صني 2006 بعد 140000 كم

**ahmd_saleh14** · 03-09-2011 07:45 AM

السلام عليكم
بصوا بقى العربية دي ممتازة كانت ماشية معاية كويس بس العفشة مش مريحاني ولما غيرتها بمساعدين مونرو احسن من الاصلي (1800 جنية بدل 3500 الاصلي) و مقصات اصلي (1100) على ال110000 كم كنت في غاية السعادة وبعدها بعشرين الف كدة غيرت علبة شكمان قالولي في التوكيل انها هتتكلف 1100 جنية فغيرتها برة ب90 جنية ولكن دلوقتي اخر صيانة قالولي عاوزين نغير قواعد موتور وعلبة دركسيون ورولمان بلي عجل امامي وبمراجعة الورش المشهورة تأكد الطلب الاول والاخير وفعلا هاعملهم في التوكيل لان الكل اتفق على انه افضل واطول عمرا وعلى فكرة انا دايما بجيب الفلاتر والتيل اصلي من التوكيل لكن الصيانة اللي قبل دي عملته برة وجبت طقم سيور ياباني وعملتها عند ميكانيكي اسمة قلليني في الحرفيين شكر فية م/سبعاوي هنا
نرجع لعلبة الدركسيون (تمنه في التوكيل بالتركيب تخش في 6000جنية) روحت لواحد اسمة الاطرش في معروف وقالي كويسة بس فيها بوش خفيف ينرجشها او نعمل جلبتين وطقم اصلاح بس لما تيجي نشوف وانا ناوي اروح واحكيلكوا

**engamoor** · 03-09-2011 10:30 PM

طب ياباشا ايه علامات تغير علبة الدركسيون

**aboamr** · 04-09-2011 05:56 PM

ياريت عنوان او تليفون قللينى الميكانيكى

**Ahmed.TV** · 04-09-2011 06:43 PM

جزاك الله خيرا على نقل تجربتك .. وتجربة مفيدة جدا جدا

وياريت الاعضاء يساعدونا بالتقارير المهمة دى .. لانها مهمة جدا بالنسبالنا عشان نقل الخبرات

وبخصوص القليينى مشهور جدا فى الحرفين

واعتقد كتابة الارقام التليفون ممنوع كتابتها على المنتدى عشان متبقاش دعاية .. بس ممكن على الخاص

تحياتى

منسق القسم

**gravedigger** · 05-09-2011 03:07 AM

المشاركة الأصلية كتبت بواسطة ahmd_saleh14

السلام عليكم
بصوا بقى العربية دي ممتازة

كانت ماشية معاية كويس بس العفشة مش مريحاني ولما غيرتها بمساعدين مونرو احسن من الاصلي (1800 جنية بدل 3500 الاصلي) و مقصات اصلي (1100) على ال110000 كم كنت في غاية السعادة وبعدها بعشرين الف كدة غيرت علبة شكمان قالولي في التوكيل انها هتتكلف 1100 جنية فغيرتها برة ب90 جنية ولكن دلوقتي اخر صيانة قالولي عاوزين نغير قواعد موتور وعلبة دركسيون ورولمان بلي عجل امامي وبمراجعة الورش المشهورة تأكد الطلب الاول والاخير وفعلا هاعملهم في التوكيل لان الكل اتفق على انه افضل واطول عمرا وعلى فكرة انا دايما بجيب الفلاتر والتيل اصلي من التوكيل لكن الصيانة اللي قبل دي عملته برة وجبت طقم سيور ياباني وعملتها عند ميكانيكي اسمة قلليني في الحرفيين شكر فية م/سبعاوي هنا
نرجع لعلبة الدركسيون (تمنه في التوكيل بالتركيب تخش في 6000جنية

) روحت لواحد اسمة الاطرش في معروف وقالي كويسة بس فيها بوش خفيف ينرجشها او نعمل جلبتين وطقم اصلاح بس لما تيجي نشوف وانا ناوي اروح واحكيلكوا

انا كمان عندي نفس المشكلة -علبة الديريكسيون- (عربيتي برضوا 2006 و عامله 118000)
سألت على علبة الدريكسيون في السبع قالولي 4500 وممكن يعملوا تخفيض 20% والمصنعيه 600 جنيه

الموضوع غالي اوي !!!! عايزين نشوف موضوع الاستيراد وهل بيعيش ولا 6 شهور وتلاقيها عايزه تتغير

**ahmd_saleh14** · 05-09-2011 09:40 AM

بالنسبة لعلبة الدريكسيون لها علامتين مبكرتين وهما بوش في بارات العجل يحسسك ان العفشة مفككة في الشؤارع المنقرة او الاسفلت الخشن و الحاجة التانية ان العلبة بتنشع زيت وده بينقص زيت الباور
بعد كدة البوش بيزيد والدريكسيون بيتقل