مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )

**elhelawy** · 06-09-2011 02:33 AM

هى فكره حلوه طبعا بس الاول لازم دروس توعيه للناس علشان يا سلام لو شافوك راكب العجله ولابس السيفتى كمان مش هتخلص من التريقه و النظرات اللى كلها سخريه ولازم الناس اللى هتستخدم العجل يعرفوا النظام ويبعدوا عن الهمجيه ده احنا بنشوف عربيات راكنه على الرصيف و موتوسيكلات ماشيه على الرصيف ولما يطبق فكرتك الجميله مش بعيد تلاقى واحد راكب عجله معاك فى الاسانسير :))
عامتا مشكور على المبادره الجميله بتاعتك

**Amr Axel** · 06-09-2011 02:40 AM

المشاركة الأصلية كتبت بواسطة samyyousef

السلام عليكم
الفكرة رائعة, لكن الدراجات غير مناسبة لكل الأعمار و غير مناسبة لمن يعانين من خشونة الركبة
لكن هناك فكرة قريبة و هي استخدام الفيسبا أو الدراجة البخارية أو الموتوسيكل
فذلك سيوفر أيضا في الطاقة و سيقلل الزحام
و ياريت لو جرت حملات من الاعلام و المجتمع المدني تمهد المجتمع لقبول صورة السيدات و هن يركبن موتوسيكلات
فقد يكون أسهل في القيادة و أقل في الثمن. و قد شاهدت سيدات و أمهات يركبن فيسبا في إيطاليا

أكيد يا ريس بس في نفس الوقت مش كل الناس عندهم خشونة في الركب يعني نسبة قليلة و خاصة كبار السن
و فعلا الحل ليهم الموتسيكل او الفيسبا

و فعلا نتمني يكون فيه حملات لاستخدام العجل عامة لأي من الجنسيين هو يمكن الموضوع هيبقي صعب تقبله في البداية لكن لو ابتدي ينتشر الناس هتاخد ع كده
زي ما العربيات لما نزلت و اول ما ابتدت البنات و الستات تسوق كانت حاجة غريبة و بقت حاجة عادية بعد كده

وفي اوروبا بشكل عام موتسيكلات و فيسب و عجل الكل بيسوق بدون اي مشاكل

يا ريت بقي تشترك معانا في المبادرة و توعي كل اللي حواليك جايز تحصل المعجزة و نلاقي الكلام ابتدي يطبق

**Amr Axel** · 06-09-2011 02:50 AM

المشاركة الأصلية كتبت بواسطة shadyawad

ف انجلترا عاملين حركه جامده
باركينج للعجل ف كل المناطق وكمان بيبقى فيها العجل للأيجار "ومفيش سايس" يدوب بتدفع الكريدت كارد وقشطه على كده

اتفرج على الفيديو ده وادعيلنا نبقى زيهم

[youtube]http://www.youtube.com/watch?v=jf6i2fzkoj0&feature=player_embedded[/youtube]

الفكرة ديه كانت في دماغي بسشبيهة بيها
تكون في المناطق المحدودة
و جاتلي الفكرة من عربيات البيبي كار اللي بتتأجر في المولات
و هو ان يكون فيه زي محطات و واحد مسئول في كل محطة عنها ياخد العجلة من هنا لهنا و بعدد الساعات يتحاسب و هتبقي صعبة شوية الكريدت كارد اساسا هههههه
بس مش في الشارع هتبقي في القري مثلا او المدن زي الرحاب
يعني تقدر تقول الفكرة هتكون فاشلة عندنا ع الاقل في الوقت الحالي
لازم الأول ناس تتجه للموضوع ده و يحصل توعية ثم تبتدي بقي الافكار و الاقتراحات و ممكن نعمل مشاريع احسن كمان من برة بس احنا محتاجين البداية الخطوة الأولي في الألف ميل
صح و لا انا غلطان ؟؟

**Amr Axel** · 06-09-2011 02:54 AM

المشاركة الأصلية كتبت بواسطة تامر.محمد

معاك جدا
انا مشاويري القصيرة اصلا باخدها مشي

طب تمام انا شايف ان في اقبال اهو
و بدل المشي خليها بالعجل
و يا ريت بقي يا ريس زي مشاركتك هنا تعمل كده برده برة و توعي اللي حواليك و مثلا تقولهم يلا بينا يا جماعة نجيب عجل و نعمل كده عايزين الموضوع ينتشر
خلي الشوارع تفضي شوية من العربيات و نوفر البنزين و فلوسه اللي بنضيعهم في الهوا

**Amr Axel** · 06-09-2011 02:58 AM

المشاركة الأصلية كتبت بواسطة saadelden

موتوسكل ماشي
لكن عجله بقت صعبه شويه دلوقتي

انا مشاويري القريبه قليله و بحب اخدها مشي

يعني اما برجع من المعادي و بنزل في ميدان الجيزه مابخدش مكروباص للمنيب باخدها مشي
و لو رايح مشوار قريب باخدها مشي

طبعا مشاوير ابعد من كدا باخد العربيه او المترو او صفايح الزباله "ترامكو" !

يا ريس و لا صعبة و لا حاجة
و احنا بنقول عجل منها رياضة و منها سعرها رخيص و في نفس الوقت مش بتستهلك وقود و كل شوية صيانة للكهربا و الميكانيكا و الكلام ده
و مش محتاجة مساحة كبييرة و مش هتتسرق زي الموتسيكل يعني يا دوب الجنزير و في اي عمود و مفيش حرامي غبي يفكر يسرق عجلة ههههههههههه
و كمان أأمن من الموتسيكل لأن الموتسيكل اخطر من العجلة

**Amr Axel** · 06-09-2011 03:05 AM

المشاركة الأصلية كتبت بواسطة elawany13

أنا من عشاق الدراجات منذ طفولتى ولما كبرت كان عندى فيسبا زمان ايام الكلية وبعد كده موتوسيكل mz وحاليا عندى موتوسيكل صينى بقاله حوالى 5 سنين وماشاء الله زى الفل... حتى لما اشتريت العربية لم أفرط فيه نفعنى جدا ايام الثورة واللخبطه فى الشوارع والمرور والزحام الرهيب فى الشوارع ... بينفعنى فى المشاوير القريبه وموفر جدا فى البنزين 10.... ليتر بيكفونى شهرين عمره ما فضى انا بملاه لما بزهق من انه مفضيش واعطاله تقريبا منعدمة
حتى الكاوتش بتاعه تيوبلس لما بيتتخرم مبسألش فيه بزوده هواء وخلاص لحد ما ازهق واروح الحمه براحتى بس طبعا ليه اضرار صحية وتسبب فى حساسية فى صدرى من التراب والعوادم والبروده اللى الواحد بيتنفسها طول ما هو ماشى وطبعا عاوز عقل وحكمة فى قيادته وإلا هيبقى كارثه
طبعا الدراجات الهوائية مفيده جدا للصحة بس للاسف متنفعش دلوقتى
لإن اعطالها كتير كانت اكثر حاجه بتقرفنى فى العجل الكاوتش بتاعها كل شويه تعملها وتتخرم أو تفرقع أو تلاقيها اتخرمت فجأة وبدون مناسبة

معاك بس برده بص من الناحية الاخري العجلة أأمن من الموتسيكل و مش هتغري صاحبها زي الموتسيكل
و مش هيبقي فيها الطمع لو ركنتها في اي حتي و ربطها يعني عجلة محطوطة و خلاص
و مش كل شوية بقي يوجيهات و زيت و كهربا و الكلام ده
و بالنسبة الاعطال انا من ابتدائي لحد ثانوي مفيش مرة عجلة حصلها حاجة او اي اعطال حصلت الحمد الله
دايما كنت بنضف الجنزير و العجل و اول ما اللقم بتاعت الفرامل تتاكل اغير عالطول يعني من الاخر مش سايبها حتي العجل المنفاخ عندي و كنت جايب اللحام عشان الداخلي لو حصله حاجة لكن محصلوش يا دوب المنفاخ و انفخ :)

**Amr Axel** · 06-09-2011 03:11 AM

المشاركة الأصلية كتبت بواسطة elhelawy

هى فكره حلوه طبعا بس الاول لازم دروس توعيه للناس علشان يا سلام لو شافوك راكب العجله ولابس السيفتى كمان مش هتخلص من التريقه و النظرات اللى كلها سخريه ولازم الناس اللى هتستخدم العجل يعرفوا النظام ويبعدوا عن الهمجيه ده احنا بنشوف عربيات راكنه على الرصيف و موتوسيكلات ماشيه على الرصيف ولما يطبق فكرتك الجميله مش بعيد تلاقى واحد راكب عجله معاك فى الاسانسير :))
عامتا مشكور على المبادره الجميله بتاعتك

معاك ان فعلا محتاجين توعية و ده اللي المفروض يحصل ان شاء الله و اتمني انكم تساعدوني فيه و توعوا اللي حواليكم
بس بخصوص السيفتي و خلافه الموضوع مبقاش زي زمان لأن فعلا بشوف في مصر الجديدة عند نفق الثورة شباب راكبين عجل و لابسيين سيفتي بدون اي مشاكل و لا حد بيتريق و انا دايما اشاورلهم بتحية ع اللي عاملينه
يعني تقدر تقول الناس برده بالرغم من العقليات بس دماغهم اتفتحت شوية عن الأول ممكن تلاقي في بعض المناطق الشعبية التريقة بقي زي مثلا عين شمس و شبرا لكن في الشوارع تحت بقي عادي

يعني زمان نادر لما نلاقي شخص لابس خوذة حتي للموتسيكل دلوقتي كتيير بيبقوا لابسيين خوذة و طقم سفتي كمان

و يا رب المبادرة تيجي بفايدة و الناس ربنا يهديهم

يلا همتك معانا بقي في توعية الناس اللي حواليك قرايبك اصدقائك زمايلك مش هوصيك بقي :) المهم انك تكون من اول المبادرين بشراء عجلة و التنفيذ :)

**SYD** · 06-09-2011 08:59 AM

والله نفسي من زمان اوي في الموضوع دة
بس للأسف مش هينفع اروح بيها الشغل
انا شغلي في الدقي ومدينة نصر وانا اساسا ساكن في الهرم
ناهيك علي اني هروح الشغل مبهدل وعرقان وهدومي كلها طرطشة طينة من العجل

كمان التريأة بقي يا باشا من زمايلك والعملاء وانت عارف الشعب المصري وخفة دمه

كمان انا في شغلي المظهرة والشكل الأجتماعي مهم جدا

هي حلوة لو انا نازل اجيب عيش ولا عشا بليل وبعدين انا خايف ولاد اخويا يشبطوا فيها وياخدوها مني ههههههههه

الفكرة حلوة جدي

وانشاء الله هنفذها
بس بعد ولاد اخويا مايجيبوا عجل ههههههههه

والله المستعان
،
،

-

-

الموضوع: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ارجو ابداء الرأي الفني في هذه المشكلة

سؤال مهم جدا ارجو من الجميع الدخول

حاير بين عربيتين ارجو الدخول من الجميع

ارجو ابداء الرأي من مالكي الميجان..

ارجو من الزملأ الدخول لقراءة ذلك الموضوع و ابداء الرأى فيه

الكلمات الدلالية لهذا الموضوع

المفضلات

المفضلات

ضوابط المشاركة