الموضوع: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )

المشاركة الأصلية كتبت بواسطة chato_eg

أنا أختى اشترت عجلة بيجو و بتروح بيها الشغل....هى عندها 26 سنة بالمناسبة
الموضوع مش سهل على فكرة
مصر بلد حر...يعنى هاتروح الشغل عايز دش
و لسه عندنا طبعا حرامية بيسرقوا عجل..و لذا فمعظم المشاوير مش بتقدر تروح بالعجلة علشان الركن ( تخيلوا !! )
موضوع الصعوبة فى التعامل مع المرور..هيأخد وقت فى الأول لكن لو الفكرة نجحت هتلاقيها أصبحت معتادة و الناس هاتبطل تريقة
العجل الكويس فعلا مش رخيص ..لن طبعا طبعا لا يقارن بأى سيارة أو فسبا حتى

من يوم ما أنا بطلت عجل و أنا عندى 20 سنة و صحتى أصبحت فى تدهور...عندى 29 سنة دلوقتى..بس لسه محتفظ بعجلتى حتى الآن

طب تمام يعني يا جماعة فيه امل اهو ههههههه
البيجو ع حد علمي بتبقي من الــ1000 جنيه و انت طالع دلوقتي و المرسيدس و البي ام و غيره
بس انا كان قصدي ع الحاجات اللي ع ادنا زي الهندي و الصيني و لو فيه مصري ماشي ههههههه عشان رخيص و كويس و بيعيش برده

و اقصد المشاوير القريبة و اللي عايز يروح مشاوير بعيدة براحته و هتبقي في البعيد في الشتا احسن فعلا

بس زي مقولت الموضوع في الأول هيكون غريب شوية بس هم كام يوم بالكتيير شهر الناس تتعود تشوف بقي العجل و الناس تاخد بالها و الموضوع ينتشر و النظرة هتتغير تماما

انا شوفت بعيني شباب نازلين في مصر الجديدة بالعجل و لابسيين السفتي كمان و وسط المرور و الشارع و مفيش اي مشاكل يعني فيه أمل برده :)
و اهي تبقي رياضة في نفس الوقت

بس كل اللي محتاجينه اننا فعلا نبتدي ننفذ مش مجرد كلام و الا مفيش حاجة هتحصل ولا يحصل اي تقدم في الموضوع