الموضوع: اللي عايز تقسيط غير ربوي يروح المعرض ده( خلاصه الكلام)

ياريت يا جماعه لو حد وصل لحاجه يبلغنا كلنا

المشاركة الأصلية كتبت بواسطة محمدعيسى

أولاً أعوذ بالله إني أكون بحاول أحلل لنفسي أو لغيري حاجة و ياريت محدش ياخد بكلامي و كل واحد يتصرف حسب ما هو شايف
ثانياً لهجتك في الكلام حادة يا أخي العزيز ... على فكرة أنا معاكم مش مع الناس التانيين
ثالثاً وهو دا الأهم الشيخ أفاد إن هو عارف إجراءات تنفيذ التعاقد و هو موافق عليها و إنها حلال و نظراً لأن أنا أحسب الشيخ أحسن من يستفتى في مثل هذه المعاملات فأنا أكتفيت بإني تأكدت من الشيخ إنه عارف العقد و طريقة التعاقد و التنفيذ و عارف إنهم حلال و رراجعته في نقطة إنه عارف الوضع الحالي وهو أكد ذلك و أكد أنه حلال
- أنا مقولتش إن البنك هيعمل عقد مشاركة و مش عارف ايه لازمة التريقة أنا قلت إن المرابحة لما سألت على معناها اتقالي كأن (كأن) البنك عامل مشاركة بينك و بينه في العربية و انت بتسدد كل شهر جزء من نصيب البنك في العربية .... ياريت اللي بيتريق يراجع كلامي اللي كنت كاتبه
أخيراً... ياريت محدش ليه دعوة بالكلام اللي قلته و كل واحد يتصرف زي ما هو شايف بحيث إنه يرضي ربنا و أنا أسف جداً يا أخواني

سبحانك اللهم و بحمدك أشهد أن لا إله إلا أنت أستغفرك و أتوب أليك

يا أخي العزيز أنا أكن لك كل إحترام وأعوذ بالله أن أتريق أو أسخر من مسلم

وانا باعتذر عن الحدة في كلامي لكنها موجهة للبنوك التي تتلاعب بالشريعة وبالناس اللي بيبحثوا عن الحلال وعاوزة تلبسهم العمة عن طريق تغيير المسميات ، يعني أنت مثلا ذكرت حكاية مشاركة البنوك دي مرتين ووضحتها بمثال ، والكلام دة منبعه طبعا من البنك اللي يظن أنه بالطريقة دي هايضحك على الشريعة وعلى الناس ، ومن هنا انا بضحك عليه هو ، فالمشاركة بتكون إما في الربح وإما في المنفعة والاثنين منتفيان في حالتنا هذه ، فلا هو هيركب السيارة ، ولا السيارة هتجيب عائد نتشارك فيه انا والبنك .

وعلى العموم كل شيء سيتضح عند مقابلة مدير البنك ، وأتمنى من كل قلبي أن يخيب البنك ظني ويروح يشتري السيارة وينقلها من المعرض أولا ويعدين العميل يوقع على الشيكات بعد ذلك ... وليس قبل ذلك .

والسلام