العربية بتعمل باك فاير عند التبطيل

**hamzamahmoud** · 17-09-2011 08:07 PM

لكل خبراء الابيزا العربية عندى بعد ما كنت باستخدم بنزين 92 استخدمت بنزين 80 وفجأة بدات العربية تعمل باك فاير عند لما اجى ابطل العربية بس مش باستمرار المهم فرجعت احط 92 تانى لاكن مفيش فايدة روحت للميكانيكى قالى الكاربيراتير روحت عملت الكاربيراتير فى شبرا باب واكس وجلب وبك سلانسية ولما رجعت رجعت تانى تعمل الباك الفاير فرجعت تانى لشبرا قالى الكاربراتير فية بنزين زيادة وعملوا بس واطى العربية وبعد شوية العربية عليت تانى ورجعت تعمل الباك فاير اروح للميكانيكى علشان يظبط العربية يقولى الكاربراتير بيعلى ويوطى عايز يتظبط مش عارف اعمل اية وواحد يقولى الكهربا خالفة هى ايلى عايزة تتظبط ياريت لو حد يقدر يفيدنى فى الموضوع ده

**ahmedtunning** · 18-09-2011 12:02 AM

ربنا يهديك ان شاء الله للصح كان نفسي افيد والله بس خبرتي ضعيفه اوووي في الكربيراتير

**hamzamahmoud** · 18-09-2011 12:53 PM

متشكرين يا باشا كفاية انك اهتميت

**agaty1st** · 18-09-2011 12:58 PM

العربيه دي يا برنس و من الأخر و على مسئوليتي كاتينتها مش مظبوطه

**amrelsaqqa** · 18-09-2011 01:00 PM

اعتقد لو مشكلة كربراتير تعمل الحركة دى وهى باردة بس

وبالنسبة للكهربا ، لو عندك ابلاتين وكوندنسر تبقى مشكلة كوندنسر
وممكن تبقى خالفة تقسيمة درجة بسيطة جدااا

هى عاملة معاك ايه في السحب ؟

شوف بس موضوع الكهربا الاول قبل التقسيمة

**agaty1st** · 18-09-2011 01:17 PM

بص يا باشا انا برضه عربيتي أبيزا 94 كانت بتعمل كده بالظبط و انا كاتب موضوع شارح فيه ان العربيه كانت بتعمل معايا مشاكل كتير من ضمنها موضوع المدافع ده و كل المشاكل اللي كانت عندي بسبب أن الكاتينه كانت خالفه ولو ظبط الكاتينه المشكله دي هاتختفي و نصيحه كربراتير الأبيزا اللعب فيه كتير بيبوظوه فبلاش تلعب فيه تاني كفايه موضوع الأكس و الباب لآن الكربراتير ده أصلا مش بيتعمله أكس و باب انتا أكيد رحت في شبرا للناس اللي في الساحل
فعشان متدوخش نفسك أظبط الكاتينه أسهل

**hamzamahmoud** · 18-09-2011 02:22 PM

لا مبتعملش كدة وهى باردة طول ما هى باردة لو دورت وبطلت ما تعملش حاجة لكن لما تسخن تعمل كدة هى المشكله انها مابتعملش الباك فاير دة على طول ممكن مرة اة ومرة لا مش فى كل وقت اجى ابطل العربية الاقيها بتعمل كدة وبالنسبة للسحب العربية سحبها كويس ومتشكرين على الاهتمام

**hamzamahmoud** · 18-09-2011 02:28 PM

على الرغم من انى بستعمل بنزين 80 هلى ياثر معايا ارجع تانى لل92 ولا امشى كدة عادى

**ashoub** · 18-09-2011 10:04 PM

شوف يباشا علشان تريح دماغك روح لرشاد فى الحرفيين ده احسن واحد فى مصر بيظبط كربراتير الفولكس عموما وهو كهربائى وبيكشف كمبيوتر علشان مترميش فلوس فى الارض

**agaty1st** · 19-09-2011 08:43 AM

المشاركة الأصلية كتبت بواسطة ashoub

شوف يباشا علشان تريح دماغك روح لرشاد فى الحرفيين ده احسن واحد فى مصر بيظبط كربراتير الفولكس عموما وهو كهربائى وبيكشف كمبيوتر علشان مترميش فلوس فى الارض

ده يبقى عيب كربراتير في حاله واحده بس لو الموتور عالي جدا و rpm فوق 10 مثلا فتيجي تبطل العربيه متبطلش لكن العيب ده عيب كاتينه خالفه