المحرك يدور ولكن لايبدأ بالإشعال !!

**graffittiii** · 06-09-2011 01:39 PM

يعني إيه (( المحرك يدور ولكن لايبدأ بالإشعال !! )) ....

هو مش المفروض أن هو بيدور نتيجة الإحتراق ف غرفة الوقود أصلا !
وبافتراض أن هو دار بدون إشعال نعرف منين ؟!! صوت المحرك يكون منخفض مثلا ؟ ..
أرجو الإفادة وشكرا ...

**volk** · 06-09-2011 01:48 PM

المحرك حضرتك بيشتغل عن طريق تحويل طاقه الانفجار الناتجه جوه غرفه الاحتراق نتيجه انفجار البنزين اللي طاقه حركيه للبستم و عمود الكرنك

و طبعا المحرك ميشتغلش طول ما مفيش انفجار جوه غرفه الاحتراق

و مدام مفيش اشغال جي من شمعه الاحتراق مش هينفجر الوقود

لكن ده في محركات البنزين

لكن في محركات الديزل لا يحتاج شمعه احتراق الان وقود الديزل ينفجر او يحترق بالضغط

**graffittiii** · 06-09-2011 01:57 PM

يعني جملة يدور ولكن لايبدأ الإشعال دي مش مضبوطة ولا إيه !

أنا قريتها من ضمن الأعطال الشائعة وكان العلاج التأكد من عمل طرمبة البنزين ...

لكن اللي هيجنني العربية هتدور إزاي لو طرمبة البنزين مش موصلة ؟!

وده اللي خلاني أسأل إزاي المحرك هيدور ولكن لايبدأ الإشعال ؟..

**volk** · 06-09-2011 02:02 PM

تمام حضرتك الجمله غلط تماما

يمكن قصده ان المحرك لا يعمل و هنا يقصد ان المارش يدور و لكن المحرك لا يعمل او يبدء

و اكيد الان طالما الطرمبه مش شغاله المحرك مش هيشغل الان البنزين مش واصل لغرف الاحتراق و بالتالي مفيش اشعال في المحرك