منهم لله ياريت تدلونى على الحل

**emadfk** · 12-05-2008 01:44 PM

اخوانى الاعزاء

يوم امس فى الصباح جائنى البواب يقول لى " الحق يابيه عربيت والد زوجتك متشال من عليها الغطاء و الكبوت و الشنطة مفتوحين "

وعلى فكرة حماى خارج مصر للعلاج وموصينى على عربيته هوندا 2007 ويدوب عاملة 1200 كم

روحت جرى نازل وانا متوقع ان العربية مكسرة الزجاج علشان يعرف يفتح الكبوت والشنطة لكن وجدت الاتى

1- الابواب مفتوحة بدون اى خدوش والكاسيت مسروق من التابلوة
2- الكبوت مفتوح على اخره و البطارية مسروقة
3- الشنطة مفتوحة على اخرها والاستبن مسروق لكن الكوريك ومفتاح العجل مرميين على الارض زى مايكون مش عاوزينهم

اللى مجننى ازاى قدروا يفتحوا العربية من غير مفتاح

وبعدين حاولت اعمل محضر قالولى لازم صاحب السيارة هو اللى يبلغ ويكون معاه الرخصة و البطاقة

شوروا عليه اعمل ايه هو حماى سوف يصل اليوم بالليل ازاى ابلغه هذا الخبر بدون ماصدمه ده ممكن يروح فبها
ثانيا ايه الاجراء الذى يفعله لضمان حقه مع التوكيل مع ان العربية مش متامن عليها وهى لسه فى الضمان
ثالثا كيفية الذهاب للتوكيل لاسترجاع و تركيب مافقد من السيارة بدون بطارية
رابعا كيفية حماية السيارة مستقبلا من سهولة فتحها بهذة الطريفة

وشكرا لكم مسبقا

وربنا ياخدهم الذين فعلوا ذلك

عماد

12-05-2008 01:57 PM

بالرغم من انها حاجه تزعل
لكن الحمد لله الخسائر بسيطه
الحمد لله ان العربيه اتفتحت بدون خدوش و لا اتبهدلت البويه
و لا اتكسرت طبله الباب و لا الشنطه
اعتقد حضرتك ممكن تجيب بطاريه و الكبوت على كده يبقى تمام
الشنطه برضو متظبطه و الاستبن مقدور عليه
و الكاست يتجاب من التوكيل او من بره
و بلاش تقوله الخبر انهارده - حضرتك بتقول انه مريض و الناس الكبار بتتأثر بسرعه
فخلى الخبر لما يهدى من السفر معتقدش حيجى يركب العربيه
و هون الخبر عليه و اكيد هو عايش فى مصر و عارف ان ده بقى عادى
و الحمد لله ان الحرميه دول أنظف و أحن من غيرهم
ربنا معاك

**memo_hefnawy** · 12-05-2008 02:23 PM

طالما مفيش آثار على الباب إن تم فتحه بالعافيه يبقى مفيش غير حاجة من 2 مفيش 3 :
-----------

1- العربية كانت مفتوحه (باب - شباك)

2- حد معاه نسخة من مفتاح العربية و دى وارده أوى و فيها كلام كثيير

يعنى راجع مين آخر حد قافل العربية - المفتاح فى حد خدوا قبل كده ؟ و الإحتمالات قد تصل لناس كثير أوى .....

ممكن حد نسيه فى حته و بعدين لقاه - ممكن حد عمل عليه نسخه ..... ممكن حاجات كثير

ربنا يعوض عليكم و الحمد لله إنها على قد كده

بس هو معرفش ياخد العربية عشان العربية بتدور بالمفتاح الأصلى بس عشان الإميوبليزر فلو عامل نسخة تفتح الباب بس لكن مش تدور ..

**Nile_Storm** · 12-05-2008 02:26 PM

و بعدهالك يابلد
الواحد بعد كده يحط العربيه في الشقه و يقفل عليها
حاجه تجنن
ربنا يعوض عليك

**Hondawy_2008** · 12-05-2008 02:41 PM

قدر الله وما شاء فعل
بس بجد أنا حاسس ان المرحله اللي بتمر بيها البلد دلوقتي من غلا و فقر....الخ هتخلي موضوع السرقه و الجرايم كلها تزيد يعني كل واحد فينا لازم ياخد باله كويس يا جماعه .سيدنا عمر رضى الله عنه قال "لو كان الفقر رجلا لقتلته" وبجد حسبي الله ونعم الوكيل.
أنا عارف انك حاسس بالذنب لكن انت مفيش في ايدك حاجه بس طبعا لازم تقول لوالد المدام في الوقت اللي انت شايفه مناسب علشان يعمل المحضر وربنا يسهل ويلاقوا الحراميه إن شاء الله.

**emadfk** · 12-05-2008 03:09 PM

الف شكر يا اخوانى على تفاعلكم ومشاعركم الجميلة التى تهون الامر لكن المشكلة ان العربية لايمكن
ان تدور الا اذا حضر مهندس من التوكيل وركب البطارية بمعرفته و ده لازم يكون عن طريق صاحبها
ربنا يستر ويستحمل الخبر ده

وشكرا

**Islam_galal** · 12-05-2008 03:15 PM

الواحد ممكن يعمل ايه علشان يحمي نفسه و اللي معاه
الشعب بياكل بعضه

**hamedo0** · 12-05-2008 03:16 PM

ربنا يعوض عليك ويعوض علي الوالد

12-05-2008 03:48 PM

المشاركة الأصلية كتبت بواسطة Hondawy_2008

قدر الله وما شاء فعل
بس بجد أنا حاسس ان المرحله اللي بتمر بيها البلد دلوقتي من غلا و فقر....الخ هتخلي موضوع السرقه و الجرايم كلها تزيد يعني كل واحد فينا لازم ياخد باله كويس يا جماعه .سيدنا عمر رضى الله عنه قال "لو كان الفقر رجلا لقتلته" وبجد حسبي الله ونعم الوكيل.
أنا عارف انك حاسس بالذنب لكن انت مفيش في ايدك حاجه بس طبعا لازم تقول لوالد المدام في الوقت اللي انت شايفه مناسب علشان يعمل المحضر وربنا يسهل ويلاقوا الحراميه إن شاء الله.

الفقر عمره ما كان و لا حيكون مبرر للسرقه
دى سوء تربيه و انحدار اخلاقى
قالى تعالى ( و من يتق الله يجعل له مخرجا و يرزقه من حيث لا يحتسب و من يتوكل على الله فهو حسبه )
الفقر ابتلاء زيه زى كثره الاموال او المرض اووووووو
المهم هل الانسان حينجح فى انه يجتاز الابتلاء ده بما يرضى الله و لا لا

**SAbuhashem** · 12-05-2008 05:24 PM

ربنا يعوض على حماك ويهون عليه ويشفيه من مرضه
أنا عربيتي مكملتش كام يوم وإتخبطت وهي واقفة متغطية و اللي خبطها
مشي بكل برود و لا كأنه قاصد أصلاً يخبطها
ربنا يستر ومتتسرقش خالص أصل أنا حاسس إن معدش فيه ولا ضمير ولا أخلاق ولا ذوق ولا أمان أبداً

Thanks
Eng.Sherif Shaker