الموضوع: galaxy s 2

بما انى من مقتنى التليفون ده ...... و بما ان Tarek Gen 2 راجل ثورى يعنى صاحبى و حبيبى و كفاءة

التليفون جبته من اسكندرية هنا عندنا ب 4400 جتيه بضمان يونيون جروب

الضمان سنة شاملة الأستبدال فى أول 14 يوم

قلت خلينى فى المضمون أحسن خصوصا ان ده أغلى موبيل جبته فى حياتى

الموبيل رائع فعلا ...... و البطارية زى ما قال شهدى بالظبط مش سيئة للدرجة دى أبدا

بس ظهر عندى عيب فى الجهاز ...... بصراحة ما كنتش ناوى أقول عشان اللى اشترى و مش واخد باله من العيب ده و مش فارق معاه ...... ما عكننش عليه

أنا بحب القراية و كنت بستخدم التليفون فى قراءة e-books كنت بضلم نور الأوضة بليل و قلل الbrightness بتاعت الشاشة على أقل حاجة ..... و أعيش

بس لاحظت ان لما الخلفية بتبقى بيضاء ...... ان فيه زى ظل أو tint لونه أصفر فى الربع الأخير الشمال فى الشاشة بالطول

تجارب كتير بقى ...... اتأكدت ان العيب موجود بس مش بيظهر لما تبقى الbrightness عالية ...... بتظهر بس فى أقل brightness و خلفية بيضاء غير كده مش ملحوظة خالص فى أى وضع تانى

اضايقت طبعا ...... دورت على النت لقيت العيب معروف و اسمه yellow tint on left side of the screen

خدت الموبيل و طلعت على التوكيل و كان الموبيل لسه فى ال 14 يوم بتوع الأستبدال

التوكيل زى ما وصفه زميلنا أحمد نوح فى الموضوع ده بالظبط

http://www.nilemotors.net/Nile/182448-a.html

أقل ما يوصف بيه انه توكيل زبالة ...... عموما خدوا التليفون و قالولى حنستبدله خلال 10 أيام

ولسه ال 10 أيام ماخلصوش ..... لما نشوف حيصدقوا ولا ايه

عشان كده و انت بتشترى الموبيل أنصح بشده بتشغيله و التفتيش فيه كويس أوى ...... خصوصا لو حتجيبه من غير ضمان

الضمان أفضل ..... حتى لو زبالة بس على الأقل بتلاقى حد تمسك فيه بعد كده لو حصل حاجة لا قدر الله

طيب انت عرفت تمن النوت بكام ؟؟؟؟ لاني مش عارف سعره
انا كنت ناوي تماما علي اس2 بس بعد ماشفت النوت , حبيته اكتر وافضله بالنسبالي

ملحوظه هامه فى خلال اشهر ......... حينزل Galaxy S III

من مشاكل الجالاكسي2 غير البطاريه (لاني مش شايفها مشكله) انه بيسخن مع الاستخدام وخصوصا لو فاتح برنامج كبير زي لعبة مثلا او بتتكلم فتره طويله او ما شابه

لكن بصراحه هوا جهاز جبار وممتاز وتقي جدا
وافضل شرائه بالضمان .... لان الضمان الدولي ليس بضمان ولا معترف بيه فى مصر