الموضوع: تتجوزي واحد متجوز ؟

المشاركة الأصلية كتبت بواسطة SYD

اعوذ بالله ايه الي انت بتقوله دة ؟؟؟

ليه يعني ؟؟

انا شايف الموضوع سخن اوي والناس بتتخانق مع بعض
وبعدين هو لو لم تكت معي فانت ضدي

هتستفيد ايه حضرتك لما الناس تتجوز او تطلق ؟؟ او ما تتجوز خالص ؟؟؟

انت فتحت موضوع مغلق من زمان اوي عند الستات

كنت افتحه في الأربعينيات ولا الخمسينيات

لكن في 2011 الأراء كلها ضد التعدد

وبعدين انا بقول واقع
لو انت مش عايشه يبقي انت حاجة غريبة
لكن هاتلي النهاردة موظف حكومة وبيروح الشغل وبيزوغ الساعة 12 وقاعد في البيت من 12 الظهر لحد الساعة 7 الصبح لما ينزل تاني

اعتقد حضرتك لازم تحترم اراء الغير

الموضوع مفتوح للنقاش ومن الرجالة اكثر من الستات

انا مش بغير شرع ربنا ولا هحط شرع جديد

ولكن "أتؤمنون ببعض الكتاب وتكفرون ببعض" صدق الله العظيم

زي ربنا ما قال مثني وثلاث ورباع
قال فواحدة

وزي ما قال فأضربوهن
قال وعاملوهن بالمعروف

هات حضرتك تفسير الأيات واسباب النزول ولو في ايات ناسخة او واضعة وبعد كدة تتكلم مش بتعمل زي "ولا تقربوا الصلاة"

ربنا ماقالش الزواج فرض يبقي هيحكم علينا بالتعدد
طب انا مش عايز اساسا وحتي لو كانت بالتي هي مين ابقي كفرت بشرع ربنا

اتقي الله
وربنا يسامحك علي رأيك فيا

والله المستعان
،
،

هداك الله وغفر لك

بتستخدم الايات في غير محلها... وبتستخدم ايات خاصة بوصف حال اليهود في وصف اخيك المسلم

وبعد ده كله بقيت انا الجاني والمهاجم والذي ارفع شعار "لو لم تكت معي فانت ضدي"

ربنا ماقالش الزواج فرض يبقي هيحكم علينا بالتعدد
طب انا مش عايز اساسا وحتي لو كانت بالتي هي مين ابقي كفرت بشرع ربنا

جبت منين الكلام ده؟

حضرتيك قريت المشاركة بتاعتى اصلا... انا لم اتهمك بشيء بل كلامي كان واضح انك حر في نفسك
عايز تتجوز او لا الشرع بيسمحلك........ هو حضرتك بتبتكر كلام انا مقلتهوش وبعدين تهاجمني بيه؟!!!

وده نص المشاركة:

ممكن انت ظروفك ما تسمحش ......... الدين الاسلامي مبيفرضش عليك تتجوز اثنين او اكثر

لاكن غيرك ليهم الحق في التحرك زي ماهم عايزين طالما الشرع مديهم الحق ده

واضح انك عكست الادوار

كمان هل تعبت نفسك وقريت التفسير اللى كان محطوط في اللينك (في مشاركتي السابقة في نفس الموضوع)

التوفيق بين قوله تعالى: { فإن خفتم ألا تعدلوا } وقوله: { ولن تستطيعوا أن تعدلوا } - موقع مقالات إسلام ويب

وبعدين انا بقول واقع
لو انت مش عايشه يبقي انت حاجة غريبة
لكن هاتلي النهاردة موظف حكومة وبيروح الشغل وبيزوغ الساعة 12 وقاعد في البيت من 12 الظهر لحد الساعة 7 الصبح لما ينزل تاني

حضرتك عملت مسح احصائي لموظفي الحكومة في مصر ولا ده رأى اجتهادي منك؟

بالمناسبة شكرا على الوصف "يبقي انت حاجة غريبة" ممكن اكون كائن فضائى وانا مش واخد بالى؟!

اعتقد حضرتك لازم تحترم اراء الغير

ياريت حضرتك تجرب لمدة 3 دقائق انك تبدل الادوار معايا وتخيل اني انا اللى كتبت المشاركة الطويلة دي وبوصفك فيها..... لو صدقت مع نفسك هتعرف كويس مين بيحترم الاخرين

انت فتحت موضوع مغلق من زمان اوي عند الستات

الظاهر حضرتك ماقراتش اول بوست .......... مش انا اللى فتحت الموضوع وان كنت وبوضوح أؤيد التعدد... وشكرا لصاحب الموضوع على اعطائى الفرصة لذكر رأيى

ايا يكن انا معنديش وقت اكتر (عذرا) عشان ااستفيض اكتر

وياريت اخي الفاضل انك تعتبر كلامي مجرد نصح من اخ لك ... لك ان تقبله ولك ان ترفضه

هدانا الله واياكم الى مايحب ويرضى

يا جماعه عايزين نبقى واقعيين الموضوع فى أوله بيسأل توافقى جوزك يجوز عليكى إحنا متوقعين تكون إيه الاجابه تقولك موافقه بكل بساطه ويمكن كمان تزغرط ولا هو موضع التعدد واجب شراعا وفرض زى الصلاه
الموضوع ميجيش كده لابد من الحكمه اللى قال عنها المولى عز وجل ما معناه من يؤتى الحكمه فقد أوتى خيراً كثيراً ، اللهم أتنا الحكمة
الموضوع عامل زى القتال فاذا كان قدرا ومكتوب اذا لا مفر لكن ان لم يكن له داعى فلا داعى لان الزواج للمره التانيه مش رحله الى حديقة الحيوان
على حد علمى الزواج زى ما سبق وقلت فى مشاركه سابقه فى نفس الموضوع له حكمه الشرعى اول او تانى او تالت مره ممكن يكون واجب وممكن يكون حرام وما بينهما من احكام حسب مقدرة كل واحد من الصحة والمال والقدره على العدل ويجب عدم الاسراف لان فيما معناه ان الله لا يحب المسرفين ( وكلوا واشربوا ولا تسرفوا )
والله الموفق

المشاركة الأصلية كتبت بواسطة shaddadfalcon1

انا شايف ان معظم الردود النسائيه بتتبلور حولين الشغل وان المراه بتقف جنبه والكلام ده

ردي هو انك مش المفروض تشتغلي ولا تساعديه ولو هو مش قادر يفتح بيت يبقي مكنش ليه جواز اصلا من الأول لان الأستطاعه الماديه والجسديه شرط من شروط الجواز

فمعني انك تسيبي بيتك وتنزلي تشتغلي عشان البيه مش قادر يصرف عليكي وعلي عيالك يبقي دي مشكلتك من الاول انك وافقتي ومينفعش تيجي بعد كده تمني عليه

مين قال اني باشتغل عشان هوا مش قادر يصرف عليا
هوا واخدني باشتغل
ولو فرض اني باشتغل مش عشان اساعده عشان نعيش عيشة افضل مش عشان هوا اللي يعيش عيشة افضل
ولو مش قادر يصرف عليا يبقى مش ذنبه ماهو انا ممكن اخده غني ومعاه فلوس و يتعسر يبقى اطلق منه عشان مش قادر يصرف عليا؟؟؟

و انا مش بامن عليه ولا حاجة زي ما سيادتك بتقول .. المفروض اني شريكة في كل حاجة
ينفع انت تبني بيت طوبة طوبة وتتعب فيه وتعرق و اول ما تخلصه وتيجي ترتاح تلاقي اللي جايلك عالجاهز يشاركك فيه ويقول لك زيي زيك ؟؟

هوا لما الواحدة تتمسك باستقرارها تبقى اجرمت


وزي ماقال احد الأخوه قبل كده ان الستات تخلو عن الفطره اللي فطر الناس عليها وسابو بيوتهم اللي ربنا امرهم يقرو فيها ونزلو الشغل وزاحمو الرجال وبالتالي بقو شايفين انهم لايقلو عن الرجال وانهم مينفعش ازواجهم يتجوزو عليهم عشان كده

مين قال كدة
انا واحدة من الناس متضايقة من شغلي بس اتعودت على الدخل اللي بيوفر لنا حياة افضل مش معنى كدة انه مش قادر يصرف عليا .. وهوا مش غاصبني على الشغل وكذا مرة طلب اني اقعد .. هوا حد يكره الراحة ..

للاسف الشديد احنا بناخد من الشرع الحقوق وبنهتم اوي اننا نستفيد منها كاملة
وبننسى اغلب الواجبات

انا خايف كمان شويه الاقي ستات تطلع تقول احنا مش اقل منهم ولازم احنا كمان يبقي لينا جوز تاني وتالت ورابع

المشاركة الأصلية كتبت بواسطة s a m a

على فكرة احيانا الهروب من اماها الى ان تهدا دى بتزود عصبيتها مش بتهديها :))

شوفتوا
جبتش حاجه من عندى!!!!


تمشى من ادامها عشان تهديها - يبقى الرد انك تزود عصبيتها
تقف عشان تتكلم يبقى بتعصبها
تتخانق تبقى بتعصبها

فى العموم اى حاجه الواحد هيعملها هتزود فى عصبيتها

الواحد يعمل اللى يجى فى دماغة و ربنا يسترها

شايفين

المشاركة الأصلية كتبت بواسطة s a m a

هو انا حضرتك اللى قولت ولن تعدلوا
ده كلام ربنا برضه مش من عندى
واللى شايف فى نفسه القدرة على الانفاق والعدل يتجوز
وميهموش من الزوجة ما دام بيرضى ربنا
وزى ما بتستخدم حقك اللى ربنا اداهولك فى انك تتجوز
متمنعهاش تستخدم حقها فى الطلاق او الخلع

أختي الكريمة

أعتقد فهم حضرتك للآية غير صحيح

لما نزلت آية التعدد الأولى وجاء فيها تعحذير من الله سبحانه وتعالى لمن يريد التعدد أن يضمن العدل فقال سبحانه وتعالى: بسم الله الرحمن الرحيم "فَإِنْ خِفْتُمْ أَلاَّ تَعْدِلُواْ فَوَاحِدَةً" صدق الله العظيم

مجتمع الصحابة مجتمع حريص على رضا الله سبحانه وتعالى والصحابة رضوان الله عليهم هم أكثر المسلمين خوفا من الله فتجنبوا التعدد مخافة الوقوع في المحظور ظنا منهم أن العدل يجب أن يكون مطلقا أبدا

فنزلت الآيات الأخريات وفيها : بسم الله الرحمن الرحيم : "وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ " صدق الله العظيم

وهذا تعليم من الله لنا أن الإنسان لا يستطيع أن يعدل عدلا مطلقا في كل شئ وكل لحظه وأن المطلوب هو العدل المستطاع وليس العدل المطلق

لكن أكيد لو أن المطلوب هو العدل المطلق وأن فهم حضرتك للآية صحيح وهو أن الله يقر أن الإنسان لن يستطيع العدل المشروط عليه في التعدد
فلماذا أحل الله له التعدد طالما أنه سبحانه وتعالى يعلم أنه لن يستطيع أن ينفذ شروطه ؟؟!!




ثانيا : حضرتك بتتكلمي على حق المرأة في الطلاق وكأنه حق مطلق

الرجل تحمل أعباء الزواج ومن حقه الطلاق لو كره وهذا الحق مقيد بأمرين

أولهما أن يكون متضرر وغير متعسف في طلاقه ولو لم يكن في حاجة إلى الطلاق واستحالة من العشرة فإن الله سبحانه وتعالى سيحاسبه حسابا عسيرا على ذلك وقد حذرنا رسول الله صلى الله عليه وسلم من الرجال الذواقين الذين يتزوجون ويطلقون بغير حاجة ملحة

وثانيهما أن الرجل إذا أقدم على قرار الطلاق فعليه أن يتحمل الأعباء المادية سواء بخسارته ما قدمه قبل وأثناء الزواج أو ما يترتب على الطلاق من حقوق للمرأة

والحاجات المادية دي قد تكون بالنسبة لك أو لأي موسر أمور بسيطة وغير حاسمه لكن البعض تمثل له تحويشه العمر بل ويظل عليه حقوق يدان بها في المستقبل

أما من الإنسانية فالرجل الذي يرغب في التعدد قد لا يكون كارها لزوجته ولذلك فهو يريد أن تعيش معه ويحبها ويحتاج إليها ولكنه يحتاج إلى إمرأة أخرى وهذا ما قلنا إنه حقه

وبالنسبة للمرأة فالطلاق ليس أمرا هينا زي ما حضرتك بتقولي إنها تتطلق وتشوف طريقها مع حد تاني
لأن غالبا بيكون عندها أولاد وعلاقة الأم بأولادها زي علاقة القطة باولادها هي تعتبرهم قطعة منها ولا تسمح لأحد أن يقترب منهم ولو حتى ليقدم لهم مساعدة أو طعام
وأكييييييييد عمليا فرص المرأة التي لديها أولاد في الزواج قليلة
وفيه نقطة تانية حضرتك مش واخدة بالك منها وهي إن زوجها الحالي ممكن يكون مناسب جدا لها وممكن تكون بتحبه ومرتبطه بيه وهو كل شئ في حياتها وممكن ما ترتاحش مع حد تاني وده غالبا اللي بيحصل حتى لو اتجوزت واحد كويس ومواصفاته أعلى من زوجها السابق وده نادرا

أنا بأكلم بكل عقلانية وعلى أساس إن الرجل والمرأة كل واحد بيفكر في مصلحته

لأن حضرتك بتفترضي إن مجرد تفكير الرجل في الزواج على زوجته فده معناه إنه ما يهمهوش مصلحتها ومش هيبكي عليها
أنا أؤؤكد لحضرتك إن غاااااااااااااااااالبية الرجال يتمنون الزواج على زوجاتهم
وأن السبب الرئيسيييييييييي في منعهم هو خوفهم على مصير زوجاتهم وخصوصا لأن المرأة المصرية متشربة فكرة أن ( قبر يلمه ولا حرمة تضمه ، وجوازته ولا جنازته )

وأنا أتذكر إمرأة كانت باعته قصة للكاتب الراحل عبد الوهاب مطاوع رحمه الله - وهي تحكي له أنه قد حدثت بينها وبين زوجها مشادة بعد أن علمت برغبته في الزواج عليها وأخذت تدعو عليه بالموت وبعدها بوقت قليل توفاه الله في حادث
وأخذت تقول في قصتها كيف إنها تتمنى أن يعود لها زوجها وأن يتزوج عليها ما شاء


وعلشان كده اللي مش واخدين بالكم منه في موضوعي إني سألت أسئلة للنساء بخصوص هل لو كان موضوع التعدد في مصلحتهم سواء المرأة الغير متزوجة أو المرأة التي سيتزوج عليها زوجها
هل هيوافقوا ويعملوا العقل

ولا ضعف الشخصية هو اللي هيسيطر وخوف المرأة في مصر من أن يقال عليها خطافة رجالة أو أن يقال جوزها اتجوز عليها لييييييييه - ونلاقيها ترفض الزواج من شخص متزوج ولو في مصلحتها أو تطلب الطلاق من زوجها رغم إنها عايشه عيشه كريمة ما تحلمش بيها غيرها




موضوع إن الست بتساعد الراجل فانا سمعت من قول عن الإمام ابن حزم معناه أن الله قد أمر الرجل الموسر أن يوسع على زوجته وعياله فكان بالمثل على المرأة الموسرة أن توسع على زوجها

الحياة الأسرية مش حساب بالمسطرة وأنا صرفت على مراتي كام وهي جابت إيه

الموضوع إن كل واحد بيحاول يوفر حياة أفضل للآخر ولا يقول المعاملة بالمثل

يعني أنا زوجتي لو عاملتي كويس أو وحش هأصرف عليها وهأجيبلها كل ما أستطيع ولو فيه مشاكل وعايشه عند بيت أبوها

والراجل في رأيي لا يفرض على زوجته العمل ولكن لا تكلف المرأة الرجل ما لا يستطيع من مصروفات ولو هي مش مستحملة ظروفه إما تساعده بإنها تبحث عن وظيفة محترمة لا تخل بها ولا تخل بمسئولياتها ولا أنوثتها أو إنها تخلعه وتبحث عن حياة أفضل

وأقول هنا تخلعه مش تطلب منه الطلاق لأن الرجل لم يقصر ولم يأخذ منها حق ليس من حقه
فمش معقولة تاخد كل ما يملك وتقوله فكك مني وتدور على مصلحتها بفلوسه - مش كده ولا إيه


الشيخ القرضاوي ربنا يتقبل منه ويقبله كان بيقول ( جائتني إمرأة تسألني وتقول زوجي رجل شديد الحرارة وأنا إمرأة شديدة البرودة فماذا أفعل - فقلت لها زوجيه - ابحثي له عن زوجة بنفسك تكون مناسبه للحياة معك ولا تسئ إليكي - لماذا تدفعيه لكي يمشي في طريق خاطئ أو أن يعيش معكي تعيس )

أنا بأقول الكلام ده للأخت الكريمة اللي بتقولي إن فطرة الله في الرجال طفاسة
يا أختي الكريمة طبيعة الرجل غير طبيعة المرأة
المرأة في علم الإجتماع يقال إنها لا تحب تقلب الوجوه - وهذا تعبير محترم ومعناه كبير
أما الرجل فتفكيره وميوله ورغباته ومشاعره مختلفه
المرأة تعتبر زوجها هو كل حياتها أما الرجل فيعتبر زوجته أهم قيمة في حياته لكن هناك امور أخرى كثيرة بجانبها
المرأة حاجاتها مختلفة عن الرجل
الرجل حوله في هذا الزمن إثارة لا تحتمل



ونرجع تاني وأقول لحضراتكم هل التعدد في مصلحة المرأة ولا لأ وده المهم هنا

غالبا الرجل ما يبحث عن إمرأة بكر لم يسبق لها الزواج
حتى الرجل الأرمل أو المطلق او المنحرف يحرصون غالبا على الزواج من بكر خوفا من فشل تجاربهم القادمة ولميل الرجل الجرب إلى هذا الأمر
والرجل البكر أكيد بيكون أشد حرصا على ذلك
طيب إذا لم يكن هناك تعدد يزيد من طلب عدد الرجال الراغبين في الزواج ويزيد من عدد الشرائح التي يطرقون بابها فالمرأة المطلقة والأرملة وذات الحاجة وكبيرة السن من ينظر إليها
هل نحكم عليهن بالعنوسة الأبدية

هل نحكم على المرأة المتزوجة من زوج فاسد ولا يحتمل أن تتحمله وتعيش في تعاسة وجحيم لأنها لو طلقت منه فلن تجد من ينظر إليها لأن المجتمع عندنا يرفض فكرة التعدد

كل إمرأة متزوجة حاليا غاااااااااااااالبا ما ستصبح في الغد إما أرملة أو مطلقة فهل سيكون رأيها في التعدد أنه جريمة لا تغتفر إذا وقفت نفس هذا الموقف في الغد أم أنها سترى أن التعدد هو رحمة للعالمين وستدافع بشدة عن زواج الرجل ولو بغير حاجة أو بغير تقصير من زوجته

أكيد التعدد هو في مصلحة الرجل إذا أحسن التجربة
وأكيد هو في مصلحة المجتمع
وأكيد في مصلحة الزوجة الثانية حتى وإن كانت المرأة في مصر تخشى من نظرة المجتمع

لكن هل هو في مصلحة الزوجة الثانية ؟؟ هذا ما نريد إجابة عليه من ضمن أسئلة ورقة الإمتحان



أما موضوع إن الرجالة ما عندهمش القدرة يفتحوا بيت لما يفتحوا اتنين
فانا أقول لحضراتكم اللي شايف نفسه مدهوك ومش قادر فأكيد مش هيقدم على كده

لكن فيه ملاييييييييين من المصريين عندهم القدرة المادية والرغبة في التعدد لكن خايفين من هدم المعبد رغم إنهم ممكن يطلعوا بره المعبد ويعيشوا حياتهم مع الزوجة التانية والأولى تخبط دماغها في الحيط زي الأخوات الكريمات ما قالوا هنا

وفيه ملايين من المصريين رجال اعمال متجوزين عرفي من السكرتيرات أو حتى عايشين حياتهم من غير ورقة العرفي الموقرة !!!!!!

غير إن فيه ستات في مصر محتاجين راجل فقط بدون أي ماديات أخرى ومستعدين يتجوزوه ولو زواج مسيار ويمكن كمان يساعدوه في حياته الأولى ماديا او تكون محتاجة زوج أمين يراعي مصالحها ويسأل عليها بدل ما هي عايشه وحيدة مقهورة






العالم كله يبحث عن حلول لمشاكله بما يتفق مع مبادئة

العالم الغربي يقول إن الإنحلال هو الحل
الحل الأمثل عندهم أن الرجل والمرأة يعيشون حياتهم بلا قيود ويتقابلون متى أرادوا ويغيرون العلاقات كلما أصابهم الملل ولا يرون في ذلك عيبا
بل فيه جمعيات هناك في الغرب لكي توفر لمن يفشل في الحصول على علاقة فيساعدونه في البحث عن الشريك الذي يناسب طموحاته ورغباته وقدراته المادية وفترات المقابله

هذا نوع من التقدم والعلمانية أحسدهم عليه
لا أحسدهم على أفعالهم لأني أرفضها والحمد لله ولكني أحسدهم على أنهم يبنون نظاما يتناسب مع مبادئهم الفاسدة !!!!!!!

في إيران والعراق يستحلون زواج المتعة ويقولون قاعدة فقهية غريبة ( كلما زاد تمتعك كلما زاد تقربك إلى الله ) هههههههه
ووصل الأمر بوزير الداخلية الإيراني أن يعتلي منبر خطبة الجمعة وينصح الشعب الإيراني بنشر فكر المتعة لأنه الحل الوحيد مشلكة تورط نسبة كبيرة من الشباب الإيراني في الفاحشة !!!!!!

زواج المتعة هو في رأيي مثل الدعارة القانونية لا أقل ولا أكثر

لكن الجيد أنهم يبحثون عن حلول تتناسب مع معتقدات شعوبهم ومبادئه


أما نحن في مجتمعاتنا النظيفة العفيفة التقية النقية فإننا نحرم ونضيق على أنفسنا الحلال
فالمرأة تقول لزوجها لو فكرت في الجواز علي تعمل حسابك إنك هتطلقني قبلها وتنسى إنك تشوف عيالك تاني

والقانون يطلب من الزوج ان يأتي بموافقة مكتوبة من زوجته بزواجه من إمرأة أخرى وإلا فإن المأذون سيخطرها على مسكنها ويحق لها طلب الطلاق وأخذ كل حقوقها بما فيهم أولاد المسكين


الإعلام كله يثير الغرائز ويحض على الرزيلة ويصور الشهوات بأنها متعة وليست حراما

وحتى لما المجلس الإسلامي العالمي أباح زواج المسيار والزواج بدون سكن زوجية قائم ( زواج الفرند ) فالمسلمين عندنا خربوا الدنيا وكأن المجلس الإسلامي أتى بهذا الكلام العجيب من دماغهم


تقبلوا تحياتي