الموضوع: رابطة ملاك كيا سبكترا وقطع غيارها

الواحد لو عايز يقيم العربيه اللي معاه من كل النواحي يعمل اه

العربيه دى ممتازه عدا الصاج وقطع الغيار

صباح الفل على الإسبكتراوية

يا جماعه عايزن نفتح موضوع الاعطال يعنى حصل ايه معاك قبل كدا كان من ايه صلحته فين اشتريت قطع الغيار منين

انا ركبت جهاز إنذار في توكيل ولف وعجبني اوي وفيه كمان مانع سرقة او خطف السيارة كله على بعضوا بـ 250 جنيه عنوانهم جسر السويس اخر يمين قبل مزلقان قباء خلف سوق القنال الدولي

المشاركة الأصلية كتبت بواسطة mohamedkaouh

السلام عليكم , انا عندي سبكترا 2003 و كنت شاريهامن حد معرفه من قريب و كانت زي الفل من كل حاجه الحمدلله بس بقالي حوالي شهرين في مشكله في سحبة العربيه و تحس انها مكتومه وساعات قليله جدا تحس ان العربيه هتجري من تحت رجلي و تقريبا معدل استهلاك لبنزين زاد في الفتره ده , المهم كلمة قريبي و قاللي غالبا فلتر البنزين علشان بقاله فتره متغيرش والميكانيكي بصلي عليها وقال ابدا بسائل التنضيف في البنزينه و قوللي اخبرها ايه معاك و انا لسه نفس المشكله معايا بعد سائل التنظيف و ناوي اغير الفلتر لما اروح للميكانيكي ان شاء الله بس في ناس خوفوني من حساس الشكمان فهل ممكن حد يساعدني بخبرته في الموضوع ده ؟ مع العلم ان نسبة سحبة العربيه مش تعدي 10 % من مشاويري بالعربيه

انا تقريبا وصلت للمشكله , روحت لميكانيكي في اول فيصل اسمه الحاج بكر و قولتله على المشكله و قولتلو عايز افحص بالكمبيوتر فقالي طيب بس انا وجهة نظري ان ده مشكلة طرمبة البنزين ... المهم فحص فعلا بالكمبيوتر و لقى ان قراية طرمبة البنزين بتختلف كل مره عن التانيه قاللي اقفل و افتح الكونتاك و بعدين قاللي دور العربيه قاللي تمام المشكله اتحلت بس انت محتاج تغير الطرمبه بس مش لازم دلوقتي علشان لسه فيها خير بس ان سحب ضعف تاني وده وارد بس مش هيكون زي الأول .... الحمدلله لما طلعت بيها من عنده كانت تمام و تاني يوم حسيت بضعف السحب بس مش زي الأول و رجع ظبط تاني و ناوي ان شاء الله اغير الطرمبه كلها بس سالت في تارجت و قالي 950 و مش موجوده و قالي ممن تغير الماتور بتاع الطرمبه بس و في بورش ب 150 و الكوري ب 200 بس انا بفكر اروح التوكيل اضمن فرع ابو رواش ان شاء الله بس هسأل الاول على اسعر

علي فكره انا عندي سبكترا 2005 وكنت عايز اوديها التوكيل بس رفضوا عشان مبيخدوش اقل من موديل 2008

المشاركة الأصلية كتبت بواسطة rodina mahmoud

علي فكره انا عندي سبكترا 2005 وكنت عايز اوديها التوكيل بس رفضوا عشان مبيخدوش اقل من موديل 2008

بس انا كلمتهم النهارده و قالولي مفيش مشكله بس الفكره ان طرمبة البنزين مش موجوده عندهم و لما سألتهم عن تمنها قالولي 1250 غير 10 % كمان ضريبة مبيعات و مصنعية التركيب 120 جنيه و كشف العربيه ميكانيكا بس ب 150 جنيه و ان كنت هصلح حاجه من عندهم هيتشال مني تمن 150 جنيه بتاع الكشف ..... شكلي كده هغير موتور الطرمبه و بس بس قلقان بصراحه من الخطوه ده