ايه افضل انواع الكاوتش

**khater87** · 08-09-2011 03:15 AM

المشاركة الأصلية كتبت بواسطة محمد الجرجاوي

ربنا يوفق وتشتري حاجة كويسة
وسؤال معلش ليه هتجيب على 185
مش 175 ؟

ربنا يخليك

انا بدور علي اعرض مقاس في ال 13
يعني لو لقيت علي 205 هجيب .بس للاسف صعب شويه اني الاقي ده ..
يعني بحاول ازود الثبات شويه ده غير انه بيدي العربيه شكل حلو مع الجمط الاسبور .

**khater87** · 08-09-2011 03:17 AM

المشاركة الأصلية كتبت بواسطة hacker5

انا جايب بردجستون للالنترا بـ 550 الفردة و ممتاز جدا و مالوش صوت خالص و ناعم جدا

كلامك مظبووط
البريدجستور لا يعلي عليه .. انا سألت عليها فعلا طلعت في الرينج ده .. بس علشان اشتري اربع عجلات هخش في مبلغ وقدره .
..
اغير العربيه احسن :)

**prisoner** · 08-09-2011 11:29 AM

البريدجيستون
الهانكوك
جووديير

طبعا الترتيب فى الاحسن والاغلى سعر الاول وطبعا عن تجربة والفرق مش بيكون فى القوة بس لا يعنى فى الفرامل بتفرق وفى الارض المنزلقة بتفرق وطبعا على حسب الامكانيات المتاحة تقبل مرورى تحياتى

**Samooh_2003** · 08-09-2011 01:55 PM

فيه كومهو كوري و وفيتنامي

**ahmedfd** · 08-09-2011 02:17 PM

المشاركة الأصلية كتبت بواسطة Hacker5

انا جايب بردجستون للالنترا بـ 550 الفردة و ممتاز جدا و مالوش صوت خالص و ناعم جدا

مبروك..البريدجستون بالتأكيد لا يعلى عليه بس السعر ده يمكن إنت جايبه من فترة كام شهركده لإني لسة سائل على البريدجستون من إسبوع للإلنترا برضه مقاس 195/65/15 بـ 680 - 700 حسب المكان.
المهم في الآخر جبت Continental فرنساوي بـ 550 الفردة.

**ibrahem_elkhabery** · 11-09-2011 07:43 AM

انا بردة ناوى اجيب كاوتش للانسر البطة وكنت عايز اعرف هو انى الاحسن فى انواع الكاوتش وبردة متكنش غالية جدا
وهل الاحسن الكاوتش يبقى طرى ولا ناشف

**prisoner** · 11-09-2011 09:16 AM

والله فى المقاس ده انا مجربه قبل كده فى عربية فيات 128 كان رائع وكنت بسافر كتيير بالعربية وعمرى ماعملت فيه حاجة لغاية مابعت العربية وقعدت معايا سنتين والله ماافتكر زودت الكاوتش مرتين ثلاثة على بعض وده كان فى 2002 ومن حوالى 3 سنين عندى فى الشركة اقترحت عليهم يركبوه فى عربية الشغل عربية لادا روسى والله العظيم شغال لغاية دلوقتى زى الفل متعملوش صيانة غير حاجات بسيطة والعربية شغالة طول النهار مشاوير المقاس اللى هوة 175/70/13 وفى يوم من الايام شفته راكب على شيروكى يعنى شغال مقاسات كبيرة وصغيرة وربنا يوفقك للصح باذن الله

**khater87** · 11-09-2011 10:56 PM

المشاركة الأصلية كتبت بواسطة prisoner

البريدجيستون
الهانكوك
جووديير

طبعا الترتيب فى الاحسن والاغلى سعر الاول وطبعا عن تجربة والفرق مش بيكون فى القوة بس لا يعنى فى الفرامل بتفرق وفى الارض المنزلقة بتفرق وطبعا على حسب الامكانيات المتاحة تقبل مرورى تحياتى

شكرا لمرورك ونصيحتك ربنا يكرمك

**egyptiandiver** · 11-09-2011 11:24 PM

إستثمر في الكاوتش د حاجة مهمة جداً لسلامتك و أمنك و أمان كل الناس كمان على الطريق. أنا عن نفسي مركب هانكوك كوري هو كويس و مش غالي بس صوته مزعج بصراحة و كان راكب ابليه جود يير و كان أحسن بكتير من الهانكوك و عاوز أرجعلو تاني إنشاء الله. أحمد سامي

**prisoner** · 12-09-2011 11:35 AM

المشاركة الأصلية كتبت بواسطة khater87

شكرا لمرورك ونصيحتك ربنا يكرمك

ربنا يكرمك ان شاء الله بس عايز اقولك حاجة مهمة استنتجتها من مداخلات الناس المحترمة فى المنتدى كل واحد جرب نوع معين قالى عليه وشايف ان هوة الاحسن بص بقى كلام الناس كلها صح بس الاهم من ده كله فى اى كاوتش فى الدنيا بس يكون نوع معروف مش مجهول صيانته والتاكد من الضغط بصفة مستمرة بيمنع تلف الكاوتش فعلا المعلومة دى صحيحة خللى باللك من الضغط هتلاقيه عاش كويس ده طبعا غير الترصيص والزوايا مهمة علشان موضوع التاكل ومتسترخصش انت مش هاتجيب كل يوم لتجنب المشاكل الكبيرة والعياذ بالله وربنا يستر طريقنا كلنا اللهم امين

الموضوع: ايه افضل انواع الكاوتش

LinkBack

أدوات الموضوع

عرض

-

-

-

-

-

-

-

المواضيع المتشابهه

الفرق بين الكاوتش التيوبلس و الكاوتش الداخلى و ايهم افضل

افضل انواع الكاوتش للشارك ؟

افضل انواع الكاوتش للميجان

ما هى افضل انواع الكاوتش؟

افضل انواع الكاوتش للانوس

الكلمات الدلالية لهذا الموضوع

المفضلات

المفضلات

ضوابط المشاركة