نقاش عـــام لخبراء ميكانيكا اللادا بخصوص الفرامل

**a7madramadan** · 15-09-2011 02:43 AM

السلام عليكم ورحمة الله و بركاته

أنا دائما بادول على تعديلات للعربية بحيث تعمل فرق كويس للأداء ..

الأداء بالنسبالي مش سرعة وبس أنا عارف ان العربية ثقيلة و أحيانا مش باحس بالأمان مع الفرامل البطيئة الموجودة فاللادا ..

قبل ما أتكلم في التفاصيل انا مش خبير في موضوع الفرامل ومكوناتها الخ الخ فممكن تلاقوا في كلامي حاجات غلط اساسا

أنا مش عارف من الأساس نوعية الفرامل في العربية بتنزل ايه ...

أنا لقيت ان في تعديلات بسيطة اننا نغيروا لديسكات مخرمة و فرامل Brimbo أصلية الفرامل أدائها هيبقى خرافي ...

الموضوع ومافيه ان لكل عربية مقاساتها ... ومش عارف امكانية تركيب حاجة زي دي في اللادا بالعلم ان عربيتي 2107 -2009 ...

هل في حد هنا عنده معلومات بخصوص الموضوع ده ؟

مستني آرائكم الكريمة وأفكاركم العبقرية و جزاكم الله كل خير

**mohamed2002** · 16-09-2011 02:11 PM

حضرتك كنت تحط الموضوع في قسم الورشة افضل

**إبراهيم المصرى** · 16-09-2011 09:59 PM

المشاركة الأصلية كتبت بواسطة mohamed2002

حضرتك كنت تحط الموضوع في قسم الورشة افضل

فعلا علشان تلاقى حد يعرف يرد رد مفيد والفائده تعم

**a7madramadan** · 17-09-2011 01:36 PM

حطيته عالورشة .... أستاذ محمد ممدوح قالي انسى :(( اللادا عفشتها تكنولوجيا قديمة قوي وماينفعش تتعدل الى حد ما ... شكرا لتجاوبكم عموما الي يعرف اي حاجة عن تعديلات الفرامل للادا يقول ومايبخلش علينا

**mrastra** · 18-09-2011 09:56 AM

طب ما الـ 125 قديمة ونفس نظام اتعليق اللى فى لادا ومع ذلك الفرامل الخلفية بتعتها سكاكين او دسكات مش طنابير
وادام فرامل لادا هى هى نفس فرامل اى عربية فى الدنيا بدون abs انما لادا فيها حاجة غريبة عن باقى العربيات وهى ما يسمى بالضفضعة .......حضرتك لو خليت بتاع الفرامل يلغيها هتحس بفرق فى الفرامل كبير والشغلانة على بعضها حسبة 15 جنية
وجرب ورد علينا وربنا يكرمك ان شاء الله

**a7madramadan** · 20-09-2011 03:10 PM

مش فاهم يا مرسي يعني ايه ضفضعة ؟؟؟؟ الكلمة بتضحك و مش فاهم :) ... هل ليها وظيفة معينة ؟ هل واخدة مساحة كبيرة بين الجنط والعفشة بحيث اني ممكن اغير الفرامل لنوع افضل بدون مشاكل بس اشيلها ؟؟؟

**mrastra** · 22-09-2011 12:42 PM

لا الضفضعة دى تقدر تقول عاملة زى المشترك داخل وخارج اما بتتشال الفرامل بتتحسن كتير ومكانها مش فى العجلة وانما على الكارونا داخل لها مواسير الفرامل وخارج منها مواسير للعجل

**a7madramadan** · 22-09-2011 05:10 PM

تمام يـــا مرسي لما هانزل بالعربية الصيانة هأشوف هيقولوا ايه فالموضوع ده .... وشكرا على زوقك واستجابتك للاستفسار :) و تقبل تحياتي ...

**abokoko** · 14-10-2011 05:01 PM

المشاركة الأصلية كتبت بواسطة thediesel

تمام يـــا مرسي لما هانزل بالعربية الصيانة هأشوف هيقولوا ايه فالموضوع ده .... وشكرا على زوقك واستجابتك للاستفسار :) و تقبل تحياتي ...

متابع -- وهنتظر رد حضرتك علشان اعرف فى التوكيل رايهم ايه

لانى عندى الفرامل بلاقى مسافه بين الدوسه والمسكة
وغيرت التيل الامامى \وغسلت الفرامل ورا وامام \ واخدت هوا \
والفرامل برضه مش عجبانى خصوصا انى سقت عرية قريب لى لادا وكانت مختلفة بالكامل فراملها كانت على الشعره زى ما بيقولوا
لدرجة انى كنت شبه بفرمل لما احب اهدى

**mehmehelnono** · 15-10-2011 01:46 PM

استعمل زيت فرامل نوع كويس في نوعية الماني dot 4 وكمان في نوعيات dot 5.1 بس انا مشفتهاش هنا احسن من 4

الموضوع: نقاش عـــام لخبراء ميكانيكا اللادا بخصوص الفرامل

LinkBack

أدوات الموضوع

عرض

نقاش عـــام لخبراء ميكانيكا اللادا بخصوص الفرامل - انشر الموضوع فى :

-

-

-

-

-

-

-

المواضيع المتشابهه

لخبراء ميكانيكا السيارات

نقاش بخصوص سوبارو

سؤال لخبراء اللادا

سؤال لخبراء اللادا بخصوص الاسبراتير

الكلمات الدلالية لهذا الموضوع

المفضلات

المفضلات

ضوابط المشاركة