الموضوع: طلب من ستات المنتدى اللى بيفهموا فى الطبخ

المشاركة الأصلية كتبت بواسطة mr_7oda

والله يا استاذ مصطفى وعن تجربة ... احسن حل للريجيم انك تتحرك سيبك انت من حوارات الدكاترة والجبنة القريش والكلام ده ... انت حدد نوع واحد من النشويات اللى تاكله فى اليوم وقلل كميته وخلى اكلك صحى قليل الدهون ... حتى لو من بره .... وعليك بقى بالجرى يا ريس ... انزل اجرى او امشى بسرعة لمدة نصف ساعة بعد الفجر قبل ما تاكل ... هترجع البيت تفطر خفيف وتنزل شغلك

انا الحمد لله نزلت حوالى 35 كيلو بعد الثانوى فى حوالى 5-6 شهور من غير ولا دكاترة ولا حاجة ... هيا الرياضة والجرى بس ... والحمد لله لسة جسمى زى ماهو مع انى باكل اكل التنيييييين

انا فعلا باحاول اتحرك كتير بس انا كنت عاوز اصناف اكل جديده لان الواحد مل

المشاركة الأصلية كتبت بواسطة nonetta

ليه كدة بس
الستات موجودين وفي الخدمة لأي استشارة مطبخية
عاوزين اكلات لحوم ولا فراخ ولا سمك ولا ارديحي
كله موجود
وعشان المغرضين الحاقدين ما يقولوش اني ناقلة الاصناف دي من عالمنتديات
دي اصناف بسيطة ومش محتاجة نقل وانا باعملها فعلا

ممكن ابتدي بصنف خفيف و سهل
فراخ فيليه بالخضار
المقادير
زيت زيتون
نصف كيلوا فراخ فيليه
بصلة كبيرة مقطعة حلقات
طماطماية حلقات
2 فلفل رومي والوان مقطع صوابع رفيعة
2 فلفل حامي احمر او اخضر (اختياري)
علبة مشروم صغيرة
ملح-فلفل
توابل زي ما انت عاوز.. بهارات -كركم-كاري-زنجبيل

الطريقة
-تحط زيت الزيتون في الاناء وعالبارد ما يتقدحش عشان فايدته ما تروحش
-تحط البصل وتشوحه لحد ما يذبل يعني يبقى طري
-نضع الفلفل الرومي والحامي والالوان ونشوحهم
-نضع المشروم ونشوحه
-نتبل الخليط بالتوابل والملح والفلفل
-اخر حاجة حلقات الطماطم
-نضع الفراخ الفيليه ونقلبها لحد ما لونها يتغير
-نوطي النار ونسيبها تستوى في ميتها
-نختبرالنضج بالشوكة وما ننشفهاش اوي عشان الصوص بتاعها بيبقى طعمه حلو
ممكن تحطه على مكرونة بيضا او رز بسمتي ابيض

هافتكر لكم اصناف تانية بس الواحد خارج من رمضان زهقان من كل الاكل
محتاج حتة جبنة بيضا ولقمة ناشفة بس

المشاركة الأصلية كتبت بواسطة nonetta

وبص الموضوع دة كمان حلو
http://www.nilemotors.net/nile/188354-a.html

ايوه كده ياشيخه خلى شنورى يتلهى فى الاصناف دية ويعتقنى شويه
عاوزين كمان بس اهم حاجه الاكلات تكون خفيفه وسهله

المشاركة الأصلية كتبت بواسطة hossam99

فاهمني يا كبير





علي فكرة إنا بتكلم بجد و إنت عايزنا نتاخد إجتماعي _طيب دا أنا معملتهاش سياسي


المهم بقي يا مصطفي متقلقش هو مفعولها بيستمر علي حد أقصي يوم واحد يعني في أيام الاجازات هاتظبط معاك
و كل خضار كتير
صدقني مفهولها هو مفعول تدبيس المعده لكن طبيعي
لكن أشرب سوايل كتير علشان الجفاف
حبيبي و الله
في رعاية الله يا باشا

على فكره انا بفكر اجربها فعلا
بس يوم الخميس ان شاء الله لانى رايح اقابل شنورى
هما مش الاصحاب بيبانوا وقت الزنقه ولا ايه

المشاركة الأصلية كتبت بواسطة amatoallah

انا للاسف وصفات الرجيم ماليش فيها و كل اكلي بالزبدة الصفرة او سمنه بلدي بس عندي اكلتين ممكن ينفعوا للرجيم

هات فراخ الصدور المخليه و ماتخليش الراجل يقطعها خليها علي سمكها زي ما هي
و تبلها بالبصل المفروم و المحل و الفلفل و السماق و البهارات والزعتر و علبة زبادي و معلقة صلصه صغيرة و ليمون و زيت قليل

اقل مده تسيب الفراخ في التتبيله هي ساعه و الافضل انك تبيتها فيها في التلاجه

و لما تسويه سويها في الفرن في شواية زي دي هتلاقيها عند اي حد اداوت منزليه تقريبا ب 30 جنيه



رص الفراخ فيها طبعا بعد ما تشيل التتبيله من عليها علشان ما تتحرقش وحطها علي الرف اللي فوق في الفرن و علي الرف اللي تحت حط صينية مليانه مايه علشان تسوي الفراخ كويس و بسرعه

و قبل ما تطلعها من الفرن ب 5 دقائاق اعصر ليمون تاني علي وشها

بتقعد في الفرن من 20 دقيقة لنص ساعه علي حسب حجم الفراخ و بعد ما تطلعها هتكون مسخن فحمايه علي النار و تجيب فنجان صغير و تحط فيه حبة زيت صغيرين و ترمي الفحمه فيها و تحط الفنجان وسط الرفاخ و تغطيه بالفويل علشان ياخد ريحة و طعم الشوي

والطريقة دي تنفع بردوا للفراخ اللي بعظم و بتكون شبه فراخ اندريا


و فيه طريقة تانيه للفراخ الكامله

تجيب فرخه و طبعا هتنضفها كويس جدا وتغسلها بالخل و بعدين تتبلها بملح و فلفل و توم مهروس فصين ماتكترش وورق لورا و ليمون و معلقة صلصه ومعلقة عسل ابيض صغيرة و طبعا زيت
وتضربهم كويس بالشوكة و بعدين تدعك الفرخه بيهم كويس من جوه و من تحت الجلد و من بره طبعا و تسبها اقل مدة في التلاجه صاعه و الافضل تكون متبلها من بالليل

و بعدين تسخن الفرن و تجيب زجاجة بيبسي الكبيرة مصنوعه من الازاز مش بلاستيك و تملاها مايه و تلبسها للفرخه و تدخلها الفرن و بتاخد نص ساعه تقريبا


فيه طريقة للحمه الفيليه اعتقد انها تنفع للرجيم بردوا

هات لحمه فيليه سمكها تقريبا 1 سم و نص و تبلها بالملحو الفلفل و القرفه و زيت الزيتون وورق اللوراو الحبهان و الليمون

و حطها في التلاجه تتبل اقل شئ بردوا ساعه و ممكن نص ساعه لاننا بنسوي اللحمه بتتبيلتها علي عكس الفراخ

و بعدين حات بصل كبيره و قطعها حلقات و فلفل و قطعوا حلقات بردوا

و هات طاسه تيفال و سخنها بسيط و بعدين حط اللحمه فيها و شوحها علي الجنبيبن , نسيت اقولك و انت بتبل اللحمه انغز كل قطعه بالسكينه نغزتين تلاته علشان و انت بتسويها ماتئوسش منك

و بعد ما تشوحها هتحط التتبيله اللي كانت متبله فيها و تزود فنجان مايه و اولي ما تغلي تهدي النهار و تغطيها و تسبها تستوي براحتها

و بعد ما تسوي شيل اللحمه من الطاسه و هات البصل و الفلفل الرومي اللي انت كنت مقطعه و شوحوا في باقي تتبيلة اللحمه , شوحوا لحد ما يدبل و بعد كدهقدمه مع اللحمه

ممكن كتير يستغرب البصل و الفلفل مع اللحمه بس طعمه فعلا بيكون تحفه


و طبعا انت خليك احسن في الرز البسمتي افضل علشان الرجيم و لو بتحبه قولي و انا هقلك علي كذا طريقة له سهله و سريعه

الافضل لكن انك تطبخ بزيت الزيتون و هات نوع نضيف لان اللي مش حلو بيوحش طعم الاكل

و سبب اننا بنحط الزيت علي اي تتبيله انه بيساعد الفراخ او اللحمة علي انها تتبل كويس

لو انت مافيش وقت تطبخ حاول علي اد ما تقدر اول ما تجيب الفراخ اواللحمه بعد ا تغسلهم و تنضفهم كويس انك تتبلهم و تسيبهم يوم في التلاجه و بعد كده تكيسهم علي اد استخدامك و تفرزنهم

دا هيقلل الوقت عندك بحيث انك تطلعم علي الشوي علي طول و كمان الفراخ او اللحمه كل ما تسيحهم بيفقدوا قيمته الغذائيه

متشكر على الوصفات الجميله دية
والرز البسمتى شغال معايا مش مشكله لو عندك وصفات ليه ياريت لانى جربته مره ومظبطشى معايا
صحيح والدى مش بيحبوا بس حاعمله ايه انا خلاص تعبت من الاكل بتاعنا

المشاركة الأصلية كتبت بواسطة icehearted girl

مممممممممممممم...بص بقي دكترة الرجيم دول اكبر اشتغالة هتقابلها فحياتك..مبيعملوش اي حاجة غير انهم بيشجعوا العامل النفسي عندك

اما بقي الاكل الدايت دا تاني اكبر اشتغالة هتقابلها برده...لان مش مهم تاخد سعرات حرارية قليلة وخلاص

زي مثثلا البيبسي دايت تلاقي سعراته قليلة بس بيضعف المناعة ومن نحية تانية بيزود الوزن

وتفضل تاخد سعرات حرارية قليلة لحد متوصل جسمك لمرحلة انه يبتدي يخزن بزيادة

لانه مش متعود انك تنزل سعراته مرة واحدة...

الموضوع كله input &out

شوف انت مجهودك مستاهل اد ايه وقلل شوية عن السعرات المطلوبة مهما تاكل

يعني مثلا انا كنت محددة لنفسي 800 سعر فليوم

كنت باخد 300 الصبح و400 الضهر و 100 بليل

كنت باكل كل حاجة تتخيلها بس كنت منعة تماما.. الدهون والسكريات والنشويات

غير كدا كنت بدوس ف اي حاجة تانية..بصراحة النظام دا مريحني جدا لحد دلوقتي كنظام غذائي مش بس لغرض التخسيس

معاكى حق
الدكتور كان بيدينى نظام الاكل وكل اسبوعين يبدل الوجبات وخلاص بس كنت مواظب معاه علشان بيحفزنى لما يكون فيه حد متابع مع الواحد

بس نظام 800 سعر ده قليل قوى
انت كده لازم تخسى باستمرار لو محافظه عليه

المشاركة الأصلية كتبت بواسطة icehearted girl

اه وعشان افيدك برده اطلب اي اكله تحبها وانا اكتبلك ازاي تطبخها باسلوب صحي

مفيش حاجه فى دماغى معينه
انا معرفشى غير الاكل التقليدى بتاع زمان
وكان نفسى فى اى حاجه جديده تكون سعراتها قليله وطعمها حلو