الموضوع: رابطة ملاك كيا سبكترا وقطع غيارها

كل سنه و اعضاء الجروب بخير
رمضان كريم

المشاركة الأصلية كتبت بواسطة m nabil80

حضرتك غير فلتر الفتيس و الزيت حطه موبيل بس احسن و ان شاء الله تمام
البطارية اى نوع جاف كويس

تمام طب بالنسبه لموضوع الار بى ام ؟؟
وبالنسبه للبطاريه تايخ الانتاج يفضل يكون من امتى ؟؟
و فى حاجه كمان السحب عندى فى العربيه مطلع الكبارى سعات بيكون كويس وسعات وحش وتقريبا كده والله اعلم لما بحط بنزين 92 بيبقى حلو مع العلم انى لسه مغير فلتر البنزين والسحب زى ما هو سعات و سعات مع العلم بردو ان الدخان بتاع الشكمان ابيض عادى مش اسود
وشكرا على الرد

باشا ما تشغلش بالك بالتاريخ المهم الضمان ... مفيش محل محترم بيبيع حاجه وحشه و لو حضرتك من سكان مدينه نصر ممكن ادلك على اماكن كويسه
بالنسبة لسحب العربية .... اعمل سرفيس كامل ليها واتاكد من تقسيمة التاكيهات ليكون حد لعب فيها
او شوف جهاز كشف اعطال يقيس الحرق بتاع الموتور والكبس والخ
و بعدين تقدر تعرف العيب

المشاركة الأصلية كتبت بواسطة m nabil80

باشا ما تشغلش بالك بالتاريخ المهم الضمان ... مفيش محل محترم بيبيع حاجه وحشه و لو حضرتك من سكان مدينه نصر ممكن ادلك على اماكن كويسه
بالنسبة لسحب العربية .... اعمل سرفيس كامل ليها واتاكد من تقسيمة التاكيهات ليكون حد لعب فيها
او شوف جهاز كشف اعطال يقيس الحرق بتاع الموتور والكبس والخ
و بعدين تقدر تعرف العيب

شكرا جدا لحضرتك انا فعلا هعمل سرفيس كامل

المشاركة الأصلية كتبت بواسطة xdieselx

شكرا جدا لحضرتك انا فعلا هعمل سرفيس كامل

فين احسن مكان تفتكر ممكن نعمل عنده سيرفس شامله زي ده ؟

حضرتك ممكن تكلم محل اليوسف اللى انا بعتلك رقمه و قولهم انك من طرف د.محمد .. اللى هو انا...
هيعمل معاك واجب فى اﻻسعار و بجانبه بيدلك على اماكن بجانبه تظبط كل حاجه
ﻻ تقلق هو اللى هناك اسمه عمر.... و هو خدوم جداااا... و مش بيعمل شغل على حد

الاخوة والأصدقاء انا املك سيارة كيا سبكترا موديل 2004 خليجي واود ان الخص تجربتي وما فعلته منذ شراؤها لاسترداد العافية الكاملة لهذه السيارة الرائعة والتي حينما تعتنى بها تكون قد امتلكت سيارة تقارن بسيارات اليوم باستثناء بعض الكماليات حديثة العهد.
* الى كل من يتجه الى تغيير الجنوط من الافضل تجنب ذلك والحفاظ على جنوطها الأصلية الحديد ومقاسات اطارتها الأصلية لأداء اشد في عزمها وثباتها مع السرعات العالية وأيضا للحفاظ علي عفشتها عن نفسي استغنيت عن جنوط موم سبور الإيطالي الأصلي مقاس ١٥ وعدت الى جنوطها ومقاستها الأصلية.
* أفضل زيت لماتور هذه السيارة هو شيل الاصفر ال ٥٠٠٠ وتسقطه على ٤٠٠٠ كيلو فهو يهدئ من صوت الماتور العالي ويحافظ على خلوصات الماتور الذي مر عليه أكثر من ١٠ سنوات وايضا يساعد على السحب الجيد ويمكن ان تزيده حوالي نصف لتر بعد حوالي ٢٠٠٠ كيلو.
* الى كل من يعاني من ضعف سحب السيارة عليه ان يغير قلب مضخة البنزين الى النوع بوش فقط وسعره حوالي ١٣٠ جنيهه ولا يحاول مع أي نوع اخر فالمضروب في السوق كثير.
* من واقع خبرتي العمر الافتراضي لكابلن الكيا سبكترا يبدا من ١٥٠٠٠٠ كيلو ولهذا ابداء في تغيير مجموعه الكبالن كامله (خارجي وداخلي) استيراد درجة اولى وسعرها ما ببن ١٣٠٠ الى ١٥٠٠ جنيهه ولا تشترى أي نوع من السوق فكله صيني مضروب لا يستمر أكثر من سنة وان حلف البائع ميت يمين.
* نظرا لطبيعة مصر الخلابة في المطبات التي تدمر اجدع سيارة ايضا عندما تصل الى ١٥٠٠٠٠ كيلو حاول ان تغيير علبه الدركسيون وان تكون استيراد درجه اولى وبالبارات وسعرها يتراوح ما بين ٥٠٠ الى ٦٠٠ جنيهه وان تكون على التجربة ولا تشتريها الا ومعاك ميكانيكي محترف مثلها مثل الكبالن.
* لا تحاول ان تشترى مساعدين استيراد جديد فقط وان يكون ماركة kyb والسعر الأمامي ب ٦٥٠ جنيهة و الخلفي ب ٧٥٠جنيهة.
* عند كل ١٠٠٠٠ كيلو اغسل الراديتر والسربنتينات جيدا (حوالي 30 جنيهه) واستخدم المياه الخضراء فقط مع عبوتين مزيل الصداء من النوع اربو الأمريكي العبوه ب ٢٥ جنيهه بالإضافة الى 35 جنيهه جركن 4 لتر مياه خضراء.
* يتم تغير طقم السيور كامل بعد كل ٥٠٠٠٠ كيلو وسعر طقم السيور كامل (145 جنيهة).
* بعد كل ١٥٠٠٠ كيلو نضف مسطره الانجشكن والبوابة جيدا واستخدم دائما منظف جيد ويفضل ان يكون ليكوي مولي وسعرة 37 جنيهه وان كانت المسطرة متهالكة فغيرها باستيراد درجة أولى على التجربة (سعر المسطرة الاستيراد 250 جنيهه).
* استخدم دائما زيت الفتيس فالفولين 75W-90 بمستوى جودة gl4 (سعرة 85 جنيهه) والفرامل نوع راندكس (20 جنيهه) وزيت الباور الاحمر من توتال (35 جنيهه).
*غير البوجيهات دائما عند ١٠٠٠٠ كيلو واحرص دائما ان تكون شعلة واحده ومخصصه فقط للسيارات الكوري (مكتوب على العلبة ذلك) وسعرها ٥٥ جنيه.
* دائما راجع على المقصات والجلب بعد ٢٥٠٠٠ كيلو وإذا وحدث ان طريت جلب المقصات فغيرها على الفور ودائما راجع على الزوايا والاتزان كل ٣ أشهر وأفضل ورشه لذلك هو عند محسن في العباسية فهو متخصص وعنده مقاسات العربية والتكلفة للزوايا ٦٠ جنيهه أمامي وخلفي.
* لا تحاول ان تغير أي كستبانات من السوق فكلها صيني وغاليه على الفاضي فقط اطلبها استيراد بحضور الميكانيكي على شرط ان تكون السوست والشواكيش في حاله ممتازة ولا تغير الا الكستبانات الضعيفة فقط وليس الطقم كله.
* مع كل دخول للصيف او الشتاء راجع على الاولسيهات والجوانات وملاحظه أي تسريب وخاصه الباور والفتيس.
* لا تحاول ابدا ان تعدل على الضفيرة او تغيرها او تعدل في علبه الفيوزات فهي فبريقه الماتور فقط إذا كان هناك فيش تآكلت لابد من الذهاب الى كهربائي ماهر لأصلحها.
*أقصى عمر للبطارية الجافه هو من سنة ونصف الى سنتان ولا تزيد قوتها عن ٦٠ مللي امبير لتحاشى جفاف الوصلات.
* لا تحاول ان تعدل على الشكمان وعلبة البيئة حتى لا يؤثر ذلك على السيارة فقط الأصليين لتجنب خنقة العربية.
* عند ال 100000 كيلو غير الأسطوانة والديسك والبلية بالأصليين كيا (النوع العريض) وليس باي نوع اخر وسعر الأصلي (625 جنيهه) بتاريخ اليوم 24/6/2015 فذلك سيعيد السيارة الى حالة المصنع.
* مع دخول الصيف حاول دائما ان تراجع الفريون وان تنظف سربنتينات التكيف وأفضل من يقوم بذلك هو مركز الباشا في شارع الطيران (حوالي 30 جنيهه تنظيف او تنظيف وزيادة شحن 80 جنيهه) وتذكر ان الكيا سبكترا ليس لها فلتر تكييف.
* أحد اهم مساوئ الكيا سبكترا والسيفيا والشوما هو طق التابلوه فاذا كنت من الذي لا يهمهم ذلك فاتركه وان كان طق كاملا فعليك بكهربائي متخصص في فك التابلوهات واصلاحها وكسوتها وسيكلفك ذلك حوالي ٥٠٠ جنيهه على شرط ان يكون السروجي ماهر في تكسيه تابلوة الاسبكترا حتى لا يطق مرة اخرى.
*بالنسبة للفوانيس الأمامي والخلفي لا تشترى ابدا من السوق فكلها صيني وتطوس بعد سنة يفضل ان تشتريها استيراد والطقم الأمامي او الخلفي بحوالي ٤٠٠ جنيهه (بالفصال).
واي استفسار اخر انا أرحب بالرد على الاخوة والزملاء

ممكن جد يقولي اسعار اطقم المساعديم امامي وخلفي بكام وهل انا كحتاج احط سوست للمساعدين ترفع العربيه والاسعار ايه