لانوس ولا افيو ولالوجان فول اوبشن زيرو ؟

**ahmed76** · 10-09-2011 02:34 AM

المشاركة الأصلية كتبت بواسطة ayman1204

الكلام النهائى فى اللوجان
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *

العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك

-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية

تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
قسم خاص بالسيارة لـــوجـــــان - :: نــايــل مــوتــورز:: - :: NileMotors.net ::

**goldyn** · 15-09-2011 03:52 PM

لوجان ,و يا ريت تشوف رينو سانديرو ,اوسع و احلى و عليها طلب جامد اليومين دول.و انا معايا دايوو 2000 و كمام سانديرو 2011

**M_Marwan** · 15-09-2011 04:14 PM

المشاركة الأصلية كتبت بواسطة titooooasg

من رأيي بومه كسر زيرو افضل من كل دول

الله ينور عليك يا كبير والله

الرينج أيلى أنت بدور عليه ده للأسف مش حيجب زيرو كويس

أنت كنت زيك فى نفس الحيره وأشتريت الأفيو طبعا 2009 كورى(موديل السنه)

شياكه وعاليه وأحسن من الانوس كنييير بس للاسف بعتها بعد 8 شهور فقط

عربيه سيئه بمعنى الكلمه

وكل شويه مشاكل فى الار بى ام والعفشه وموتور سحبه
ضايع مع التكييف

نصيحه شوفلك النترا ولا لانسر مستعمل نضيف

**raedegypt** · 15-09-2011 04:23 PM

المشاركة الأصلية كتبت بواسطة drsemba

ياجماعة والله تعبت واتحيرت مين فيهم :
الافيو عاجبنى شكلها والناس كرهتنى فيها ومش عارف موديل 2012 اتظبت ولا لا عشان سمعت انهم ظبطو كل مشاكلها.
الانوس انتشار وقطع غيار وحدش بيشتكى زى الافيو (اللى الناس بتقول عليها عربية فاشلة) بس مش عاجبنى شكلها.
ولا اللوحان اللى مرتحلها وعربية اوروبى والكل بيشكر فيها بس قطع الغيار الغالية وعدم توافرها وكل ميكانبكى يقولى بلاش ولما بسال ليه ؟ يقولى الشغلانة اللى تخلينى استنى زبون يلفلى بالايام على قطع غيار يبيقى بناقصها احسن .
مع العلم انى مش عايز ابيع ومش هصلح فى لاتوكيل طول عمرى ولازم فى يوم اروح اميكانيكى بره.ومع العلم ايضا انى كنت راكب لادا
اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟ظ:n_no[1]::n_no[1]::n_no[1]:

استنى شويه الشفروليه ها ينزل موديل بين الافيو والاوبترا. احسن من الكلام دة كله .... لو مستعجل خد الافيو فى حدود اختيارتك دة . اللوجان اعادة بيع بطىء وتقفيل مغربى وسعرها مبالغ فيه لما تلاقى هنا فى السعوديه 36 الف ريال رومانى التقفيل مش مغربى وموصفات سعوديه ومافيش جمارك ؟؟ مش عارف ... اللانوس انسوا بقى العربيه دة خليك فى الافيو ولو تنتظر شويه هاتنزل عربيه جديدة زى ما قولتلك

**Sehsss** · 16-09-2011 10:41 AM

الأفيو عربية سيئة جدا، صوت العربيه بيعلى الآر بي إم بيوصل 4 و خمسه وتستنى لحد ما ينخفض بعد 10 دقايق أو يعلق لحد ما تفصل العربية وتعيد تشغيلها بعد ما تبرد
المساعدين زفت تسمعها وهي بتدب بوضوح
الكمبروسور سيئ جداً ويتعطل بشكل دائم
1 - سعر مبالغ فيه بالنسبة لامكانيات السيارة و كمالياتها.
2- محرك ضعيف 3- كماليات اقل من منافسيها 4- لا تحتوى على مرايات كهربائية 5- لا تحتوى على زجاج كهربائى خلفى 6- لا تحتوى على مصابيح ضباب 7- لا تحتوى على مشغل اسطوانات 8- تكييف اقل من المتوسط 9- سحب ضعيف نسبيا 10- الثبات سىء جدا بعد سرعة 100 كم/س 11- التحكم سىء جدا فى السرعات العالية 12- خدمة ما بعد البيع اقل من المتوسط 13- مشكلة الارتفاع الغير مبرر للفات المحرك rpm و هي مشكلة تقريبا شبه عامة و لم يستطع الوكيل حلها. 14- مشكلة سماع صوت تزييق من العفشة الأمامية و هي مشكلة شبه عامة و لم يستطع الوكيل حلها.

**bero0o0o0** · 17-09-2011 06:25 AM

انا شايف ان اللوجان كويسة جدا في الاسعار دي
و موديل 2012 خلوا الكلاكس في التارة و الزراير بتاعت الشبابيك في الباب
و موضوع الصيانة و قطع الغيار في تحسن مستمر و الاقبال الرهيب عليها يبشر بتحسن اكتر و اكتر في الاسعار دي
و طبعا تتميز بانها عالية عن الارض و في نفس الوقت ثابتة(اثبت بمراحل من العربيتين التانيين)
و حتى الموتور اللي بيقولوا عليه مش حلو ده موتور جيد جدا و كان ماشي في الميجان 1 زي الفل بتسارع 1- 100 في 11.5 ثانية و ده مش وحش خالص و في نفس الوقت موفر في البنزين (8 صباب)
انا شايف ان اللوجان افضل اختيار في المعروض

**aelhossan** · 17-09-2011 06:32 AM

انا جربت اللوجان واللانوس
وبقولك الاجابه الثالثه لوجان

**zkralla** · 21-09-2011 11:45 PM

اول مرة اشوف فى قسم المقارنات ناس بتشكر فى العربية الافيو
اقسم بالله العظيم انى عمرى ما شفت عربية فى شبه اجماع على فشلها زى العربية ديه فاوعى تدبس نفسك
مش هقولك لوجان ولا لانوس ولا اى حاجه خالص كل الى هقلهلوك ابعد عن العربية ديه مليانه عيوب
كفاية انك تبقى واقف فى اشارة وتلاقى عداد الاربى ام على لوجده كانه لبسه عفرييت وده مش عيب فردى ده عيب عام ظهر فى عربيات كتير جدا والتوكيل مش عارف يعمل فيه حاجه ده مثال واحد بس
غير الاصوات الى بتتسمع من العفشه وبرضه ملهاش حل وعيب فى الجلب بتاعه المقص وعيب مش عارف فى ايه
انفد بجلدك