الموضوع: ممكن مواصفات وكماليات العربية دي وقت ما نزلت؟

الا هي ضرايبها بتتحسب ازاي واد اية؟
ومعلش اية هما العلبتين الي ورا الحجل قصدك الشنطة؟؟؟

الضريبة بتتحسب على السعة اللترية بتاعت المتور
بص انا ضريبة ال 1800 معايا حوال 375 تقريبا ف السنة
( نفسى افهم لزمة الضريبة دى ايه من اول ماركبت عربيات والله مش لاقيلها لازمة مش كفاية المخالفات )
لا علبتين الشاسه اللى انا اقصدهم دول قدام لما تلف العجل شمال او يمين هتشوفهم عادى لو حد فاهم فيها هيعرف اذا كان فيها حاجة ولا لا
اللى ورا دا بقى بيبقى جنب التنك

اسعار الكوبية بقى انت وحظك وحالة وموديل العربية ممكن تجيب حاجة ب 25 وممكن تجيب حاجة ب 40 انت وشطارتك
عشان تخليها الشكل بتاع Randdy دا هيبقى بردة حسب بتاع الفيبر اللى بتتعامل معاه فى واحد ممكن يعمله ب 1500 وواحد ب2500 و واحد ب 3000 كدة ياعنى
بس نصيحة لوجه الله بلاش الفيبر دا ف مصر عشان
1- مفيش ضمير فى التركيب والخامات
2- مش بيستحمل مطبات مصر
3- لو واحد ريح عليك وهو بيركن بوظلك الدنيا

بجد العربية وهى استوك وتركب عليها الجنط الجميل والفرش اللذيذ كدة هتبقى تمااااااااام اوى
وطبعا دا مجرد رأيى مش اكتر وانت ليك ذوئك بردة

لاكصدام الى فى توقيعك يبتباع ب 350 الكساحة بس من غير الفوجات كامل ب 750 يعنى الاكصدام كام بالفوجات بالكساحة ..لسة سائل علية عند واحد اسمة الاصيل فى الحرفيين .....طبعا استيراد

انت قصدك ع دا ؟؟؟؟؟؟


هو عموما يامايك دا بيبقى فيبر وسعر الطقم زيى ما انا قلتلك كدة انا سال عليه من فترة كان ب 2000 ( اكصدام خلفى + اكصدام امامى + عتب + باكتات ولو كنت هزود الاسبويلركان هيزيد 350 ج )

وبيبقى اكصدام كامل مش كساحة بس

ولو لقيته اصلى مش هيقل عن 4500 ل 5000 جنيه

انا كلامى على الطقم اللى ف الصورة ودا اسمه E30 Rieger GTS Style kit

هو الطقم فيبر
شكله هيفرق اصلا ف علو العربية نفسه والجنط
انا معاك ان الطقم شكله تحفة وانا بحبه جداا
بس طبعا لو واطية فى المطبات اللى بتتكلم عليها دى يبقى هتتكسر من اول اسبوع
( طبعا انا مش بفرض حاجة دى كلها اراء عشان الناس متفهمش غلط)
بس هقولك على حاجة انا تجربتى مع شغل الفيبر فعلاااا مينفعش معانا فى مصر وبعدين بسببه مش بحس بمتعة العربية اللى انا راكبها لانى لازم امشى احسس عليها

دول عربيتين كانوا عاملينها فى مصر