الموضوع: "السادة توكيل السبع لقد نفذ رصيدكم"

المشاركة الأصلية كتبت بواسطة ashouhdy

أستاذ أسامة الف سلامة على الحرق ... انت اية حكايتك فى العربيات :)) يا باشا أنت قلبك اسود أنت لسه فاكر المهم انا لو منك ولا يهمنى المعاملة والايجار والونش والافلام دى ... المهم النتيجة

يافرحتى بمركز وتوكيل صيانة بيضحك فى وشى وعاملنى حقل تجارب للعمال بتوعة المشكلة يا باشا أن أى توكيل حاطط فى دماغه أن الزبون مش فاهم حاجة و اى حاجة تقولها له حيصدقها
يعنى أنا كلمنى النهارده المهندس محمد عمر أول ما العربية وصلت التوكيل و خد العربية طريق العين السخنه و جرب العربية و لقى العربية الحمد لله مفيش مشكلة؟؟؟؟؟
المشكلة كانت "هو لسه حيجرب بكره تانى" فى صيانة سابقة و أنا بستلم العربية لقيت المياه فى القربة فوق الماكس بحوالى 5 سم يعنى قبل الغطاء بمفيش 1 سم و سئلت المهندسة ازاى العربية خارجة من التوكيل و منسوب المياه مش مظبوط ردت بكل ثقة هوا المياه المفروض تبقى كدا رديت يعنى الشركة فى اليابان عامله الماكس ده ليه قالت هو ده التعديل الجديد.
بما إن أخوك ماشى زى ما الكتاب بيقول يوم ما استلمت العربية من التوكيل كانت القربة فيها نصها ؟؟؟؟(*) كملتها لحد ما التعديل الجديد بيقول فوق الماكس بـ5 سم
فلما سافرت بالعربية و لقيت الحرارة وصلت للثلاث أربع و نزلت من العربية ببص على القربة لقيتها بتفضى المياه - قلت يبقى المشكلة زى ما هى و مش حستنى لحد ما المؤشر يوصل لل H
و عليها كل ريست أزود المياه فى القربة و الريست اللى بعده القربة تفضى و أنا أزود....
معلومة جديدة أول مرة أعرفها من المهندس محمد عمر إن العربية و هى مسافرة أو فى مشوار الريداتير بيرجع جزء من المياه للقربة علشان التبريد و لما العربية تبرد المياه الزيادة فى القربة بترجع لوحدها للريداتير "من (*) يبقى الماكس بتاع اليابان مظبوط"

ويارب يكونوا بيقروا الكلام دة .... بصراحة و متذعلش منى ولا الاعضاء يذعلوا منى ... اللى بيحصل معاك دة هجس
للأمانة فعلاً اللى بيحصل ده غلط بس كلنا أتعاملنا مع موظفين سواء حكومة أو قطاع خاص و خاصة الصنايعى تبقى الحاجة يمين و تقولو اعملها يمين يحلف لك على أيمانات الدنيا و الأخرة أنه شمال
يعنى جرب تروح بنزينة بعربيتك و قول للصنايعى عايز ازود العجل اللى قدام على 32 و اللى ورا على 29 "ابقى قابلنى"
بلاش قوله عايز احط زيت فى العربية 2.8 لتر