بسعر أرخص يبقى أنا المستفيد لآنى -فى الحاله دى - هغير الزيت عل فترات متقاربه -30000كم مثلا-
محتاج نصيحتكم و ردودكم حتى تعم الفائدة

بص واضح ان تغير الزيت في الأوكتافيا هو أهم صيانة حتعملها في حياة العربية ودي بتكلفك حوالي 1000 جنيه

وبيتعمل في التوكيل ومالوش مقاس -- بيظبط بالكمبيوتر -- والصيانة دي بتعملها علي 60 ألف --- أخويا ماعملوش ووصل ل 100 ألف و محصلوش حاجة

يعني ممكن تعمله مروة واحدة في عمر العربية لأن علي 120 الف عالبا حتكون بعت العربية

الزيت بتاعه التر بحوالي 150 جنيه -- وكمات بتغير الفلتر

ماتتعاملش معاه علي انه زيت موتور ممكن تجيب نوع أرخص وتغيره بدري

بصراحة مش ده السبب الي يخليك تعيد التفكير ===