اقتباس المشاركة الأصلية كتبت بواسطة gazzar91 مشاهدة المشاركة
اعمل اختبار كبس في بنزينة >>>> ممكن تكون مشكلة صبابات عادم مش محكمة
شوف تقسيمة الكاتينة >>>> لأني لسة شاكك في صبابات العادم

و الله أعلم
في رعاية الله
تعلالي بأه يا معلم
جيت ÷ الجرح
أنا برضوا شكيت زيك كده في موضوع صبابات العادم ده......وتوقعت أن الميكانيكي أبن الحمار ظبط صبابات السحب والعادم أد بعض........لأنه المفروض صبابات العادم تكون خلوصها أكبر من صبابات السحب......
فكنت قريت هنا في المنتدي عن متخصص تاكيهات عند منزل كوبري مجري العيون قبل أشاره الكورنيش.......
روحتله........شويه عيال أنا أسف في الكلمة .....شوية عيال صيع ولا ليهم في التاكيهات ولا ليهم في أي نيله........يدوبك فتح غطا التاكيهات وظبتله تاكيهين وراح قافل وقالي 30جنيه ويافرحتي مطلعلي فاتورة!!!!!!!!!
جوم يدوروا العربية مش عارفين يدوروها لأنهم كانوا خلعوا الاسبراتير فمش عارفين يقسمولها من جديد!!!!!!!
أه والمصحف الشريف ورحمة أبويا في تربته........
ورسيت علي أني قسمتلها أنا عن طريق فك البوجيه الاولاني ووضع مفك ومحاولة الاحساس بنقطة النهاية العظمي للبستم......
وأتخانئت معاهم والواد اللي عندهم قل أدبه فكنت همسك فيه......
المهم نرجع لمرجوعنا.......ياريت ياجماعه لو حد يعرف كاربيراتير ال128 جديد بكام اليوغوسلافي من التوفيقية؟؟؟ هل لسه ب275جنيه ولا غلي؟؟؟!!!!!!!!!