الموضوع: رابطة ملاك كيا سبكترا وقطع غيارها

المشاركة الأصلية كتبت بواسطة mohmmedzohier

الف شكلر ليك ياباشا احنا ككلنا بنتعلم من بعض

انا بعشق العربيه دى لانها اول عربيه نجبها وعملت فيها اللى متتخيلوش فيها + انى عنى فكره كويسه عن العربيات والحساسات شارى serives manual ,وشارى obd scanner ,وغير كل دا كنت لما اروح عند اى مركز اوورشه كنت بتدفع فلوس عشان اتعلم


على فكره الكوبلن التيواتى كويس بس تحافظ عليه وهيخد وقته

نصيحه بعد ما تركب كوبلن او اى حاجه تعملها فى العفشه روح اظبط زوايا

المعلومه دى محدش بيعرفها

العربيه واطيه ورا 1- السوست
2- المساعد

انا حاسس انها من السوست اكتر علشان فعلاً العربية واطيه جداً وفي صوت حكة المساعد في اليمين ورا لما العربية تحمل وتاخد مطب هوا
وانا فعلاً يا باشا ظبط زوايا بعد ما خلصت شغل عفشة بس حسيت ان الطارة مش بترد كويس بعد الملفات والكلام ده حصل بعد ما ظبت زوايا مش عارف ليه بس بصراحة انا اكتر حاجة واكلالي دماغي موضوع الوطي ورا ده ومش عايز احط علايات بس علشان انا بلعب كتير على الطريق فمش عايز انا العب والعربية تلعب كده هانروح في داهية
وصحيح ياباشا هو ال obd scanner ده هو كمبيوتر كشف الاعطال ولا انا بيتهيئلي
وده بيتجاب بكام بقى

بس ان شاء الله في الاجازة الجاية دي اقدر اظبط شوية حاجات

المشاركة الأصلية كتبت بواسطة mohmmedzohier

بص يا باشا ففكك من الجديد دا لف عند بتوع الكاوتش اللى فى الشارع
فى ناس هبل بيبقى لسه شارين العربيه ويبعو الكاوتش والحنوط الحديد 800 جنيه مثلا كان قدامى هينداى الجديده والاهبل بيبع الحنوط الفبريكه

او اشترى جنوط اسبور استراد الفبريكه وعليها علامه الكيا كان معروض الجنوط دى 400 جنيه تحفه

موافقة وبشدة
الرأي ده مظبوط لو عايز هاتهم من بتاع الكاوتش مستعملين بس استنضفهم علشان في ناس كتير بترمي بتوع الفابريكة انا كان واحد صاحبي ربنا كرمه ولقى عربيته مرفوعة على اربع حجارة واحنا بندور على جنوط لاقينا جنوط حديد زيرو بتاعة افيو بس للاسف مركبوش عليها وكانو الاربعة ب500 جنيه ومقاس 14

ياجماعة انا عندى مشكلة فى القنطرة بتاعت الفتيس . كل شوية بتفك وبتعد تلعب تحت رجلى

ياريت تقولي جنوك الكيا دول فين ؟ اوي اي رقم اعرف اكلمهم

انا راي ان ده سعر كويس بالنسبه لاسعار السوق