اللي عايز تقسيط غير ربوي يروح المعرض ده( خلاصه الكلام)

**M_HaFeZ** · 22-09-2008 01:51 AM

المشاركة الأصلية كتبت بواسطة eng_hatmido

مش ملاحظ ان الكلام فيه شبهة اعلان ولا ايه

ولا ايه

حضرتك بتتكلم على انهى كلام
انا اخر واحد متكلم على معرض
وواضح ان حضرتك قريت اخر صفحه واخر 10 مشاركات من اصل 480 مشاركه علشان تبنى حكم
الموضوع كبير جدا ولو قريته من اول هتفهمه بدل ماتقول اننا داخلين بنعلن
احنا بنتناقش وكل منا بيقول رايه وبيسال الشيوخ وفينا اللى راح معارض وسال فى بنوك وكل ده علشان يوصل لاسطوره التقسيط الاسلام السليم

**Dr.A.Nabil** · 22-09-2008 04:36 AM

استاز":eng_hatmido "

ممكن يكون الكلام موجه ليا انا
باعتباري صاحب الموضوع !!

اولا:
انا لا أعرف صاحب المعرض ولا ابن صاحب المعرض ولا ابوه ولا امه ولا ليا علاقه بيهم عشان اعمل ليهم دعايه
ومادخلتش المعرض غير 3 مرات
كل ما في الامر اني ساكن جانبهم

ثانيا:
انا صيدلي
يعني بعيد عن مجال شغلي تماما وليس لي اي مصالح لا من قريب او من بعيد بالمعرض ده او غيره وما بفهمش في العربيات ولا الموتسيكلات ولا الطيارات ولا الصواريخ
يادوب باسوق عربيتي وبس

ثالثا:
انا كنت هاشتري منهم عربيه بالتقسيط
وفعلا مشيت في الاجراءات
وقدمت الورق اللي طالبينه
ودفعت 100 ج استعلام(ربنا يعوضني)
وحصلت على الموافقه
ولما تم عرض العقد على فضيلة الشيخ علي السالوس
وأوضح لنا ان يوجد نقاط وبنود غير شرعيه.. انسحبت ولم اكمل عملية الشراء
عشان ابعد عن الشبهات..

رابعا:
يا ريت حضرتك تقرا الموضوع كله (49 صفحه) اللي بقالنا 4 شهور بنتكلم فيه وبعدين ممكن تقول رأيك في الاخر

خامسا:
ادعوا الى سبيل ربك بالحكمة والموعظه الحسنه
مش بالاتهام والتشكيك في النوايا

سادسا:
الفتوى اللي حضرتك كاتبها وناقلها جزاكم الله خيرا عليها
يس هاتليقي كل الاراء الشرعيه موجوده في قلب الموضوع وحضرتك ماقولتش جديد

سابعا:
بتقول اتقوا الله؟

حاضر
اللهم اجعلني من المتقين

**M_HaFeZ** · 22-09-2008 07:51 AM

+ الفتوى فى الاساس لواحد بيسأل عن التأمين وهو مقيم فى الخارج

**jusuf** · 30-09-2008 01:38 PM

مشاركة بسيطة مني لعل هناك من يستفيد ويدعي لي
موقع فتواى اقتصادية للشيخ على السالوس .. حفظه الله
http://qatarshares.com/vb/showthread.php?t=126282

**dedo79** · 05-10-2008 01:01 AM

السلام عليكم
جزاكم الله خيرااااااااااااا
كثيرااااااااااا علي هذا المجهود الجبار
الذي اتمني ان يتوج بهذا الخبر السار
http://www.contactcars.com/News_View...sp?NewsID=2282
كونكت غيره النظام
الان يمكننا التغيير بالاتحاد وان نكون يد واحده
لااستطيع ان اصف لكم شعوري بالفرحه
علي فكره انا مش عايز اشتري عربيه قسط بس بجد فرحان بارادتكم

**Scent7104** · 05-10-2008 02:23 AM

الموضوع ده من أكتر من شهرين : بس كان فيه نقطة التوكيل ده غير مطابقة للنظام الإسلامي و لم يجيزها الشيخ علي السالوسي و هم لما أخذوا الموافقة الشرعية أخفوا تماما موضوع التوكيل ده و لم يظهروه من قريب أو بعيد .

و عشان كده فيه ناس كتير - و أنا منهم- و قفنا التعامل معاهم بعد أخذ الموافقة لحد لما يلغوا موضوع التوكيل.

**Scent7104** · 05-10-2008 02:32 AM

الموضوع ده من أكتر من شهرين : بس كان فيه نقطة التوكيل ده غير مطابقة للنظام الإسلامي و لم يجيزها الشيخ علي السالوسي و هم لما أخذوا الموافقة الشرعية أخفوا تماما موضوع التوكيل ده و لم يظهروه من قريب أو بعيد .

و عشان كده فيه ناس كتير - و أنا منهم- و قفنا التعامل معاهم بعد أخذ الموافقة لحد لما يلغوا موضوع التوكيل.

**abdofawzy** · 11-10-2008 08:02 AM

السلام عليكم
جزى الله خيرا الي نشر الموضوع ده بس عايز ازيد معلومه للفايده ان اشكالية الحرمانية مش فقط في فايدة التأخير.
الأشكالية الأساسية ان البنك بيدخل كممول و يبيعلك حاجه مش بتاعته (قرض يعني) و دي تسمى في الفقه بيعتين في بيعه.
و في حاجه مهمه جدا المشايخ شبه اجمعت عليها ان التأمين ان كان اجباري فلا اثم فيه و كمان من حققك تنتفع بيه ان احتجت له (لا قدر الله)
اصلح الله حالنا و حالكم و هدانا جميعا لكل ما يحب و يرضاه و يكفينا بحلاله عن حرامه

**batool2008** · 11-10-2008 03:59 PM

السلام عليكم يا جماعة الخير
دي أول مشاركة لي في المنتدى
و أنا في منتهى السعادة إني أشوف ناس فعلاً بتتعب عشان تتحرى الحلال

و عشان كدة حبيت أعرض عليكم و أستشيركم في موضوع شراء عربية عن طريق بنك التمويل المصري السعودي و هو عامل تعاقد مع الشركة اللي بشتغل فيها
أنا هقولكم على الخطوات و قولولي لو في حاجة غلط مش هدخل في الموضوع من أساسه
1-بجيب عرض أسعار من أي معرض
2-بمضي على شويه أوراق خاصة بالإستعلام و مفرع دات مرتب و خلافه
3-بمضي للبنك على ورقة بتاعة الوعد بالشراء
4-لو في مقدم هدفعه بفتح حساب و أودع فيه المقدم اللي هدفعه من سعر السيارة الأصلي
5-بعد 10 أيام تقريبا بيطلعوا شيك بقيمة السيارة الموجود في عرض السعر و بيبلغوني بأن الشيك طلع
6-بيطلع مندوب من البنك عشان يسلم الشيك للمعرض و يستلم السيارة (عقد بيع السيارة و أوراقها تكتب بإسمي) و ينقلها إلى البنك
7-يتم إستكمال كتابة العقد بيني و بين البنك و بعدها أستلم السيارة و الأوراق الخاصة بها
ملحوظات: الخطوة 6 و 7 لم تكن ضمن الإتفاق مع البنك و لكن الزميل المسئول عن التعاقدات بشركتي تفاوض مع البنك و وافقوا على العمل بها

-البنك لا يشترط تأمين

أفيدوني أفادكم الله
و جزاكم الله خيرا

**mohamed_kta** · 13-10-2008 04:15 PM

السلام عليكم

انا فعلاً شاكر لكل من شارك هنا لأنه موضوع الساعة لكل من هو مهتم بالسيارات.

لكن بعد كل المشاركات انا بصراحه حسيت انى تايه و مش عارف اركز اجيب تقسيط و لا لأ ؟؟ و منين ؟؟؟ :k15: