طلب من ستات المنتدى اللى بيفهموا فى الطبخ

**MOUSTAFA_SAAD** · 04-09-2011 06:57 PM

السلام عليكم ورحمة الله وبركاته

انا بحاول امشى على نظام غذائى علشان وزنى مايزيدش واخس شويه كمان
بس للاسف كل لما اخس كيلو ازهق من الاكل والغبط تانى وارجع ازيد

زهقت من الجبنه القريش والخضار المسلوق وطبعا اكل الريجيم اللى انتم عارفينه

حتى الاكل العادى صنية البطاطس والكوسه والملوخيه وخلافه خلاص برده الواحد مل
لانى للاسف اتعودت على الاكل التقليدى ونفسى اغير بعد العمر ده كله

واصلا معنديش وقت انى اطبخ وغالبا بعمل اكل يومين فى الاسبوع اللى هما الاجازه بتاعتى وباقى الاسبوع بشترى جاهز او اقضيها اى لغبطه برده

ده غير ان وقفة المطبخ تزهق بس لولا والدى كنت عشت على الجبنه طول عمرى ولا اقف فى المطبخ ابدا

المهم عاوز اكلات بسيطه تكون سريعه فى الصنع واهم حاجه السعرات الحراريه بتاعتها قليله علشان الرجيم
ياريت وصفات مفصله بالطريقه والمقادير والمواد الخام المطلوبه شرائها ودى ممكن انزل كارفور واشتريها فى اى يوم مره واحده واجهزها عندى فى البيت علشان الاستخدام الدائم بعد كده
لانى الموجود عندى مفيش غير الحاجات التقليديه زى الملح الفلفل الكمون الشطه الخل ومعرفشى اى حاجه تانيه

ياريت بلاش تدونى اسامى منتديات علشان حازهق من البحث انا عاوز كام اكله بسيطه وخلاص واهم حاجه ياجماعه السعرات

[/size]

**A.Saad** · 04-09-2011 07:08 PM

الاكل الجاهز ده سبب من اسباب السمنة

حاول تاكل حاجات طازة شوية وابعد عن الجمع بين اكتر من نوعين نشويات فى نفس الوجية
يعنى بلاش ارز وخبز
خبز ومرونة
كدة

وابعد عن العشا او خليه برده فريش
سلطة مثلا

انت ممكن تجيب الخضار مرة واحدة
تقطع وتجهز وتكيس وتحط فى الفريزر
ليلة الطبخ
تطلعه يفك
وتعمله
واعمل الاكل مش مسبك
يعنى حط الخضار وعليه الشوربة
اعمله تقلية او دمعة لوحدها وخط التقلية عليه تغلى معاه

فاهم حاجة منى المهم

**SHNORY** · 04-09-2011 07:32 PM

ايوه صح زي ما قال احمد نوبيرا لازم تعرق
روح عند بتاع الشاورمه ياخدك لفتين علي السيخ
حتلاقي نفسك بتعرق والدهنه بتسقط يا درش

**SHNORY** · 04-09-2011 07:54 PM

المشاركة الأصلية كتبت بواسطة moustafa_saad

ياشنورى بقول طلب من ستات المنتدى
انت ايه اللى دخلك ياحبيبى

علي فكره
انت كده مش بتحرجني
انت كده بتحرج الناس اللي ردو غيري لان كده الموضوع مش مناسب ليا انا بس
الحق اتاسف بقي هههههههههههههههههههههه

شكلك بقي وحش اوييييييييييييييييييييييي يييييييييييييييييييييي

**HOSSAM99** · 04-09-2011 08:07 PM

و عليكم السلام و رحمة الله و بركاته
الحج مصطفي عايز يخس
طيب كل كل حاجه إنت عايزها لكن عليك و علي شربة الملح الإنجليزي و السنامكي (السلامكه)
واحد صديق جربها (بإستشارة الطبيب)
خس كتير و جسمة ظبط لكن مبقناش نشوفه طبعا كلو عارف ليه
إستشير دكتور و متبقاش تنسي المنتدي
ههههههههههههه

**heshamzaky** · 04-09-2011 08:11 PM

لو الموضوع فية تدخل رجالى مش شرط للسيدات شوف اللينك دة كدة حا تلاقى شوية تمارين يخسسو السمين و يخلوة سوبرمان
http://www.nilemotors.net/Nile/221840-a.html

**SYD** · 04-09-2011 08:13 PM

المشاركة الأصلية كتبت بواسطة shnory

ايوه صح زي ما قال احمد نوبيرا لازم تعرق
روح عند بتاع الشاورمه ياخدك لفتين علي السيخ
حتلاقي نفسك بتعرق والدهنه بتسقط يا درش

احلي تعليق سمعته في حياتي

ازيك يا شنوري ؟؟

عامل ايه ؟

هو فعلا العرق مهم

كمان حاول تاكل حاجات بسيطة بس كتير ؟؟؟؟؟؟؟؟؟؟؟؟

ازاي ؟؟؟

يعني تاكل كمية بسيطة ولكن علي مرات كتيرة

يعني تاكل 5 او 6 وجبات في اليوم

بس كل وجبة تكون حاجات بسيطة
وممكن وجبة او اتنين هما الي تاكل فيهم اكتر سنة وتعتبرها الغدا

والله المستعان
،
،