اذا كانت الارض مسجله شهر عقاري
يبىقى تجيب تسلسل الملكية مصدق عليه صحة توقيع او صحة ونفاذ
وتبدأ اجراءات شقتك سواء تسجيل عقاري
او صحة ونفاذ حسب المحامي اللي معاك
واول مرة اسمع عن 6 شقق دي
السلام عليكم ورحمة الله وبركاته
حاليا عندى مشكله ان انا اخدت شقه فى عقار جديد والدور مكون من 4 شقق والمفروق الطرقه اللى بين ال 4 شقق دى مساحته حوالى 5 متر فى 2.5 متر حاليا الشقه اللى قصادى اخدت 3 متر من الطرقه ودخلتها داخل الشقه والطرقه بقت ضيقه جدا والمفروض الطرقه دى تبع الخدمات اللى مخصومه منى من الشقه ومش عارف اتصرف ازاى وهو وضب شقته وبصراحه اسلوبه وحش جدا والطرقه بقت ديقه اوى انا تبع حى الهرم ومش عارف اتصرف ازاى حاليا انا معايا عقد نهائى للشقه بتاعتى بس لسه فى العماره بعداد كهرباء انشائى
يا جماعه انا عايز استشارة ... انا شفت شقه بالتجمع الخامس عمارة اهالى الراجل بنى العمارة وكله تمام بس لسه ما دخلهاش كهرباء يعنى الشقق ما فيهاش عداد بس فيها وصلة انشاءات المهم الشقه قيمتها 500 الف قالى ادفع 350 مقدم والباقى على 18 شهر ماشي المهم بقى قالنا انا هسلمك بعد 5 شهور وهنكتب عقد ابتدائي بكده و بعد ما الاقساط تخلص هايدينى عقد نهائي واخد عليه صحه توقيع [ السؤال بقى دلوقتى انا هدفع مقدم 350 الف ومش هستلم غير بعد خمس شهور و كمان لسه ما اطمنتش ان الكهرباء دخلت وان الشقه ركبلها العداد هو انا كده صح ولا غلط ] لان فى ناس قالتلى انت هتدفع 75 % من المبلغ والباقى بشيكات وهو ما سلمكش الشقه و كمان مافيهاش عداد كهرباء طب افرض الكهرباء مادخلتش لاي سبب طب افرض هو مسلمكش بعد 5 شهور
ودلوقتى انا لو كتبت العقد ايه اللى يمنع انى اجيب باب حديد واحطه ع الشقه ولا استنى لما يدخل الكهرباء ويسلمنى يارت الافادة
طالما ما فيش رخصة
يبقى فيه مخاطر كتيره
بالنسبة للمبلغ كبير طبعا .. ومش بسهوله ندفعه لشئ مجهوووول
وهو بالفعل مجهول .. لان بالاسكندريه الان بدأ هدم العديد من العقارات الغير مرخصه حتى
سطح الارض !!!!!
او ازالة الادوار المخالفة خارج الرخصه ....
ده جانب
واجرى ورا المقاول ... او الكحول اللي حيوقع على العقد بالطبع
والشيكات كمان سيف على رقابتك ..
حتى لو ما استلمتش الشقه
حافظ على فلوسك واشترى افضل شقه على المفتاح
ادفع جوه الشقة واقفل الباب ورا البائع
ما حدش بيشتري اصلا .. ما فيش سيولة في البلد
وممكن بالمبلغ ده توقع شقه كويسه بسعر محروق
@@@صحة التوقيع لا قيمة لها ...
غير ناقلة للملكية
انا ممكن ابيع الشقة اللي انت قاعد فيها دلوقتي بدعوى صحة توقيع !!!!!!!!
عادي
تحياتي
ازاي اعمل محضر عدم تعدي ضد حد و لو تعرضت للمضايقة منوا تاني إيه الإجراءات اللي اعملها
هو جار لمقر شركتي
هل الشيك المسطر يعد غير مستحق الوفاء الا فى التاريخ المحدد بصدر الشيك ام يجب على البنك الوفاء به حال تقديمه اليه بمجرد الاطلاع لان انا عرفت طبقا للمادة 503 من قانون التجارة ان الاستثناء ده بينطبق على الشيكات الحكومية و المعاشية فهل ينسحب ايضا على الشيك المسطر وما سند ذلك ..
متابع
تسكن لدينا ارملة بالايجار القديم واولادها كلهم متزوجين فى شقق خاصة بهم فى عهد والدهم عقد الايجار مكتوب باسمه ....حاليا هى تركت الشقة وسكنت فى شقة اخرى وتركت فى الشقة بعض الاثاثات القليلة ولها بنت متزوجة بالقرب منها اعطتها المفتاح على اساس ان اولادها يبقوا ياخدوا الدروس فى الشقة ( شقة جدتهم ) فما الحل فى هذا الحالة لكى ترجع لنا الشقة يعد وفاتها وايه العمل لو بنتها ده جابت فرشها واقامت فيها مع العلم اننا عرضنا عليها مبلغ لتترك لنا الشقة لكنها لم توافق عاوزه اكثر مع العلم ان فى نيتها عدم الرجوع للشقة مرة اخرى ..
لو عندك شقه في عمارة. وجه واحد من السكان طلع على السطح. وبناااااااه وشطبوا. ايه الموقف القانوني ازاي اقدر اوقف الكلام ده !!
السلام عليكم ورحمة الله وبركاته
حضرتك انا بشتري شقه من واحد صديقي معاه شركاه في الارض وبناء العماره هدفع نصف المبلغ والباقي علي 3سنوات اقساط سنويه ايه الورق اللي مفروض اخده منه والورق اللي مفروض اوقعه وهل في اجراء يحفظ حقوقي مستقبﻻ في الشقه وبعد ما اخلص الشقه ايه المفروض يتعمل من اجراءات وعذرا للاطاله.
استاذنا العزيز ، احد الاقارب المحامين بيرفع لى دعوى صحة توقيع فى شقة سكنية ، ومش اقدر احدد اتعابه تبقى قد ايه ، ياريت تنصحنى بالمتبع فى هذه الحالة وتكلفة اتعاب رفع دعوى صحة التوقيع قد ايه ؟ تحياتى
السلام عليكم:
استاذي انا عندي مشكلة كبيرة و هي كالتالي: انا قمت بشراء شقة بنظام القانون القديم سنة 2000 في عين شمس و كتبنا في المدة انها مشاهرة لا تلغى إلا بموافقة الطرفين و كتبنا في العقد المقدم و القيمة الإيجارية على أن يتم دفع نصف الإيجار نقدا و يتم خصم النصف الآخر من المقدم حتى ينتهي المقدم و من بعدها يدفع الإيجار بالكامل. و الآن بعد انتهى المقدم رفض المؤجر أخذ الإيجار و بيقول ان كدة العقد خلص و نعمل عقد جديد بإيجار جديد بأضعاف الإيجار الحالي و إلا سيقوم برفع دعوى طرد. فما قانونية ذلك و هل من حقه فسخ العقد من طرف واحد رغم أننا ذكرنا في العقد أنه لا يلغى إلا بموافقة الطرفين و هو موقع على ذلك. برجاء الرد و شكرا على اههتمامكم
مفيش حد خبرة يفيدني في الموضوع ده يا جماعة أو يديني نمرة محامي عنده خيرة في موضوع عقود الإيجار ده و انا اتعامل معاه بالفلوس مش مشكلة يعني
حد يعرف ازاى بنحدد حصة الشقة فى الارض الشائعه "يعنى عباره و للوحدة حصة شائعه فى الارض تقدر نسبتها بباقى نسبة الوحدات " لو فرضنا ان الشقة 170 متر و العقار كله 17 شقة و الارض مساحتها 1000 متر اطلع انا بقى الحصة الشائعه دى ازاى و تبقى حصتى نسبتها كام ..؟
متابع
[QUOTE=Y a r i s;3875449629] لو عندك شقه في عمارة. وجه واحد من السكان طلع على السطح. وبناااااااه وشطبوا. ايه الموقف القانوني ازاي اقدر اوقف الكلام ده !! [/QUOT
بتعمل بلاغ في الحي وقسم الشرطة
ولو ما فيش استجابه
انذار على يد محضر للمحافظ او رئيس الحي
عليك اللجوء اللي محامي قوي في مسائل الايجارات
ولا يوجد ايجار قديم بعد 1996
حتى لو كتب هذا
لانه ببساطة يقدر المؤجر انه يجيب اثبات ان كان فيه قبلك حد في هذا المكان
وبالتالي يسري عليك الايجار الجديد
ولكنه اخطا بمسالة المشاهره ...
واذا كنت دفعت فلوس كتير وفيه شهود تقدر تستغل المسألة دي
لكنها مش واضحة ادامي
إستشاره قانونية
السلام عليكم
احنا موكلين محامي في عدة قضايا والمحامي توفى وفي فحامي تاني هيمسك المكتب.
السؤال : لو كنت عايز اسحب الفضايا اعمل اية؟
وتنصحوني بأية لاني معرفش حاجة في الحاجات دي فشورا علي اعمل اية؟
جزاكم الله خيرا
السلام عليكم
لو سمحتم كان عندى استفسار
روحت انا و خطيبتى نتفرج على شقه و عجبنتنا الحمد لله
بس المشكله مش هنا
المشكله بتتلخص فى ان لما حبينا نمضى العقود روحنا لمحامى قالنا عايز صوره من عقد ملكية الارض و العقار و لما روحت لصاحب البرج اطلب منه الصور اللى المحامى طلبها الراجل قالى انا مش باطلع الورق بره لحد وممكن تجيب المحامى و يشوف كل حاجه هنا و لما تمضى العقود خد الصور اللى انت عايزها و لما طلبت منه صوره من العقد اللى هنمضيه علشان يشوفه المحامى رد نفس الرد السابق فانا قلقت فقولت اخد رايكم
مع العلم ان معظم البرج ساكن فعلا
هل بالوضع ده نكمل فى شراء الشقه و لا نوقف كل حاجه ؟؟؟
و هل اللى الراجل عمله ده عادى و لا لا ؟؟؟؟
من الواضح انه فيه مشكلة ما عنده او انه شكاك
المهم جيب المحامي يراجع الورق عنده ويراجع العقد براحته
عادة هو العقد موقع من كحول ( شيال القضايا ) الخاصة بالعقارات
ولو كده خلي المقاول او صاحب العقار يعمل عقد لنفسه من الكحول كأنه هو اشتري منه
ويبيع لك بعد كده مباشرة عشان تضمن حقك
خد المحامي معاك واستلم الشقة فورا واقفل بابك وغير الكالون
شقه سعيده ان شاء الله
[OVERLINE]
كفاية التسليم الاعتبارى متى كان المودع لديه جائزا لشىء من قبل .
القاعدة:
لا يلزم فى الوديعة أن يكون التسليم حقيقيا بل يكفى التسليم الاعتبارى إذا كان المودع لديه حائزا لشىء من قبل . و إذ كان ذلك وكان ما استخلصته المحكمة على ما سلف بيانه من أن العلاقة القائمة بين الطاعن والمجنى عليها يحكمها عقد الوديعة هو استخلاص سائغ ويلتئم مع حقيقة الواقع فى الدعوى فإن قضاءها بإدانة الطاعن عن جريمة التبديد يكون صحيحا فى القانون .
( المادة 341 عقوبات )
( الطعن رقم 625 لسنة 46 ق جلسة 1976/11/1 س27 ص 835 )
لا يلزم فى الوديعة أن يكون التسليم حقيقياً بل يكفى التسليم الإعتبارى إذا كان المودع لديه حائزاً للشئ من قبل .
( الطعن رقم 1817 لسنة 37 ق ، جلسة 11/12/1967 )
[/OVERLINE]
تحية احترام وتقدير
ما ذكرته معلومه قانونية تمس الواقع العملى الذى يمس غالبيه الشعب فى استعمال ايصالات الامانه
وتعلم تماما انها لا تتعلق بالاستشارة السابقه
ولا يخفى على فطنه حضرتك انه لا يصح للزميل ان يتدخل فى اى رد على استشارة يرد عليها زميل اخر
هذا ما تعلمته طوال 35 عام
تحية تقدير واحترام على استقبالكم الكبير
ونأسف ان كنا استقطعنا جزء من وقتكم الثمين
بيعت شقة لاحد الاشخاص وتم دفع مبلغ كاش و باقى ٢٥٠٠٠ جنية مكتوب بيهم ايصال امانه يماطل حتى الان فى سداده هل القانون يساعدنى على استرداد مبلغ الوصل ولا استعوض ربنا
بسم الله الرحمن الرحيم
ارجو الافاده
في اعلانات عن اراضي جنوب حلوان
و ناوي ان شاء الله ابدء اشتري ارض هناك
كنت عايز اعرف ايزاي اتاكد من صحه الاوراق و العقود و ان مفيش نصب
او تكون اراضي دوله او وضع يد
و شكراً
أهلا بك
1- عليك انذاره اولا .. على يد محضر .
2- بعد استلام المنذر اليه للانذار السابق .. يتم ارسال انذار ثان.
ليه بنرسل انذار ؟
الانذار تهديد للشخص .. ومجرد فتح الباب ورؤية المحضر .. والاحساس بان المسألة تتحرك نحو الشرطة والنيابةه والقضاء تحول الامر الى ردع نفسي
ليتصل بك ويحاول انهاء المسألة .
@اذا لم يستجب .. يتم تحرير جنحة غير مباشرة .. في قسم الشرطة ..
>>> وهذا بخلاف الجنحة المباشرة التي تكون اقل قوة واجبارا للمتهم
((( اكد على محاميك جنحة غير مباشرة عبر محضر بقسم الشرطة )))
ويكون معاك تليفون او عنوان المتهم تعطيه لامين الشرطة عشان يتصل بالمتهم
كنوع من الردع النفسي ايضا .. وتتفاوض معه عبر مراحل الدعوى
==
بالنسبة للعقد ما تتكلمش عنه خااااالص لانه مش حيبقى وصل امانه وحيخرج من الحماية الجنائية
لعقود الامانة
ويتحول الى دين مدني .. اجرى وراه في المحاكم المدنية ...
اختار محامي جيد لمساعدتك
تحياتي
راجع الاوراق التي تم تسليمها لك من المحكمة او الشهر العقاري
حسب مصدرها
بالاضافة وبشكل هاااااااااااااااااااااااا ااااااااااااااااااااااااا اام
التوجه لجهاز حماية املاك الدولة للتأكد من طبيعة الارض وهل عليها مشاكل
مع الدولة ام لا ..
حتصرف شويه بس تصرف 1000 للتأكد من سلامة الارض
احسن ما تخسر 100 الف طبعا
تحياتي وارض سعيده
أم لها 3 أبناء (بنتين وولد) وكلهم متزوجين ولهم أولاد
إحدي البنات طلبت منها مبلغ مالي لظروف معينة علي سبيل القرض والسداد مفتوح المدة، فوافقت الأم وبعد فترة ساءت العلاقة جدا بين هذه البنت وأخواتها وتطورت المشاكل بينهم بصورة معقدة.
الآن الأم تريد ضمان علي هذه البنت لسداد هذا القرض، وإن لم يكن في حياتها فيتم خصمه من الميراث لأنها متأكدة من أن هذه البنت ستنكر هذا المبلغ في الميراث.
فالسؤال: ماهو الضمان الذي يمكن أخذه عليها، وكيف يمكن سد باب التلاعب تماما عليها؟