الموضوع: تقييم افيو 2012

أنا ما ركبتش افيو

لكن أنصحك باللوجان عن تجربة شخصية



و ربنا يوفقك لافضل

المشاركة الأصلية كتبت بواسطة ayman1204

لوجان وش ( والله العظيم واحد صاحبي معاه افيو وكره اليوم اللى جاب فيه الافيو ومجبش فيه اللوجان لما خليتوا يسوق اللوجان

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
dacia logan : Informatii dacia logan
نوع العربية

preference 1.6 mpi 90 cp

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط renault logan وروسيا
فى رومانيا والبرزيل وامريكا الجنوبية dacia logan
فى الهند mahindra renault logan
فى اليابان nissan aprio
tondar 90 فى مناطق بدول العالم

دى فيدوهات ليا بالعربية
logan 180 km/h with 6 passenger [1] - youtube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
logan 180 km/h with 6 passenger [2] - youtube

واتفضل اسال فى اى وقت
ودا قسم اللوجان بالمنتدى
http://www.nilemotors.net/nile/forum149/

قبل كل شياء الله ينور عليك وعلى سردك للموضوع والرد بجد انت اكيد ناجح في عملك ومشــــــــــكوووووور
بس انا مرة وحدة سقت اللوجان وحسيت انها قديمة شوية حاجة كدة زي الشاهين
وخايف من صوت الموتور العالي وشوية يقولوا تكيفها ضعيف بس كل المزايا الي انت قلتها كتير سمعت تقييد ليها على اي حال انا شاكر لكم جميعا على اهتمامكم

بص يا باشا انا معايا افيو من 2007 ومغيرتش فى العربيه حاجه غير الصيانه الدوريه بتعتها العربيه كويسه جدا وحتكون راضى عنها جدا لو ملكش فى الجرى بالعربيه
سحبها مش ضعيف ولا قوى عاديه اللوجان قطع الغيار غاليه جدا وفيها زى متقال اوبشن بس وضعها فى العربيه غريب وغير مريح وغير حديث تحس انها قديمه بالنسبه لعيوب الافيو من العفشه بتعتها انت محتاج تغير بس كوتش العربيه بكوتش نضيف ومش حتحس بالعفشه زى الاول
بس فرق الفلوس بين الفول اوبشن الافيو واللوجان اكتر من 10000 جنيه
وده فى الاخر يرجع ليك والفرق فى السعر بين الاتنين انت اولى بيه لانه فرق مش صغير

المشاركة الأصلية كتبت بواسطة hanyeng

افيو ميه ميه وسيبك من الناس هات افيو واوعي تجيب لوجن خالص

مش عارف انت الوحيد اللى فى مصر قال على الافيو مية مية مش عارف باة مية مية دى بالمقارنة بأية بالظبط

بس هى عموما اللوجان احسن فى كل حاجة

عفشة انعم واقوى بمراحل
صاج انشف واتقل
موتور اكبر واقوى وفرنساوى مقابل موتور اللانوس اللى فى الافيو
تكييف احسن الافيو من اسوء تكييفات مصر عن تجربة فى اكتر من افيو
سى سى 1600 مقابل 1500
وسع داخلى بحر مقابل وسع عادى فى الافيو
شنطة اكبر تشيل فيل ومراتة وعيالة
فرامل احسن
توب سبيد نتيجة ال سى سى الاعلى
تسارع برضة نتيجة السى سى الاعلى
هورس باور 90 مقابل 83 فى الافيو
جنوط اكبر 15 مقابل 14 فى الافيو
اوبشنز اير باج وكمبيوتر رحلات مش موجودين حتى فى اعلى فئات الافيو اللى اغلى من اللوجان باكتر من 10 الف جنية

مش فاهم الافيو ممكن تكون احسن فى اية

وتقلى فى الاخر تدفع اكتر فى لوجان هاف اوبشن لييييييية