العربيه ركبها عفريت بس الحمد لله مشي

**abokoko** · 17-12-2011 10:26 PM

امس خرجت مع الاسره والعربيه كانت تمام وبعدين فجأة مع التهديه فى مطب بطلت
ركنت على جنب وعملت فيها ميكانيكى
احمد ابنى يشغل المارش وانا ابص على الموتور واجرب مره ازود بنزين من جوه ومره ادوس على اسلاك البوجيهات وفكيت العمه وجبت شويه بنزين وحطيتهم فى الكربراتير وغيرت فلتر البنزين وكله ولا فائده
اتصلت بالميكانيكى
1= خلانى افك سلك بوجيه واحد واجرب مارش وهو مقرب من جسم العربيه
ولم يكن فى شرز
2= قلى فك وش الاسبراتير وسنه مارش لقيته بيلف
3= اشرز بسلكه ما بين سلكتين الموبينه وما لقيتشي شرز
4= سلك من الموجب للموبينه واقربه من جسم العربيه او اى معدن وبرضه ما فيش شرز
5= امد طرف سلك من الموجب للبطاريه للموجب من الموبينه واشغل
والحمد لله اشتغلت وبعديها فصلت السلكه
ورحت للمكانيكى وهى شغاله وبطلت ودورت عادى جدا
قال لى اروح بيها على الكهربائي يراجع الاسلاك من الكونتاكت الى الى الموبينه
العربيه من امس الى الان كويسه وانا مكسل اروح للكهربائي لانها شغاله
كانى كان عليها عفريت والحمد لله انصرف ومشي
بس قلقان اولا لانى مش عارف سبب اللى حصل ثانيا لانى خايف لتبطل تانى

**mrastra** · 18-12-2011 10:23 AM

ممكن يكون فيوز الموبينة كان متحرك من مكانة شوية

**abokoko** · 18-12-2011 03:17 PM

اتمنى ذلك وعموما حتى اليوم الحمد ما فيش حاجه

**ahmed_gamal777** · 20-12-2011 06:45 PM

استن تانى فى حالة بزوغ المشكلة ركز معها عشان تعرف المشكلة من اية عشان لم تروح لكهربائى يصلح صح
مش اشتغالة

مرة كنت بغسل الماتور (مدمن غسيل موتور وكل مرة تنزل السيارة من على الهيدروليك بمصيبة شكل)
المهم سوسن حلفت ماهى شغالة (سوسن دى العربية بتاعتى)
خربت الدنيا فىالمغسلة وعشان صاحب المغسلة جارى ومرديش يزعلنى فورا اتصل بميكانيكى دليفرى
جة بعربيتة 132 وفية ورشة متنقلة
المهم الاستاذ طلب تغير شاكوش اسبرتيرا وغطاء اسبرتيرا والحمد للة عمل قفلة فى الدفيرة وكان هيولع العربية
وفى الاخر روحت لكهربائى عشان يراجع الضفيرة كويس ويشوف السك الى ضرب فيها
وكانت اغلى غسلة (حوالى 150جنية)
ودا بسبب عدم تغطية الاسبرتيرا والعفريت اللى بيركب العربية من ان الى اخر
المهم استنة المشكلة تحصل تانى وركز كويس فى العطل عشان متقعش زى اخوك فى حاجات ملاهش دعوة بب بعض

**abokoko** · 20-12-2011 08:50 PM

ربنا يخلي لك -- سوسن --
هى لادا سمارا ؟

على فكره انا بقيت بكره غسيل موتور السياره وحتى غسيل السياره نفسها
غسلت الموتور والمشكله عدم اضاءه الانوار الاماميه
والحل تبين سلكة ارضى فلت

غسلت الموتور
درجه الحراره رافعه وثابته والمروحه مش شغاله
مياه على الفيوز
والحل رش هواء بكمروسر واتحلت المشكله

غسلت الموتور
بعدها زاد صوت مجموعه الدبرياش وفى خلال يومين غيرت الاسطوانه والمجموعه كلها

غسلت العربيه
وانا بنشف العربيه لقيت نقط مياه بدات تنزل فتحت الموتور لقيت التنقيط من الامام
غيرت طرمبه المياه

ده اللى فاكره

**ahmed_gamal777** · 21-12-2011 11:49 AM

سوسن يا استاذ 2107موديل 2010 وسوسن كدة حاف
من غير الحاجة سوسن او الاخت العزيزة سوسن
هههههههههههههه

**abokoko** · 21-12-2011 03:05 PM

ربنا يحفظ لك سوسنتك اقصد الحاجه سوسن
هههههههههههههههههههه
الحمد لله الذى اكرمنا وانعم علينا بنعمه السيارة
بها نحفظ كرامتنا من المواصلات العامه ونقضي حوائجنا بيسر
وربنا يحفظها لنا جميعا