ابعتلي على الخاص او الايميل
تفاصيل الشقه ومكانها واسم الشركه
شكرا سأدرس المسألة
وارى اذا كان بالامكان حلها بالاتصال وديا
بالنسبة للقانون فقد تم الحكم بعدم دستورية توريث عقد الايجار لغير اغراض السكنى
حكمت المحكمة الدستورية بعدم دستورية الفقرة الثانية من المادة 29 من ق 49 لسنة 1977 فيما نصت عليه من استمرار الاجاره التى عقدها المستأجر فى شأن العين التى استأجرها لمزاولة نشاط حرفى أو تجارى لصالح ورثته بعد وفاته (امتداد العقد لورثة المحل التجارى)
الا ان الواقع العملي
انه طالما احد ابناء او ورثه المستأجر الاصلي مستمر في النشاط فإنه يستمر العمل به لمرة واحده
(محكمة النقض)
ويمكنك ان تتواجد بالوكاله عن عماتك
وعليه يمكنك التفاوض بالحسنى مع صاحب العقار لتحويله لعقد ايجار طويل المدة بالنظام الجديد
وهذا يعتمد على مهاره محاميك في التفاوض
اختر محام قوي تثق فيه وبالتوفيق
ما حدث هو ان محكمة النقض .. في تفسيرها لحكم المحكمة الدستورية
حادت في تفسيرها .. ووصلت الى ارساء قانون جديد ؟
فحكم الدستورية يعني اعدام القانون ..( باللفظ )
ولكن الدستورية اعملت اختصاصها في سريانه باثر فوري بمعنى انطباقه من تاريخ صدوره
على الحالي .. وفي حالتنا هذه .. الشخص الموجود عند الحكم
سواء الاصيل .. او الوريث الاول او الثاني او حتى رقم مائه
ليصبح هو الاخييييييير ولو توفى في اليوم التالي ولا يحق لاحد البقاء في العين بعده
وعليــــــــــــــه
فمن المتوقع مستقبلا تدخل المحكمة الدستورية باعتبارها اعلى سلطة قضائية في مصر
لتفسير هذا الحكم ..
وان كان الامر في حالة سبات لان نظرا لما يترتب عليه التفسير الحرفي للحكم
الي خلخله في المجتمع
وبناء على هذا
فيمكنك البقاء كما انت كما ذكرت لك سابقا .. والسير في قضايا ونزاعات
او
السير على التوازي لتغيير العقد بالتراضي
ففي النهايه قانون الايجارات القديم قانون ظالم .. والظلم لا يبقى ابد الدهر
ويجب ان يأتي يوم ويزول ويعدم من الوجود
وهو ما حدث فعلا من قبل وبالقانون
مع مستأجري الاراضي الزراعية حيث تم منحهم مدة زمنيه بعدها تم تحرير العلاقه
وعادت الارض للملاك سالمه تماما وبقوة القانون
ارجو معرفة التصرف القانونى ضد ورثة مستاجر لم يدفعوا الأيجار لمدة تزيد عن سنتين مع العلم انى لا اعلم محل اقامتهم لان المحل مغلق منذ سنوات وتم تغيير عنوانهم الموجود بعقد الأيجار فكيف ارسل لهم انذار
استاذ هاني
الف شكر علي الموضوع الجميل وربنا يخليه في ميزان حسناتك
استفسار ايه اللي المفروض اعمله من حيث الأوراق وانا بشتري شقه عشان اضمن حقوقي
الف شكر مقدما
التأكد من اوراق العقار من الارض وتصاريح البناء
وان شقتك في جزء المصرح به اذا كان هناك مخالفات
وكذلك العدادات كهرباء ماء وخلافه ..
وصفه من يقوم من بالتوقيع .. سواء اكانت شركة او مقاول عادي
لانهم احيانا بيجيبوا توقيع الكحول ( شيال القضايا )
ولازم يكون معاك محامي ..
ناس كتير بتسخسر محامي .. عشان الاتعاب اللي بتكون بسيطه
في حين انت تحمي 400 الف مثلا او اكثر او ايا كان المبلغ
في المنطقة او احد الاقرباء او الاصدقاء الموثوق في خبرتهم وكفاءتهم
سيكون عامل مساعد لك
خاصة اذا كانت هناك نقاط في العقد .. مثل تقسيط او تشطيبات
او ميعاد تسليم نهائي ..
اللللخ ...
بالتوفيق
وشقه سعيده ..
استاذ هانى ما هى خطوات تصحيح اسم فى البطاقة لشخص على المعاش والوقت المستغرق يكون قد ايه ولك جزيل الشكر
استشارة فى دعوى تعويض عن قرار انهاء خدمة
استشارة فى دعوى تعويض عن قرار انهاء خدمة الغته المحكمة الأدارية وقامت جهة الأدارة بالطعن على الحكم بالأستئناف ورفض القضاء الأدارى الطعن وأيد حكم المحكمة الأدارية أرجو معرفة الآتى
1- المحمكمة المختصة بدعوى التعويض هل هى محكمه القضاء الأدارى ولا المحكمه المدنيه ؟ وأيهم أفضل
2- اجراءات رفع الدعوى تفصيليا
3- مبلغ التعويض المقترح علما بأن مراحل التقاضى من 2003 حتى 2014
يتم تصحيح الاسم من خلال السجل المدني حيث يتم تشكيل لجنه بهذا الشأن
واذا تم الرفض يتم رفع دعوى امام مجلس الدولة ويكون الحكم ملزما
بالنسبة للوقت صعب تحديده .. قد يكون شهرا .. فيما يتعلق بالسجل المدنى
او يمتد اذا وصلت الى المحكمة وان شاء الله لن تصل للمحكمة
بالتوفيق
تحياتي
أهلا بك
1- المحكمة المختصه بالتعويض هي محكمة القضاء الاداري .
2- الاجراءات تفصيلا .. يجب الاطلاع على الاوراق .. ومحاميك سيتولى هذه المسألة ..
3-مبلغ التعويض يعتمد على ما فاتك من كسب وما لحقك من خساره بالاضافة للتعويض الادبي .
وهذا يتم تحديده في ضوء الاوراق ويتم تفنيده امام المحكمة ..
بالتوفيق
والدى رحمه الله كان مهندس بمصلحة الميكانيكا و الكهرباء و كان ساكن فى سكن ادارى ولما طلع معاش بقا يدفع مبلغ شهري نظير انه مستخدم الشقه و دى حالة معظم اللى مستفيدين بسكن ادارى . المهم انه اخبرونى ان احد الموظفين ( معروغ بعت شكاوى لوزارة الري تحديدا بحجه ان الشقه ما حد مستفيد منها و عاوز ياخد موافقه باستخدام القوه من مركز الشرطه لاقتحامها و يرمو العفش فى الشارع .. ايه المفروض انى اعمله .. الشقه دى معانا من 92 و الوالد رحمه الله طلع معاش من 2000 ..و كل جيراني معاشات بس احياء و قاعدين فى الشقق... و هل يستطيع المركز انه لو الراجل ده له علاقات انه يحركهم بدون حكم محكمه ؟؟؟؟
أهلا بك
1- المحكمة المختصه بالتعويض هي محكمة القضاء الاداري .
2- الاجراءات تفصيلا .. يجب الاطلاع على الاوراق .. ومحاميك سيتولى هذه المسألة ..
3-مبلغ التعويض يعتمد على ما فاتك من كسب وما لحقك من خساره بالاضافة للتعويض الادبي .
وهذا يتم تحديده في ضوء الاوراق ويتم تفنيده امام المحكمة ..
بالتوفيق
شكرا لردك
بالتوفيق ان شاء الله
موضوع بيع السيارات و الشقق و المحلات ب توكيل بيع للنفس و الغير. هل الموضوع ده امن؟ و لو اتوفي البائع. هل التوكيل بفضل ساري و الا لا؟
سؤال هو لو مستاجر ايجار قديم ترك الشقة وسكن فى شقة اخرى ومش عاوز يدفع فلوس المياه بحجة انه مش قاعد فى الشقة ايه الحل معاه
جزاك الله خيرا وتقبل منك
عندي استفسار
في حالة نزاع على شقة وبعد الحكم لاحد الاطراف قام الطرف الاخر بالطعن في الحكم ووصلت القضية لمحكمة النقض.. ثم تم التوصل لاتفاق بين الاطراف وعلى ان يتنازل الطرف الطاعن عن القضية ..
السؤال هل يمكن سحب ملف القضية من محكمة النقض والتنازل عنها ؟ وهل يلزم ان يقوم الشخص بنفسه بسحب الملف أم يمكن بتوكيل لمحام؟ أم انه لايمكن اصلا سحب ملف القضية من محكمة النقض؟
وفي حالة عدم امكانية ذلك .. ماهو التصرف الذي يضمن للاطراف الاخرى ان الطرف الطاعن تنازل عن القضية؟
السلام عليكم و رحمة الله و بركاته
كنت حابب استفسر عن صحة التوقيع على عقد إبتدائي لو حابب اعملها الاجراءات ايه و المده و كده و ممكن التكلفة التقريبية تبقى كام و لكم جزيل الشكر ...
السلام عليكم
لدي قطعة ارض املاك دولة وضع يد ورثة وتم عمل حجة تقسيم بنصيب كل فرد ويتم البناء عليها قطعتين وعمل محضر لكل قطعة لكن المحضر اتعمل باسم شخص واحد من الورثة للتسهيل ثم بعد ذلك اتعدى الذي تم عمل المحضر باسمة على القطعة الثانية ملك الورثة الاخرين بحجة ان المحضر باسمة وانها املاك دولة وليست املاك خاصة برغم انها مسجلة في الاملاك باسم الورثة والاملاك في الاصل تتعنت في البيع لانها تريد اخذها منفعة عامة رغم صغر المساحة
ما هو التصرف القانوني لصد التعدي من طرف احد الورثة حيث انهم يرغبون في الفض القانوني بعيدا عن المشاكل
هل الطرف المعتدي يستطيع فعلا شراء كامل الارض لة دون الورثة ؟؟
ام انة لابد من وجود جميع الورثة الموجودين في الاعلام الوراثة وحجة التقسيم ؟؟
وهل يستطيع تغير وضع اليد من الاملاك من وضع يد الورثة الى وضع يدة هو فقط ؟؟
السلام عليكم ...فعلا الموضوع قيم جدا ويارب الاقي عند حضراتكم حل او مشوره لمشكلتي العويصة....
عندي حتة ارض ملك اخويا متغرب وشقى عمره حطه فيها ..للاسف انضحك علينا واشتريناها في حي سكني جديد وفيه مجموعة بلطجية مترصدين الاراضي ال لسه متبنتش وبعد 6 سنين عرضناها للبيع لكنهم كل ما يجي مشتري يطفشوه باشاعة ان لهم 17 متر ف الارض من قديم وان معاهم ورق قديم والمشتري يخاف من المشاكل ويطفش .. حد عنده فكره ايه الحل في الوضع السيء ده؟ يعني ورقنا سليم وفيها تسلسل ملكية لكن اشاعات البلطجية دول بتطفش الناس .. اعمل ايه ؟ وشكرا جزيلا مقدما....
السلام عليكم ..معلش لو بعيده عن موضوعك شويه بس كان عندى استفسار لو ليك خبره فيه
كنت مأجر شقه وحاليا سلمتها وليا تأمين 7000 جنيه عند صاحب الشقه
الراجل بيقول انه مذنوق حاليا ومعهوش فلوس وهيدينى شيك بالمبلغ بس مش هيتصرف الا بعد سنتين
لو قدر يصرفلى فى الفلوس قبل كده هيدهالى ...لو مقدرش خلاص هصرف الشيك بعد سنتين
سؤالى حاليا ...لو هو فعلا ادانى الشيك وكنت تاريخه بعد سنتين ..هل يقدر يخلينى ماصرفش بعد السنتين باى طريقه ...يعنى مثلا يوقف حسابه فى البنك او يبلغ ان الشيك مسروق مثلا او يقدر يعمل اى حاجه فيما بعد يخلينى بعد السنتين مقدرش اصرف الشيك.؟؟؟
طيب سؤال تانى ...انا حاليا ماسلمتوش عقد الايجار بس اديته مفتاح الشقه بس نظرا لظروف سفر كان عندى وهو كان عايز يسكن الشقه وكده.....ايه اللى اقدر اعمله بعقد الايجار بحيث اضمن برضه حقى
اشكرك وجزاك الله خيرا
ازاي اصور قضيتي من مجلس الدولة ؟ هل من حقي تصويرها في اي وقت عشان المحامي الجديد يطلع عليها لأن اللي قبله سابها وسافر؟ لأن سمعت مينفعش غير قبل الجلسه باسبوع وده صعب وغير منطقي المفروض شهر ع الاقل ما الحل لو سكرتير الجلسة رفض اتوجه لمين؟
عاوز اسجل ال ثلاث شقق بتوعي .. الارض مسجله و العمارة مرخصه 6 ادوار و الورثه عاملين محضر تقسيم عرفي و متراضين فيه جزء حيبقا مشاع و باقي الشقق محدده فى المحضر و عاملين توكيل عام لاحد الورثه ممكن اعرف اسجل الثلاث شقق الخاصه بيا لوحدي ولا لازم التسجيل لكل العقار علشان محضر التقسيم و مبدئيا التكلفه كم ؟؟؟ وهل الافضل محضر التقسيم ولا نعمل عقود بيع للشقق لبعض بس حتبقا عقود كثيره لاننا 6 ورثه فيه اللى اخذ شقه و اشترى من ورثه ثانيين
اولا شكرا علي الموضوع الهادف والمفيد
هل العقد الابتدائي كافي ضمان الحقوق في شراء العقارات لحين سداد كامل الثمن وانتهاء البناء ومن ثم التسليم؟ ام هناك اجراءات ممكن اتباعها لمزيد من الضمانات والامان؟
ممكن حد يشور عليا فى الموضوع ده
انا اشتريت عربية من اجنس شغال فى السيارات الجديدة والمستعمل سواء سياحة او ملاكى
العربية ال انا مشتريها الاجنس واخدها من شركة سياحة
اشتريت العربية ودفعت جزء من ثمنها ومتبقى جزء من المبلغ جزء كبير مش صغير . وتم كتابة عقد ابتدائى بامبلغ السيارة وتم دفع كذا ومتبقى كذا
المهم الاجنس ادانى مهلة علشان يسقط العربية من الجمرك شهر ولسا لحد الان مخلصنيش . وبيقولى ان الموضوع واقف عل من عند الجمارك بخصوص الضريبة او التعريفة الجمركية بتاعتها
المهم الموضاع طال شوية وانا قلقت . اتكلمت معاه ان كدة مش هينفع ... رد عليا انه بيحاول يجيب من الشركة ال رخص العربية باسمها عقود ايجار علشان ال مشترى عربية منه يعرف يمشى بيها لحد ما يخلص موضوع الجمرك مع الشركة بتاعتها
عايز اعرف الموضوع كدة ماشى صح ولا فى حاجة غلط لا قدر الله
وعايز اعرف هو موضوع انك تسقط عربية سياحة فى الجمرك شغال ولا واقف بسبب الضريب 13% ولا لا
اهلا بك مبدئيا
يجب ان تختار شركة او مقاول ذو سمعه طيبه لان النصب اصبح كثيرا في هذا المجال
الامر الثاني
هناك اسلوب مش حلو في شراء العقارات تحت البناء
وهي ان يتم اخذ مقدمات واقساط من المشترين .. وبعد سنه او اتنين يجد المقاول ان اسعار الشقق تضاعفت
فيقوم بتأخير التسليم وتعطيل الاعمال .. عشان يزهق المشتري .. ولو اتكلم ..
خلاص خد فلوسك ..
طبعا هو استغل اموالك كتمويل بفائده 0%
لم يكلفه اي شئ .. العقار ارتفع سعر .. اموالك بمعدل التضخم الطبيعي انخفضت قيمتها الشرائيه
فانت الخاسر في النهايه ..
لذا يجب وضع شرط جزائي بتعويض مالي عن التأخير .. وبعد مدة معينه فسخ العقد مع تعويض مالي بنسبه من قيمة الشقه مثلا .. او ايا كام
استعن بمحام تثق فيه
تحياتي
طلب مقابله لمباحث الكهرباءبخصوص شقه بعقار حديث لا يوجد لها عداد كهرباء او طلب ممارسه كهرباء رغم استغلال الكهرباء بالعماره من 3 سنوات ماذا أفعل
السلام عليكم
لدي قطعة ارض املاك دولة وضع يد ورثة وتم عمل حجة تقسيم بنصيب كل فرد ويتم البناء عليها قطعتين وعمل محضر لكل قطعة لكن المحضر اتعمل باسم شخص واحد من الورثة للتسهيل ثم بعد ذلك اتعدى الذي تم عمل المحضر باسمة على القطعة الثانية ملك الورثة الاخرين بحجة ان المحضر باسمة وانها املاك دولة وليست املاك خاصة برغم انها مسجلة في الاملاك باسم الورثة والاملاك في الاصل تتعنت في البيع لانها تريد اخذها منفعة عامة رغم صغر المساحة
ما هو التصرف القانوني لصد التعدي من طرف احد الورثة حيث انهم يرغبون في الفض القانوني بعيدا عن المشاكل
هل الطرف المعتدي يستطيع فعلا شراء كامل الارض لة دون الورثة ؟؟
ام انة لابد من وجود جميع الورثة الموجودين في الاعلام الوراثة وحجة التقسيم ؟؟
وهل يستطيع تغير وضع اليد من الاملاك من وضع يد الورثة الى وضع يدة هو فقط ؟؟
السلام عليكم,
قمنا بتوكيل محامي لعمل اجراءات انحصار الوراثة بعد وفاة عمي وكان التوكيل من جميع الورثة وبعد صدور حكم المحكمة بانحصار الوراثة تم مخاطبة البنك المركزي لحصر حسابات المتوفي بالبنوك وبالفعل تم معرفة ارصدة المتوفي بالبنوك ...المشكلة الان ان المحامي بعد ان عرف حجم الثروة طلب نسبة 7% من حجم الميراث وطبعا رفضنا لان هذا لم يكن في الاتفاق والسؤال:
هل يمكن للمحامي ان يعطل لنا اجراءات استلام الميراث؟ وهل اذا ذهبنا للبنوك بحكم الوراثة نستطيع الاستلام؟ وهل للمحامي حق فعلا بأي نسبة من الميراث مع العلم اننا لم نتفق سابقا علي اي نسبة وانما اتعاب له فقط؟
شاكر لكم
السلام عليكم لو سمحت عندي استفسار دلوقتى احنا مآجرين شقة لسة جديد من شهر وصاحب الشقة قالنا الشقة مفيهاش عداد مياه بس بندفع له مبلغ كل شهر ثابت وان المستاجر اللى فات دافع كل فواتير باقى الحاجات كهرباء وغاز.. قلنا ماشى اللى حصل اننا لما رحنا نشوف فواتير المياه اكتشفنا ان صاحب الشقة مش مقدم اصلا على عداد مياه! كده لو المحصل جه او حد جه يكشف على وجود عداد او لأ وشاف ان مفيش عداد المسائلة القانونية على مين؟ مع العلم العقد مكتوب فيه اننا اللى المفروض ندفع فواتير المياه بس اصلا مفييش فواتير بتطلع علشان مفيش عداد
ملحوظة .. مفيش عداد اساسي للعمارة ولكن كل شقة لوحدها
وشكرا
طالما ان الاصل فيها باسم المورث .. فحتى اذا كان المحضر باسم احد الورثه فيحق لكم مشاركته .. فقط عليك الاستعانه بمحام تثق فيه .. ليساعدك بالتوفيق