سؤال لخبراء اللادا بخصوص الاسبراتير

**HRH_Sameh** · 03-05-2009 12:27 PM

من المعروف مميزات وعيوب الأبلاتين والكوندينسر والاسبراتير الالكتروني

هل من الممكن تغيير نظام الاشعال في اللادا 2107 لتكون بنظام الاشعال الالكتروني (مشط اسبراتير)
مدى امكانية عمل هذا التغيير؟
جدواه الاقتصادية واعتماديته؟

وشكرا مقدما على الافادة

**HRH_Sameh** · 07-05-2009 01:04 PM

شباب . . .
الخبراء بتوعنا فين؟
هل من مجيب؟؟!!

**a_sabeq** · 01-07-2009 04:23 PM

ممكن تغيره، على حسب كلام الميكانيكي بتاعي، بس على فكرة، الاسبراتير الأليكتروني أعتقد إنه هيبقى صعب تظبطه في اللادا لأن زاوية لف الاسبراتير اللي بتتحكم في الاشعال كبيرة ، ومتهيألي الاسبراتير الاليكتروني مش هيجيبها.. وبعدين أي خلل في كابل البطارية أو سايب بيحرق الاسبراتير على طول

**x_gomgom** · 01-07-2009 04:54 PM

اولا احب اوضح حاجه:
الاسبراتير الالكتروني مزاياه تفوق عيوبه. موفر للبنزين و بيريح الدماغ ههه..
مفيش بقا قصه الابلاتين لدع او الكوندنسر وحش و كدا.
و طبعا اللي يركبهولك لازم يكون كهربائي ممتاز عشان ظبطته مش سهله....
و لازم تجيب المشط الاصلي بتاعها و الالكتروني يتاعها و طبعا الموبينه الالكتروني بلاش حكايه التوفيق دي عشان عمره ما هتتظبط (ناش بتقول هي هي الفيات... اوعي)
لكن نصيحه من اخ لو العربيه مش نازله بيه بلاش لعب و تعديل.... انا جربت دا في عربيتي البولونيز القديمه و عشت ايام حلوه بيه و سنييين سودا..
ارجو اني اكون افدتك... و ربنا يوفقك

**x_gomgom** · 01-07-2009 05:00 PM

انا معايا دلوقتي الادا 2017 موديل 2008. مفيش لادا نازله جديد اشعال الكتروني الا النجكشن فقط لا غيير.
كمان نسيت اقولك عشان تبقي منظومه الالكتروني كامله لازم يكون الكربراتير مجهز انه يقبل بك سلانسيه الكتروني عشان تضمن احسن معدل استهلاك و حرق للبنزين و متلفش حوالين نفسك وانت بترخص عشان العادم مش هيطلع مظبوط خالص (في دلوقتي فحص البيئه).

**HRH_Sameh** · 02-07-2009 09:11 AM

شكرا لكل الشباب اللي ردت

وبعد السؤال تم التوصل للآتي:-
أولا في تاس كتير عاملة الكلام ده في عربيات لادا وشغال كويس والعهدة ع الراوي - كهربائي شاطر راحله صديقي والكلام ده على لسانه - :
بيجيب اسبراتير الكتروني كامل شاهين (في حدود 390 جنيه) أو استيراد (250 جنيه) وبياخد شغل خراطة عشان السن يطابق الموتور
مخرطة (20 جنيه) ومصنعية (50 جنيه) ويتم عمل تظبيط للكربراتير مع الاسبراتير

وأي خدمة

**x_gomgom** · 08-07-2009 01:50 AM

العمليه ذي ما قولتلك قبل كده....
كل المشكله في حكاية توفيق اللي قولتهالك.... حته الشاهين دي القلق منه زي ما قلتلك (انك تجيب اسبرارتير و تعدل فيه دا غير موضوع المشط) في كشف البيئه عشان تظبط الحرق كويس.....
بس نصيحه برضه بلاش لعب فيها....
و ربنا يوفقك